جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ قوناعاسىسى بەيجيڭدە سالتاناتپەن وتكىزىلدى
شي جينپيڭ ماڭىزدى ءسوز سويلەدى
لي كىچياڭ ءماجىلىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قوناعاسىعا قاتىناستى
2019.10.01 12:33 كەلۋ قاينارى : حالىق تورابى
«حالىق گازەتى»، 9 - ايدىڭ 30 – كۇنى، بەيجيڭ (ءتىلشى جاڭ شو). جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ قوناعاسىسى 9 - ايدىڭ 30 - كۇنى كەشتە حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوناعاسىعا قاتىناستى ءارى ماڭىزدى ءسوز سويلەدى. ول مىنالاردى دارىپتەدى: جاڭا جورىقتا ءبىز ىنتىماق تۋىن بيىك ۇستاپ، پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بۇكىل ەلدەگى ءار ۇلت حالقىنىڭ ۇلى ىنتىماعىن بەكەمدەپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن كۇشەيتىپ، پارتيا - توپتاردىڭ، ۇيىمداردىڭ، ۇلتتاردىڭ، جىكتەردىڭ، سونداي - اق ءار جاقتىڭ ۇلى ىنتىماعىن كۇشەيتىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، وتانشىلدىق رۋحتى بارىنشا اسقاقتاتىپ، العان بەتىنەن قايتپايتىن كۇش قالىپتاستىرىپ، جۇڭحۋا ۇلتىنىڭ ۇلى گۇلدەنۋى كەمەسىنىڭ تولقىن جارا ىلگەرىلەپ، جەلكەن جايا ۇزاققا تارتۋىن جەبەۋىمىز كەرەك. (ءسوزدىڭ تولىعى «حالىق گازەتىنىڭ» بۇگىنگى 3 – بەتىندە جاريالاندى)
لي كىچياڭ قوناعاسىنى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قوناعاسىعا قاتىناستى. جۇڭگولىق، شەتەلدىك 4 مىڭنان استام قايراتكەر ءبىر اراعا باس قوسىپ، جاڭا جۇڭگونىڭ 70 جىلدىعىن قۇتتىقتادى.
حالىق سارايىنىڭ قوناعاسى زالىندا شىراقتار جارقىراپ، گۇلدەر جايناپ، قىزۋ مەرەكەلىك دۋمان ايگىلەندى. ءتوراعالار مىنبەسىنىڭ جوعارعى جاعىنا ايبىندى مەملەكەت گەربى ىلىنگەن، «1949 - 2019» دەگەن جازۋلار قىزىل تۋ استىندا ەرەكشە كوز تارتادى.
ساعات 17 دەن 30 مينۋت وتكەندە، ويناقى «قوناقتاردى قارسى الۋ مۋزىكاسىنىڭ» ءۇنى ىشىندە شي جينپيڭ قاتارلىلار قوناعاسى زالىنا كىردى، تۇتاس زالدان دۋ قول شاپالاق ءۇنى كوتەرىلدى.
قوناعاسى باستالدى. زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى، ايبىندى دا اسقاق «ەرىكتىلەر مارىشى» زالدى جاڭعىرتتى.
اسقاق ۇران ءۇنى ىشىندە شي جينپيڭ ءتوراعالار مىنبەسىنە شىعىپ، ماڭىزدى ءسوز سويلەپ، پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنا، بارلىق كوممۋنيستەرگە، جۇڭگو حالىق ازاتتىق ارمياسىنىڭ كوماندير - جاۋىنگەرلەرىنە جانە قارۋلى ساقشى بولىمدەرىنىڭ كوماندير - جاۋىنگەرلەرىنە، دەموكراتيالىق پارتيا - توپتارعا جانە پارتيادا، توپتا جوق قايراتكەرلەرگە وسكەلەڭ قۇرمەت ءبىلدىردى؛ شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەردەگى قالىڭ مۇھاجىر باۋىرلاستارعا شىنايى سالەم جولدادى؛ جاڭا جۇڭگونىڭ قۇرىلىس ىستەرىنە قولداۋ جانە كومەك كورسەتكەن دوس ەلدەر مەن حالىقارالىق دوستارعا شىن جۇرەكتەن العىس ايتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
