جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى
تيان - انمىن الاڭىندا سالتاناتتى اسكەري پارات جانە بۇقارالىق ءجۇرىس وتكىزىلدى
شي جينپيڭ ماڭىزدى ءسوز سويلەدى ءارى پاراتتان وتكەن اسكەري بولىمدەردى كوزدەن كەشىردى
2019.10.02 12:15 كەلۋ قاينارى : حالىق تورابى
لي كىچياڭ ءماجىلىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ ماجىلىسكە قاتىناستى
10 - ايدىڭ 1 - كۇنى جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پاراتتان وتكەن اسكەري بولىمدەردى كوزدەن كەشىرۋدە.
سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار تيان - انمىن مىنبەسىندە.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
«حالىق گازەتى»، 10 – ايدىڭ 1 - كۇنى، بەيجيڭ. 10 – ايدىڭ 1 - كۇنى تۇستەن بۇرىن جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى، ارميا مەن حالىقتان قۇرالعان 200 مىڭنان استام ادام سالتاناتتى اسكەري پارات سالتى مەن بۇقارالىق ءجۇرىس وتكىزىپ، رەسپۋبليكانىڭ 70 جىلدىق سالتانات كۇنىن قۇتتىقتادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى ءارى پاراتتان وتكەن اسكەري بولىمدەردى كوزدەن كەشىردى. (ءسوزدىڭ تولىعى بۇگىنگى «حالىق گازەتىنىڭ» 2 – بەتىندە جاريالاندى)
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ قۇتتىقتاۋ جينالىسىن باسقاردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ، مەملەكەتتىڭ ورىنباسار ءتوراعاسى ۋاڭ چيشان جينالىسقا قاتىناستى.
سالتاناتتى مەملەكەت مەرەكەسى ساتىندە جۇڭگونىڭ بايتاق دالاسى، تاۋ - وزەندەرى ايبىندى دا شات مەرەيگە شومدى، استانا بەيجيڭ گۇلگە ورانىپ، تۋلار جەلبىرەدى.
اسپان شايداي اشىلىپ، كۇن شۇلەن شۇعىلاسىن شاشتى، تيان - انمىن سارايى اسقاق تا ايبىندى بەينەگە ەنگەن. ساراي عيماراتىنىڭ قىزىل داۋالىنىڭ ورتاسىنا ماۋ زىدۇڭ جولداستىڭ الىپ ءتۇستى سۋرەتى ىلىنگەن. ساراي عيماراتىنىڭ دودەگەسىنىڭ استىنداعى 8 ۇلكەن قىزىل شام جۇرت نازارىن اۋدارادى، شىعىس، باتىس تەكشەسىندە 8 قىزىل تۋ جەلبىرەپ، مەرەكە شاتتىعىن بەينەلەپ تۇر.
تيان - انمىن الاڭىنداعى «قىزىل لەنتانى» نەگىزگى تاقىرىپ ەتكەن اسا ۇلكەن كورىنىس تەكشەسى ايبىندانىپ، كوز ءسۇرىندىرىپ، توڭكەرىستىك رۋحتىڭ تاريحتى، رەالدىقتى، بولاشاقتى جالعاستىرۋىن اڭعارتۋدا. حالىق قاھارماندارى ەسكەرتكىشىنىڭ الدىندا ۇلى توڭكەرىستىك اتويشى سۇن جۇڭشان مىرزانىڭ سۋرەتى تۇرعىزىلعان، وراسان زور «مەملەكەت مەرەكەسى»، «1949»، «2019» دەگەن ستەرەولىق جازۋلار ەرەكشە كوز تارتادى.
تۇستەن بۇرىن ساعات 9 دان 57 مينۋت وتكەندە، ويناقى مۋزىكا ءۇنى ىشىندە شي جينپيڭ قاتارلى پارتيا مەن مەملەكەت باسشىلارى تيان - انمىن سارايىنىڭ ءتوراعالار مىنبەسىنە كەلىپ، تيان - انمىن مىنبەسىندەگى ءار سالا ۋاكىلدەرىنە قول بۇلعاپ قۇرمەت ءبىلدىردى. تۇتاس الاڭدا كۇندەي كۇركىرەگەن شاپالاق ءۇنى كوتەرىلدى.
تيان - انمىن الاڭىنداعى ءىرى تۇرپاتتى ەلەكتروندىق ەكراننان ماياتنيكتىڭ كەسكىنى كورىندى. 1949، 1959، 1969... 2019، ماياتنيككە ىلەسىپ، جىلدار رەتىمەن كورىنىپ جاتتى. ساعات قوڭىراۋى سوعىلىپ، ساعات 10 دا قۇتتىقتاۋ جينالىسى باستالدى.
تۇتاس الاڭداعىلار ورىندارىنان تۇردى، 70 رەت اتىلعان قۇرمەت قاراۋىلى كوكتى ءتىلىپ ءوتتى، مەملەكەت تۋىن قورعاۋ اترەتىنىڭ كوماندير - جاۋىنگەرلەرى بەس جۇلدىزدى قىزىل تۋدى قورعاپ، نىق قاداممەن حالىق قاھارماندارى ەسكەرتكىشىنەن الاڭنىڭ سولتۇستىك بۇيىرىندەگى تۋ شىعارۋ رايونىنا باردى. جۇڭگو حالىق ازاتتىق ارمياسىنىڭ بىرلەسكەن اسكەري وركەسترى ايبىندى «ەرىكتىلەر مارىشىن» ورىندادى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، بەس جۇلدىزدى نارت قىزىل تۋ باياۋ كوتەرىلىپ، تيان - انمىن الاڭىنىڭ كوگىندە جەلبىرەدى.
وسىدان كەيىن شي جينپيڭ ماڭىزدى ءسوز سويلەدى. ول الدىمەن پارتيا ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس جانە ورتالىق اسكەري ىستەر كوميتەتى اتىنان ۇلتتىڭ تاۋەلسىزدىگى مەن حالىقتىڭ ازاتتىعى، مەملەكەتتىڭ باي - قۇدىرەتتى بولۋى مەن حالىقتىڭ باقىتى جولىندا وشپەس ەڭبەك سىڭىرگەن بارلىق توڭكەرىستىك اعا بۋىندار مەن قۇربانداردى شىن جۇرەكتەن ەسكە الىپ، بۇكىل ەلدەگى ءار ۇلت حالقىن جانە ەل ءىشى - سىرتىنداعى وتانشىل باۋىرلاستاردى قىزۋ قۇتتىقتادى، جۇڭگونىڭ دامۋىنا كوڭىل بولگەن جانە قولداۋ كورسەتكەن ءار ەلدەگى دوستارعا شىن جۇرەكتەن العىس ايتتى.
شي جينپيڭ سوزىندە بىلاي دەپ اتاپ كورسەتتى: 70 جىلدىڭ الدىنداعى بۇگىنگى كۇنى ماۋ زىدۇڭ جولداس بۇل ارادا جۇڭحۋا حالىق رەسپۋبليكاسىنىڭ قۇرىلعانىن دۇنيە جۇزىنە سالتاناتپەن جاريالادى، جۇڭگو حالقى سودان باستاپ ەڭسە كوتەردى. وسى ۇلى وقيعا تاياۋ زاماننان كەيىنگى 100 جىلدان استام ۋاقىتتان بەرى جۇڭگونىڭ كەدەيلىكتىڭ، السىزدىكتىڭ قۇيىنا باتىپ، وزگەلەردىڭ قورلاۋىنا ۇشىراپ كەلە جاتقان ايانىشتى تاعدىرىن تۇبەگەيلى وزگەرتىپ، جۇڭحۋا ۇلتى ۇلى گۇلدەنۋدى جۇزەگە اسىرۋدىڭ داڭعىل جولىنا ءتۇستى. 70 جىلدان بەرى بۇكىل ەلدەگى ءار ۇلت حالقى ءبىر نيەت، ءبىر تىلەكتە بولىپ، قاجىرلىلىقپەن كۇرەس جۇرگىزىپ، دۇنيەنى جالت قاراتقان ۇلى تابىستارعا قول جەتكىزدى. بۇگىنگى تاڭدا سوتسياليستىك جۇڭگو دۇنيەنىڭ شىعىسىندا قاسقايىپ تۇر، ءارقانداي كۇش ۇلى وتانىمىزدى ورنىنان شايقاي المايدى، ءارقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىن بوگەي المايدى.
شي جينپيڭ مىنالاردى دارىپتەدى: العا باسۋ ساپارىندا ءبىز جۇڭگو كوممۋنيستىك پارتياسىنىڭ باسشىلىعىندا، حالىقتىڭ نەگىزگى تۇلعالىق ورنىندا، جۇڭگوشا سوتسياليزم جولىندا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتى اتقارىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرىپ، جاڭا تاريحي ۇلى ىستەردى ۇزدىكسىز جاراتۋىمىز كەرەك. ءبىز «بەيبىت جولمەن بىرلىككە كەلۋ، ءبىر ەل، ەكى ءتۇزىم» باعىتىندا تاباندى بولىپ، شياڭگاڭنىڭ، اۋمىننىڭ ۇزاق ۋاقىت گۇلدەنىپ - كوركەيۋى مەن ورنىقتىلىعىن ساقتاپ، بۇعازدىڭ ەكى جاعالاۋى قاتىناسىنىڭ بەيبىت دامۋىن ىلگەرىلەتىپ، بارلىق جۇڭحۋا ۇلاندارىن ىنتىماقتاستىرىپ، وتاننىڭ تولىق بىرلىككە كەلۋىن جۇزەگە اسىرۋ جولىندا ۇزدىكسىز كۇرەس جۇرگىزۋىمىز كەرەك. ءبىز بەيبىت دامۋ جولىندا تاباندى بولىپ، ءوزارا تيىمدىلىك جەتكىزىپ، تەڭ يگىلىكتەنۋ سىندى قاقپا اشۋ ستراتەگياسىن اتقارىپ، دۇنيە جۇزىندەگى ءار ەل حالىقتارىمەن بىرگە ادامزاتتىڭ تاعدىرلاس ورتاق تۇلعاسىن بىرگە قۇرۋدى ۇزدىكسىز ىلگەرىلەتۋىمىز كەرەك. جۇڭگو حالىق ازاتتىق ارمياسى مەن حالىق قارۋلى ساقشى بولىمدەرى حالىقتىق ارميانىڭ سيپاتىن، ماقساتىن، قاسيەتىن ماڭگى ساقتاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن، دۇنيە ءجۇزىنىڭ بەيبىتشىلىگىن باتىل قورعاۋى كەرەك.شي جينپيڭ مىنالاردى دارىپتەدى: جۇڭگونىڭ كەشەگى كۇنى ادامزات تاريحىنا جازىلعان، جۇڭگونىڭ بۇگىنى ءجۇز ميلليونداعان حالىقتىڭ قولىندا تۇر، جۇڭگونىڭ بولاشاعى، ءسوز جوق، اناعۇرلىم كوركەم بولادى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق رەسپۋبليكامىزدى ۇزدىكسىز بەكەمدەپ، دامىتىپ، «ەكى 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز قۇلشىنا كۇرەس جۇرگىزۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
