بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

جۇڭگو ۇكىمەتى دوستىق سيلىعىن تاراتۋ سالتى بەيجيڭدە وتكىزىلدى

ليۋ حى ماجىلىسكە قاتىناستى ءارى ءسوز سويلەدى

2019.10.01 12:28     كەلۋ قاينارى : حالىق تورابى

  حالىق تورابى، 10 – ايدىڭ 1 – كۇنى، بەيجيڭ. جۇڭگو ۇكىمەتىنىڭ 2019 - جىلعى دوستىق سيلىعىن تاراتۋ سالتى 9 – ايدىڭ 30 – كۇنى حالىق سارايىندا سالتاناتپەن وتكىزىلدى، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ حى سيلىق العان شەتەلدىك ماماندارعا سيلىق تاراتتى ءارى ءسوز سويلەدى.

  ليۋ حى جۇڭگو ۇكىمەتى اتىنان 31 مەملەكەتتەن كەلگەن سيلانعان 100 ماماندى قىزۋ قۇتتىقتادى، جۇڭگودا قىزمەت ىستەپ جاتقان بارلىق شەتەلدىك مامانداردان جانە ولاردىڭ وتباسىنداعىلاردان شىنايى حال سۇرادى جانە ولارعا شىن جۇرەكتەن العىس ايتتى. ول مىنالاردى اتاپ كورسەتتى: جاڭا جۇڭگو قۇرىلعاننان بەرى، اسىرەسە، رەفورمالاپ، ەسىك اشقاننان بەرى، قىرۋار شەتەلدىك ماماندار جۇڭگونىڭ وسىزامانداندىرۋ قۇرىلىسى ىستەرىنە بەلسەنە ات سالىسىپ، جۇڭگونىڭ ءتۇرلى دارىندىلاردى جەتىلدىرۋىنە كومەكتەسىپ، جۇڭگو مەن شەتەلدىڭ سەلبەستىگىن، اۋىس - كۇيىسىن زور كۇشپەن جەبەپ، جۇڭگونىڭ دامۋى مەن العا باسۋىنا قىرۋار جۇرەك قانىن سارقا جۇمساپ، ماڭىزدى ۇلەس قوستى، جۇڭگو حالقىمەن تەرەڭ دوستىق ورناتتى، جۇڭگو حالقى ماڭگى ۇمىتپايدى.

  ليۋ حى بىلاي دەدى: ءتوراعا شي جينپيڭ دارىپتەگەن ادامزاتتىڭ تاعدىرلاس ورتاق تۇلعاسىن قۇرۋ ۇستانىمىنا تاباندى بولۋ كەرەك. جاڭا داۋىردەگى جۇڭگو اناعۇرلىم گۇلدەنگەن، دامىعان جۇڭگو، اناعۇرلىم اشىق جۇڭگو، دۇنيە جۇزىنە اناعۇرلىم زور ۇلەس قوسۋدى قالايتىن جۇڭگو. جۇڭگو ۇكىمەتى سىرتقا ەسىك اشۋدى تاباندىلىقپەن ىلگەرىلەتىپ، كوپ جاقتى ساۋدا ءتۇزىلىسىن ءىس جۇزىندىك ارەكەتى ارقىلى قورعاپ، دۇنيە ءجۇزىنىڭ باياندى بەيبىتشىلىگىن، گۇلدەنۋىن جانە حالىقتىڭ الاڭسىز تىرشىلىك ەتۋىن جۇزەگە اسىرۋعا كۇش سالادى؛ جاڭالىق اشۋ قابىلەتىن اشىق ۇستاۋ سەلبەستىگىن زور كۇشپەن ىلگەرىلەتىپ، ءبىلىم مەنشىك ۇقىعىن قاتاڭ قورعاپ، بىلىمگە، دارىندىلارعا، جاڭالىق اشۋعا قۇرمەت ەتەتىن تاماشا ورتا قالىپتاستىرۋ؛ اناعۇرلىم دالمە - ءدال، ۇتىمدى دارىندىلار ساياساتىن اتقارىپ، شەتەلدىك دارىندىلاردىڭ جۇڭگوعا كەلىپ قىزمەت ىستەۋىنە، تۇرمىس كەشىرۋىنە اناعۇرلىم زور قولايلىلىق جاراتۋ كەرەك.

  عىلىم - تەحنيكا مينيسترى ۋاڭ جىگاڭ سيلىق بەرۋ ۇيعارىمىن وقىدى. جۇڭگو ۇكىمەتىنىڭ دوستىق سيلىعى جۇڭگونىڭ وسىزاماندانۋ قۇرىلىسىندا كورنەكتى ۇلەس قوسقان شەتەل ماماندارىن ماداقتاۋ ءۇشىن تاعايىندالعان ەڭ جوعارى داڭق سيلىعى، 1991 - جىلى تاعايىندالعاننان بەرى شەتەل ماماندارىنان 1699ى سيلاندى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار