حان جىڭ قازاقستان پرەمەر – مينيسترىنىڭ ءبىرىنشى ورىنباسارى سمايلوۆپەن كەزدەستى ءارى جۇڭگو - قازاقستان سەلبەستىك كوميتەتىنىڭ 9 ـ رەتكى ءماجىلىسىن باسقارىپ اشتى

2019.11.05 16:35   كەلۋ قاينارى : حالىق تورابى

　　حالىق تورابى، 11 – ايدىڭ 5 – كۇنى، بەيجيڭ. سۋرەتتە: 11 – ايدىڭ 4 – كۇنى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، جۇڭگو - قازاقستان سەلبەستىك كوميتەتى جۇڭگو جاقتىڭ ءتوراعاسى حان جىڭ بەيجيڭدە قازاقستان پرەمەر – مينيسترىنىڭ ءبىرىنشى ورىنباسارى، جۇڭگو - قازاقستان سەلبەستىك كوميتەتى قازاقستان جاعىنىڭ ءتوراعاسى سمايلوۆپەن كەزدەستى كەزدەستى ٵرى جۇڭگو - قازاقستان سەلبەستىك كوميتەتىنىڭ 9 ـ رەتكى ماجىلىسىنە بىرگە قاتىناستى.

　　حان جىڭ بىلاي دەدى: جۇڭگو مەن قازاقستان ديپلوماتيالىق قاتىناس ورناتقان 27 جىلدان بەرى ەكى ەل قاتىناسى اقاۋسىز، ورنىقتى دامىپ، كورشى ەلدەر قاتىناسىنىڭ ۇلگىسىنە اينالدى. بيىل جۇڭگو- قازاقستان قاتىناسىنىڭ تابىستى جىلى، ەكى ەل باسشىلارى جۇڭگو مەن قازاقستاننىڭ باياندى جالپى بەتتىك ستراتەگيالىق سەرىكتەستىك قاتىناسىن دامىتۋدى ءبىر اۋىزدان ۇيعارىپ، ەكى ەل قاتىناسىنا جاڭا تۇرعى، تىڭ مازمۇن بەرىپ، جۇڭگو- قازاقستان قاتىناسىنىڭ دامۋىنىڭ جاڭا كەزەڭىن باستادى. تاراپتار ەكى ەل باسشىلارىنىڭ ورتاق تانىمىن بىرگە ويداعىداي تياناقتاندىرىپ، ءار سالاداعى سەلبەستىكتىڭ كەڭدىگى مەن تەرەڭدىگىن ۇزدىكسىز كەڭەيتىپ، ەكى جاق قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋى كەرەك.

　　حان جىڭ مىنالاردى اتاپ كورسەتتى: جۇڭگو - قازاقستان سەلبەستىك كوميتەتى جۇڭگو - قازاقستان سەلبەستىگىن ءبىرتۇتاس جوسپارلايتىن، سايكەستىرەتىن جانە وعان جەتەكشىلىك ەتەتىن ۇكىمەت ارالىق مەحانيزم رەتىندە، ەكى ەل قاتىناسى مەن ءار سالاداعى سەلبەستىكتى ىلگەرىلەتۋدە ماڭىزدى رول اتقارادى. جۇڭگو- قازاقستان سەلبەستىك كوميتەتىنىڭ 8 - رەتكى ءماجىلىسى اشىلعاننان بەرى، ەكى ەلدىڭ دامۋ ستراتەگياسى ىشكەرىلەي ءتۇيىلىستى، ساۋدا، قارجى قوسۋ، ءوندىرىس قۋاتى سەلبەستىگى جەدەل دامىدى، فينانس سەلبەستىگى ىشكەرىلەي ىلگەرىلەتىلدى، گۋمانيتارلىق سەلبەستىكتىڭ جارقىن تۇيىندەرى ارت ـ ارتىنان جارىققا شىعىپ، حاۋىپسىزدىك، قورشاعان ورتانى قورعاۋ، ەنەرگيا، عىلىم ـ تەحنيكا، گەولوگيا ـ كەن سياقتى سالالارداعى سەلبەستىك ۇزدىكسىز تەرەڭدەپ، ءبىرقىدىرۋ تابىستارعا قول جەتكىزدى.

　　حان جىڭ بىلاپ دەپ باسا دارىپتەدى: جۇڭگو مەن قازاقستاننىڭ سەلبەستىگى بەرىك نەگىزگە، وراسان زور كومەسكى كۇشكە جانە كەڭ بولاشاققا يە. كەلەسى قادامدا ەكى جاق نازاردى تۇيىنگە شوعىرلاندىرۋعا تاباندى بولىپ، ءوندىرىس قۋاتى، قاتىناس، اۋىل شارۋاشىلىعى، ەنەرگيا سياقتى سالالارداعى ناقتى سەلبەستىكتى تىڭعىلىقتى ىلگەرىلەتىپ، كەلەلى سەلبەستىك نىساندارىنىڭ ءساتتى اتقارىلۋىن ىلگەرىلەتۋى؛ ءتۇيىلىستىرۋدى بار كۇشپەن ىلگەرىلەتىپ، جىبەك جولى ەكونوميكالىق بەلدەۋىن بىرگە قۇرۋ مەن «نۇرلى جول» جاڭا ەكونوميكالىق ساياساتىن ۇشتاستىرۋ سەلبەستىك جوبا جول كارتاسىن ويداعىداي تياناقتاندىرىپ، ەكى جاقتىڭ سەلبەستىگىنىڭ ءبىرىن - ءبىرى تولىقتاۋ باسىمدىعىن تولىق ساۋلەلەندىرۋ؛ جاڭالىق اشۋ ارقىلى دەم بەرۋدى كۇشەيتىپ، سيفرلى كاسىپ سالاسى، وڭىرلىك جەلى، بيولوگيالىق تەحنيكا سياقتى سالالارداعى سەلبەستىكتى بەلسەنە ورىستەتىپ، ەكى جاق سەلبەستىگىنىڭ جاڭا ارتۋ تۇيىندەرىن قالىپتاستىرۋ؛ قيىن ماسەلەلەردى كۇش سالا شەشىپ، اناعۇرلىم كوپ قولايلى شارالاردى بەلگىلەپ، ەكى جاقتىڭ سەلبەستىگىندەگى كەدەرگىلەردى الاستاپ، ەكى ەلدىڭ سەلبەستىكتى ۇزدىكسىز كەڭەيتۋىنە تاماشا ورتا ازىرلەۋ؛ ۇقىق - مۇددەنى شىنايى قامتاماسىز ەتىپ، ەكى جاق كاسىپورىندارىنىڭ سەلبەستىككە ات سالىسۋ حاۋىپسىزدىك سەزىمىن جوعارىلاتۋ كەرەك.

　　سمايلوۆ جاڭا جۇڭگو قۇرىلعاندىعىنىڭ 70 جىلدىعىن قۇتتىقتادى. ول بىلاي دەدى: جۇڭگو - قازاقستان سەلبەستىك كوميتەتى __ ەكى ەل اراسىنداعى بىردەن - ءبىر سەلبەستىك تۇعىرى، قازاقستان كوميتەتتىڭ رولىن ويداعىداي ساۋلەلەندىرىپ، جۇڭگومەن بىرگە كومەسكى كۇشتەردى اشىپ، مەحانيزمدى ساپالاندىرىپ، ساۋدا، فينانس، ەنەرگيا، اۋىل شارۋاشىلىعى، گۋمانيتارلىق، تەحنيكالىق جاڭالىق اشۋ، تاسىمال، زات اينالىمى جانە نەگىزدىك قۇرىلعى سياقتى سالالارداعى ناقتى سەلبەستىكتى ىلگەرىلەتىپ، ەكى ەل حالقىنا باقىت جاراتۋدى قالايدى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ەرتەرەك جۇزەگە اسىرۋىن تىلەيمىن.

　　ماجىلىستەن كەيىن حان جىڭ مەن سمايلوۆ «جۇڭگو - قازاقستان سەلبەستىك كوميتەتى 9 - ءماجىلىسىنىڭ ماڭىزدى ەستەلىگىنە» قول قويدى.

　　كەلۋ قاينارى: حالىق تورابى