بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

سىرتقى ىستەر مينيسترلىگى: ا ق ش جاقتىڭ شينجياڭعا قاتىستى ماسەلەدە اككىلىك ىستەۋى قۇر ارامتەر بولعاندىق

2019.10.10 14:34     كەلۋ قاينارى : حالىق تورابى

  حالىق گازەتى، 10 – ايدىڭ 9 – كۇنى، بەيجيڭ (ءتىلشى: ۋ گاڭ) سىرتقى ىستەر مينيسترلىگىنىڭ مالىمدەمەشىسى گىڭ شۋاڭ 10 – ايدىڭ 9 – كۇنى مىنانى ءبىلدىردى: ا ق ش – جاقتىڭ شينجياڭعا قاتىستى ماسەلەدە اككىلىك ىستەۋى جۇڭگو ۇكىمەتى مەن حالقىنىڭ مەملەكەتتىڭ يەلىك ۇقىق حاۋىپسىزدىگىن قورعاۋ، قوعامنىڭ دامۋى مەن ورنىقتىلىعىن قورعاۋ سىندى بەرىك يراداسىن تيتتەي دە مىزعىتا المايدى، بۇكىلدەي قۇر ارامتەر بولعاندىق.

  سول كۇنى وتكىزىلگەن تىلشىلەردى قابىلداۋ جيىنىندا، ءتىلشى بىلاي دەپ سۇرادى: ا ق ش ساۋدا مينيسترلىگى شينجياڭداعى اتالمىش كىسىلىك ۇقىق ماسەلەسىنە قاتىستى دەگەن سەبەپپەن جۇڭگونىڭ 28 ناقتى تۇلعاسىنا ەكسپورتتى شەكتەۋدى اتقارعاننان كەيىن، ا ق ش مەملەكەتتىك كەڭەسى شينجياڭداعى مۇسىلمان از ۇلت توبىن «تۇتقىنداۋعا» جانە «قيناۋعا» بايلانىستى جاۋاپكەرشىلىگى بار جۇڭگونىڭ پارتيا – ۇكىمەت ءمانساپتىلارى مەن ولاردىڭ تۋىستارىنا ۆيزالىق شەكتەمە اتقاراتىنىن جاريالادى. بۇعان جۇڭگو جاق قانداي پوزيتسيا بىلدىرەدى؟

  گىڭ شۋاڭ بىلاي دەدى: جۇڭگو جاق ا ق ش جاقتىڭ اتالمىش شينجياڭعا قاتىستى كىسىلىك ۇقىق ماسەلەسىن جەلەۋ ەتىپ، جۇڭگونىڭ 28 ناقتى تۇلعاسىن ا ق ش – تىڭ ەكسپورتتى تەجەيتىن ناقتى تۇلعالار تىزىمدىگىنە كىرگىزگەنى جونىندە ا ق ش جاققا قاتاڭ قارسىلىق ءبىلدىردى ءارى قاتال مايدانىن ءبىلدىردى. مەن مۇنى تاعى دا باسا دارىپتەپ وتپەكشىمىن: شينجياڭ ىستەرى بۇكىلدەي جۇڭگونىڭ ىشكى ىستەرى، ءارقانداي مەملەكەتتىڭ ارالاسۋ ۇقىعى جوق. شينجياڭدا دا ا ق ش جاق ايىپتاعانداي اتالمىش كىسىلىك ۇقىق ماسەلەسى جوق. ا ق ش جاق مەيلى قانداي جەلەۋمەن شينجياڭعا قاتىستى ماسەلەدە جۇڭگو جاقتىڭ ناقتى تۇلعالارى مەن ادامدارىنا ءارقانداي شەكتەمەنى اتقاراتىن بولسا، تۇگەلدەي حالىقارالىق قارىم – قاتىناستىڭ نەگىزدىك ولشەمدەرىنە اۋىر دارەجەدە قايشى كەلەدى، جۇڭگونىڭ ىشكى ىستەرىنە اۋىر دارەجەدە كيلىككەندىك ەسەپتەلەدى، جۇڭگو جاق بارلىعىنا باتىل قارسى تۇرادى.

  گىڭ شۋاڭ بىلاي دەدى: ءسوزسىز اتاپ وتۋگە تاتيتىنى، شينجياڭدا لاڭكەستىككە قارسى تۇرۋ جانە ۇشقارىلىقتى الاستاۋ ءۇشىن ءتۇرلى شارالار اتقارۋداعى ماقسات — ۇشقارىلىق پەن لاڭكەستىكتىڭ تامىر تارتۋىنان قاينارىنان باستاپ ساقتانۋ بولىپ، بۇل جۇڭگونىڭ زاڭىنا ۇيلەسەدى، حالىقارالىق ءامالياتقا دا ۇيلەسەدى. بۇل شارالار شينجياڭداعى 25 ميلليون ءار ۇلت حالقىنىڭ كەڭ كولەمدە قولداۋىنا يە بولىپ، حالىقارالىق لاڭكەستىككە قارسى تۇرۋ ىستەرىنە دە بەلسەندى ۇلەس قوسقاندىق بولىپ تابىلادى. ا ق ش جاق شىندىقپەن ساناسپاي، شينجياڭعا قاتىستى ماسەلەلەردى توڭىرەكتەي وتىرىپ، جۇڭگوعا جالا جاپتى ءارى قارالادى، جۇڭگونىڭ ىشكى ىستەرىنە كيلىگۋ ءۇشىن قاساقانا جەلەۋ ىزدەدى، شينجياڭنىڭ لاڭكەستىككە قارسى تۇرۋ قۇلشىنىستارىنا توسالعىلىق جاسادى، جۇڭگونىڭ ورنىقتى دامۋىنا بوگەت بولدى، بۇدان جۇڭگو حالقى مەن حالىقارالىق قوعام ولاردىڭ سۇرقيا ويلارىن اناعۇرلىم ايقىن تانىپ جەتتى. مۇنداي اككىلىك ارەكەت جۇڭگو ۇكىمەتى مەن حالقىنىڭ مەملەكەتتىڭ يەلىك ۇقىق حاۋىپسىزدىگىن قورعاۋ، قوعامنىڭ ورنىقتى دامۋىن قورعاۋ جاعىنداعى بەرىك يراداسىن تيتتەي دە اۋىتقىتا المايدى، بۇكىلدەي قۇر ارامتەر بولعاندىق.

  گىڭ شۋاڭ بىلاي دەدى: ءبىز ا ق ش جاقتى قاتەلىكتەرىن دەرەۋ تۇزەتىپ، قاتىستى بەلگىلەمەلەردى كۇشىنەن قالدىرۋعا، جۇڭگونىڭ ىشكى ىستەرىنە ارالاسۋدى توقتاتۋعا ۇندەيمىز. جۇڭگو جاق جالعاستى باتىل دا پارمەندى شارالار قولدانىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار