ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەكتەپتە وقۋ كۋالىگى قاتارلىلاردى قامتىعان 42 ءتۇرلى كۋالىك ماتەريالىن كۇشىنەن قالدىردى
2019.11.07 15:22 كەلۋ قاينارى : حالىق تورابى
حالىق تورابى، 11 - ايدىڭ 7 – كۇنى، بەيجيڭ. ادام كۇشى بايلىعى جانە قوعامدىق قامتاماسىزداندىرۋ مينيسترلىگى توراپ بەكەتىنىڭ حابارىنا قاراعاندا، پارتيا ورتالىق كوميتەتىنىڭ، مەملەكەتتىك كەڭەستىڭ كۋالىكتى ازايتىپ، حالىققا قولايلىلىق جاراتۋ، قىزمەت وتەۋدى ساپالىلاندىرۋ جونىندەگى شەشىم، ورنالاستىرۋلارىن ىشكەرىلەي دايەكتى تياناقتاندىرىپ، بۇقارالىق كاسىپورىنداردىڭ ءىس بىتىرۋدەگى قولايلىلىعى مەن رازىلىعىن اناعۇرلىم جوعارىلاتىپ، حالىق رازى بولاتىن ادام كۇشى بايلىعى جانە قوعامدىق قامتاماسىزداندىرۋ قىزمەت وتەۋىن قالىپتاستىرۋ ءۇشىن، تاياۋدا ادام كۇشى بايلىعى جانە قوعامدىق قامتاماسىزداندىرۋ مينيسترلىگى «ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ەكىنشى توپتاعى ءىشىنارا ەرەجە - ءتارتىپ ولشەمدى قۇجاتتارى ەتىپ بەلگىلەنگەن كۋالىك ماتەريالدارىن كۇشىنەن قالدىرۋ جونىندەگى ۇيعارىمىن» (ادام كۇشى بايلىعى جانە قوعامدىق قامتاماسىزداندىرۋ مينيسترلىگى تاراتقان [2019] 115 - ءنومىرلى قۇجات) باسىپ تاراتىپ، الدىڭعى مەرزىمدە ەكى توپقا ءبولىپ 83 ءتۇرلى كۋالىك ماتەريالىن كۇشىنەن قالدىرۋ نەگىزىندە 42 ءتۇرلى كۋالىك ماتەريالىن كۇشىنەن قالدىرۋدى ۇيعارعان. مۇنىڭ ىشىندە ەرەجە – ءتارتىپ رەتىندە بەلگىلەنگەنى 15 ءتۇرلى، ولشەمدى قۇجات رەتىندە بەلگىلەنگەنى 27 ءتۇرلى.
وسى رەت كۇشىنەن قالدىرىلعان كۋالىك ماتەريالدارى نەگىزىنەن قوعامدىق قامسىزداندىرۋ كاسىبىن ءبىتىرۋ، كاسىپتىك تەحنيكالىق قىزمەتكەرلەردىڭ تولىمدىلىق ەمتيحانى، كاسىپتىك قابىلەت قۇرىلىسى، ەڭبەك قاتىناسى سياقتى جاقتارعا سايادى. بۇل نەگىزىنەن مىناداي بەس ءتۇردى قامتيدى: ءبىرىنشى، توراپ ارقىلى تەكسەرۋ تاسىلىمەن جۇزەگە اسىرۋعا بولاتىندارى، مىسالى، ادام كۇشى بايلىعى جونىنەن قىزمەت وتەۋ رۇقساتىن بىتىرگەن كەزدە، قىزمەتكەرلەر وقۋ تاريحى كۋالىگىن ەندىگارى تاپسىرمايدى؛ ەكىنشى، تاراۋلار ارا تەكسەرۋ ارقىلى جۇزەگە اسىرىلاتىن بولسا، مىسالى، قوعامدىق قامسىزداندىرۋدى تىزىمگە الدىرۋ رەسمياتىن وتەگەندە، تيجارات كۋالىگىن، ۇيىمدىق قۇرىلىمنىڭ ءبىر تۇتاس شارتتى ءنومىرىن ەندىگارى تاپسىرمايدى؛ ءۇشىنشى، ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ ىشكى بولەگىندەگى تۇرلىشە قۇرىلىمدار ءوزارا بەرگەن دالەلدەۋ ماتەريالدارى ىشكى ينفورماتسيادان ورتاق يگىلىكتەنۋ ءتاسىلى ارقىلى ىسكە اسادى، مىسالى، جۇمىس ۇستىندە جارالانعانداردى قامسىزداندىرۋ مامىلەسىن الۋدى ءوتىنىش ەتكەندە جۇمىس ۇستىندە جارالانعاندىقتى تۇراقتاندىرۋ ۇيعارىمىن تاپسىرمايدى؛ ءتورتىنشى، قۇلاققاعىس ەتۋ ۋادەسىن بەرۋ ءتۇزىمىنىڭ ورنىنا ۋاكىلدىك كۋالىك شىعارۋ جونىندە بەلسەنە ىزدەنىس جاسالادى، مىسالى، مەكتەپ وقۋ كۋالىگى، جۇمىس سەبەبىنەن ولگەن جۇمىسشى - قىزمەتكەرلەردىڭ كوزى تىرىسىندەگى نەگىزگى تۇرمىس قاينارى كۋالىگى، تىكە تۋىستىق قاتىناس كۋالىگى، ءولۋ كۋالىگى، كاسىپتىك - تەحنيكالىق مىندەتكە ۇسىنىس ەتۋ كۋالىگى قاتارلىلار؛ بەسىنشى، ءىس جۇزىندىك جاعدايعا نەگىزدەلە وتىرىپ، ەندىگارى بەرۋ قاجەتسىز بولعاندارى، مىسالى، شەبەرلەردىڭ كاسىپتىك تولىمدىلىق كۋالىگى ينفورماتسياسى جونىندە ءوتىنىش بەرىپ، ەندىگارى كاسىپتىك تولىمدىلىق كۋالىگىنىڭ ءتۇپ نۇسقاسىن تاپسىرماسا، ءتۇپ نۇسقاسى وزدىگىنەن كۇشىن جويادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
