جۇڭگونىڭ استىق حاۋىپسىزدىگى
(2019 - جىلى 10 - اي)
جۇڭحۋا حالىق رەسپۋبليكاسى مەملەكەتتىك كەڭەسىنىڭ اقپارات كەڭسەسى
2019.10.15 16:19 كەلۋ قاينارى : حالىق تورابى
حالىق − مەملەكەتتىڭ نەگىزى، استىق − حالىقتىڭ ءومىرى. استىق مەملەكەت ىسىنە، حالىق تۇرمىسىنا قاتىستى، استىق حاۋىپسىزدىگى − مەملەكەت حاۋىپسىزدىگىنىڭ ماڭىزدى نەگىزى. جاڭا جۇڭگو قۇرىلعاننان كەيىن جۇڭگو حالىقتىڭ تاماق ماسەلەسىن شەشۋدى باستان - اياق مەملەكەتتى باسقارىپ، ەلدى تىنىشتاندىرۋدىڭ ماڭداي الدى مىندەتى ەتتى. 70 جىلدان بەرى جۇڭگو كوممۋنيستىك پارتياسىنىڭ باسشىلىعىندا قاجىرلىلىقپەن كۇرەس جۇرگىزۋ جانە قاجىماي - تالماي قۇلشىنۋ ارقىلى جۇڭگو اۋىل شارۋاشىلىعىنىڭ نەگىزى توتەنشە ءالسىز، حالىق تۇرمىسى توتەنشە كەدەي بولۋ نەگىزىندە، ءوز كۇشىنە سۇيەنىپ استىقپەن ءوزىن - ءوزى نەگىزىنەن قامداپ، ءبىر ميلليارد 400 ميلليونعا جۋىق حالىقتىڭ تاماق ماسەلەسىن ءساتتى شەشۋمەن بىرگە، تۇرعىنداردىڭ تۇرمىس ساپاسى مەن قورەكتىك ورەسى كورنەكتى جوعارىلاپ، استىق حاۋىپسىزدىگى دۇنيەنى جالت قاراتقان وراسان زور تابىسقا قول جەتكىزدى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى استىق حاۋىپسىزدىگىنە ەل باسقارۋداعى ماڭداي الدى ءىرى ءىس رەتىندە قاراپ، «استىقپەن نەگىزىنەن ءوزىن - ءوزى قامداۋعا، ىشەر استىقتىڭ مۇلدە حاۋىپسىز بولۋىنا كەپىلدىك ەتۋ» سىندى جاڭا استىق حاۋىپسىزدىگى كوزقاراسىن العا قويىپ، ءوزىمىزدى نەگىز ەتۋ، ەل ءىشىن تياناق ەتۋ، ءوندىرىس قۋاتىنا كەپىلدىك ەتۋ، ۇيلەسىمدى يمپورت ەتۋ، عىلىم - تەحنيكا ارقىلى سۇيەمەلدەۋ سىندى مەملەكەتتىڭ استىق حاۋىپسىزدىگى ستراتەگياسىن ورناتىپ، جۇڭگوشا استىق حاۋىپسىزدىگى جولىن اشتى. جۇڭگو ەل ءىشىن تياناق ەتىپ استىقپەن نەگىزىنەن ءوزىن - ءوزى قامداۋدى قامتاماسىزداندىرۋ باعىتىندا تاباندى بولىپ، ەگىستىك جەردى قورعاۋدىڭ ەڭ قاتاڭ ءتۇزىمىن اتقارىپ، «استىق وندىرىسىندە جەرگە، تەحنيكاعا سۇيەنۋ» ستراتەگياسىن اتقارىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى مەن ءتۇزىلىس، مەحانيزمىندە جاڭالىق جاراتۋدى ۇزدىكسىز ىلگەرىلەتىپ، استىق ءوندىرىس قۋاتىن ۇزدىكسىز كۇشەيتىپ، استىق اينالىمىن وسىزامانداندىرۋ ورەسىن كورنەكتى جوعارىلاتتى، استىقپەن قامداۋ قۇرىلىمى ۇزدىكسىز ساپالىلانىپ، استىق شارۋاشىلىعى ورنىقتى دامىپ، اناعۇرلىم جوعارى دەڭگەيلى، اناعۇرلىم ساپالى، اناعۇرلىم ءونىمدى، اناعۇرلىم باياندى استىق حاۋىپسىزدىگىن قامتاماسىزداندىرۋ جۇيەسى بىرتىندەپ ورناتىلىپ، مەملەكەتتىڭ استىق حاۋىپسىزدىگىن قامتاماسىزداندىرۋ اناعۇرلىم كۇشەيىپ، جۇڭگوشا استىق حاۋىپسىزدىگى جولى بارعان سايىن ورنىقتى، بارعان سايىن كەڭەيە ءتۇستى.
استىق حاۋىپسىزدىگى − دۇنيە ءجۇزىنىڭ بەيبىتشىلىگى مەن دامۋىنىڭ ماڭىزدى كەپىلى، ادامزاتتىڭ تاعدىرلاس ورتاق تۇلعاسىن قۇرۋدىڭ ماڭىزدى نەگىزى، ول ادامزاتتىڭ باياندى دامۋى مەن بولاشاق تاعدىرىنا سايادى. دۇنيە جۇزىندەگى ەڭ ءىرى دامۋ ۇستىندەگى ەل جانە جاۋاپتى ءىرى ەل بولعان جۇڭگو باستان - اياق دۇنيە جۇزىندەگى استىق حاۋىپسىزدىگىن قورعايتىن بەلسەندى كۇش بولىپ كەلەدى. جۇڭگو دۇنيە ءجۇزىنىڭ استىق حاۋىپسىزدىگىن جونگە سالۋعا بەلسەنە ات سالىسىپ، حالىقارالىق اۋىس - كۇيىس پەن سەلبەستىكتى كۇشەيتىپ، كوپ جاقتى ساۋدا جۇيەسىن باتىل قورعاپ، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرىپ، دۇنيە ءجۇزىنىڭ استىق حاۋىپسىزدىگىن قورعاۋعا، بىرگە دامۋدى جەبەۋگە بەلسەندى ۇلەس قوستى.
جۇڭگونىڭ استىق حاۋىپسىزدىگى تابىسىن جالپى بەتتىك تانىستىرۋ، حالىقارالىق قوعامنىڭ جۇڭگونىڭ استىق حاۋىپسىزدىگى جونىندەگى تۇسىنىگىن ارتتىرۋ ءۇشىن، وسى اق تىستى كىتاپتى ارنايى جاريالادىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
