بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەنگەن ءسوز

(2019 – جىلى 10 – ايدىڭ 1 – كۇنى)

  شي جينپيڭ

2019.10.02 13:52     كەلۋ قاينارى : حالىق تورابى

  بۇكىل ەلدەگى باۋىرلاستار،

  جولداستار، دوستار:

  بۇگىن ءبىز سالتاناتتى جينالىس وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ وتىرمىز. وسى ساتتە بۇكىل ەلدەگى ءار ۇلت حالقى، ەل ءىشى - سىرتىنداعى جۇڭحۋا ۇلاندارى شەكسىز قۋانىشپەن ۇلى وتانىمىزدى ماقتانىش ەتىپ، ۇلى وتانىمىزعا شىن جۇرەكتەن باقىت تىلەدى.

  بۇل ارادا مەن پارتيا ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس جانە ورتالىق اسكەري ىستەر كوميتەتى اتىنان ۇلتتىڭ تاۋەلسىزدىگى مەن حالىقتىڭ ازاتتىعى، مەملەكەتتىڭ قۇدىرەتتەنۋى مەن حالىقتىڭ باقىتى جولىندا وشپەس ەڭبەك سىڭىرگەن بارلىق توڭكەرىستىك اعا بۋىندار مەن قۇرباندارعا دەگەن تەرەڭ ساعىنىشىمدى بىلدىرەمىن! بۇكىل ەلدەگى ءار ۇلت حالقىن جانە ەل ءىشى - سىرتىنداعى وتانشىل باۋىرلاستاردى قىزۋ قۇتتىقتايمىن! جۇڭگونىڭ دامۋىنا كوڭىل بولگەن جانە قولداۋ كورسەتكەن ءار ەلدەگى دوستارعا شىن جۇرەكتەن العىس ايتامىن!

  70 جىلدىڭ الدىنداعى بۇگىنگى كۇنى، ماۋ زىدۇڭ جولداس وسى ارادا جۇڭحۋا حالىق رەسپۋبليكاسىنىڭ قۇرىلعاندىعىن دۇنيە جۇزىنە سالتاناتپەن جاريالادى، جۇڭگو حالقى سودان باستاپ ەڭسە كوتەردى. بۇل ۇلى وقيعا تاياۋ زاماننان كەيىنگى 100 جىلدان استام ۋاقىتتان بەرى جۇڭگونىڭ كەدەي، ءالسىز بولىپ كەلە جاتقان ايانىشتى تاعدىرىن تۇبەگەيلى وزگەرتتى، جۇڭحۋا ۇلتى ۇلى گۇلدەنۋدى جۇزەگە اسىرۋدىڭ داڭعىل جولىنا ءتۇستى.

  70 جىلدان بەرى، بۇكىل ەلدەگى ءار ۇلت حالقى ءبىر نيەت، ءبىر تىلەكتە بولىپ، قاجىرلىلىقپەن كۇرەس جۇرگىزىپ، دۇنيە ءجۇزىن جالت قاراتقان ۇلى تابىستارعا قول جەتكىزدى. بۇگىنگى تاڭدا، سوتسياليستىك جۇڭگو دۇنيەنىڭ شىعىسىندا مىزعىماستان قاسقايىپ تۇر، ەشقانداي كۇش ۇلى وتانىمىزدىڭ ورنىن شايقالتا المادى، ەشقانداي كۇش جۇڭگو حالقى مەن جۇڭحۋا ۇلتىنىڭ العا باسۋ قادامىن بوگەي المايدى.

  جولداستار، دوستار!

  العا باسۋ ساپارىندا ءبىز جۇڭگو كوممۋنيستىك پارتياسىنىڭ باسشىلىعىنا، حالىقتىڭ نەگىزگى تۇلعالىق ورنىنا، جۇڭگوشا سوتسياليزم جولىنا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتى اتقارىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋىمىز، جاڭا تاريحي ۇلى ىستەردى ۇزدىكسىز ورىنداۋىمىز كەرەك.

  العا باسۋ ساپارىندا ءبىز «بەيبىت بىرلىككە كەلۋ، ءبىر ەل، ەكى ءتۇزىم» باعىتىنا تاباندى بولىپ، شياڭگاڭ مەن اۋمىننىڭ ۇزاق ۋاقىت گۇلدەنىپ – كوركەيۋىن، ورنىقتىلىعىن ساقتاپ، بۇعازدىڭ ەكى جاعالاۋى قاتىناسىنىڭ بەيبىت دامۋىن ىلگەرىلەتىپ، بارلىق جۇڭحۋا ۇلاندارىن ىنتىماقتاستىرىپ وتاننىڭ تولىق بىرلىككە كەلۋىن جۇزەگە اسىرۋ جولىندا ۇزدىكسىز كۇرەس جۇرگىزۋىمىز كەرەك.

  العا باسۋ ساپارىندا ءبىز بەيبىت دامۋ جولىنا تاباندى بولىپ، ءوزارا تيىمدىلىك جەتكىزىپ، تەڭ يگىلىكتەنۋ سىندى ەسىك اشۋ ستراتەگياسىن اتقارىپ، دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن بىرگە قۇرۋدى ۇزدىكسىز ىلگەرىلەتۋىمىز كەرەك.

  جۇڭگو حالىق ازاتتىق ارمياسى مەن حالىق قارۋلى ساقشى بولىمدەرى حالىقتىق ارميانىڭ سيپاتىن، ماقساتىن، قاسيەتىن ماڭگى ساقتاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن، دۇنيە ءجۇزى بەيبىتشىلىگىن باتىل قورعاۋى كەرەك.

  جولداستار، دوستار!

  جۇڭگونىڭ وتكەنى ادامزات تاريحىنا جازىلدى، جۇڭگونىڭ بۇگىنى ءجۇز ميلليونداعان حالىقتىڭ قولىندا تۇر، جۇڭگونىڭ ەرتەڭى، ءسوز جوق، تىپتەن كوركەم بولادى. بۇكىل پارتيا، بۇكىل ارميا، بۇكىل ەلدەگى ءار ۇلت حالقى ونان ارى تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق رەسپۋبليكامىزدى ۇزدىكسىز بەكەمدەپ، دامىتىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز قۇلشىنا كۇرەسەيىك!

  ۇلى جۇڭحۋا حالىق رەسپۋبليكاسى جاساسىن!

  ۇلى جۇڭگو كوممۋنيستىك پارتياسى جاساسىن!

  ۇلى جۇڭگو حالقى جاساسىن !

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار