شي جينپيڭ گرەتسيا مەدياسىندا اۆتورلى ماقالا جاريالادى
بايىرعى وركەنيەتتىڭ اقىل - پاراساتىمەن بولاشاقتى نۇرلاندىرايىق
2019.11.11 14:00 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 10 - كۇنى، بەيجيڭ. 11 – ايدىڭ 10 – كۇنى گرەتسيا رەسپۋبليكاسىندا مەملەكەتتىك ساپاردا بولۋ قارساڭىندا مەملەكەت ءتوراعاسى شي جينپيڭ گرەتسيانىڭ «كۇندەلىك گازەتىندە» «بايىرعى وركەنيەتتىڭ اقىل - پاراساتىمەن بولاشاقتى نۇرلاندىرايىق» دەگەن تاقىرىپتا اۆتورلى ماقالا جاريالادى. ماقالا تومەندەگىدەي:
بايىرعى وركەنيەتتىڭ اقىل - پاراساتىمەن بولاشاقتى نۇرلاندىرايىق
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
پرەزيدەنت پاۆلوپروستىڭ ۇسىنىسىمەن كوركەم گرەتسيادا مەملەكەتتىك ساپاردا بولاتىنىما توتەنشە قۋانىشتامىن. 2014 - جىلى رود ارالىنان ايالداپ وتكەن بولاتىنمىن، گرەتسيانىڭ بايىرعى مادەنيەتى، ەڭبەكشىل، پاراساتتى حالقى ماعان تەرەڭ اسەر بەرگەن ەدى. مەن وركەنيەتكە قۇرمەت ەتۋ جانە بولاشاققا جول اشۋ نيەتىمەن گرەتسيا سىندى كورىكتى ەلگە تاعى دا قادام تاستاعالى وتىرمىن، بۇعان شىن جۇرەكتەن قۋانامىن.
ۇلى بايىرعى وركەنيەتتىڭ ءبارى ۇقساپ كەتەدى. 2 مىڭ جىلدان استام ۋاقىتتىڭ الدىندا ەجەلگى جۇڭگو مەن ەجەلگى گرەتسيانىڭ وركەنيەت ساۋلەسى ازيا - ەۆروپا ۇلى قۇرلىعىنىڭ ەكى شەتىندە ءبىر - بىرىنە شۇعىلا شاشقان. بايىرعى گرەتسيانىڭ فيلوسوفياسى مەن ادەبيەت - كوركەمونەرى ارت - ارتىنان جارىققا شىققان التىن ءداۋىر ءدال جۇڭگونىڭ «جالپى جارىسا ءۇن قاتۋ» يدەياسىنىڭ شارىقتاعان كەزى بولدى. كەزىندە جۇڭگودا 2 رەت ساپاردا بولعان گرەتسيالىق ادەبيەت الىبى كازانتاكيستىڭ: «سوكرات پەن كۇڭزى − ادامزاتتىڭ بەتكە باسار ماقتانىشى، ولارداعى ادامزات اقىلىنىڭ بەينەسى ورتاقتىققا يە» دەگەن ءسوزى بار. ەرتەدەگى گرەتسيانىڭ «پاراساتتىلار اعىمىندا» دارىپتەلگەن گۋمانيتارلىق يدەيا مەن جۇڭگو تاعىلىمشىلدارى تاباندى بولعان «حالىقتى نەگىز ەتۋ» ۇعىمىنىڭ جاقىندىعى بار. ديوگەنس جۇڭگو تاعىلىمشىلارىنىڭ ۋاكىلى جۋاڭزىمەن بىرگە وسىنداي تۇرمىس ءتاسىلى مەن تۇرمىس ۇستانىمىن دارىپتەگەن.
ۇلى بايىرعى وركەنيەتتىڭ ءبارى ءبىرىن - ءبىرى بىلەدى. ءبىزدىڭ جىل ساناۋىمىزدان بۇرىنعى 4 - عاسىردا ەجەلگى گرەتسيالىقتار سوناۋ شالعايداعى جۇڭگوعا «جىبەك ەلى» دەگەن ادەمى ات قويدى. 16 - عاسىردا ەۆكليدتىڭ «گەومەتريا نەگىزدەرى» جۇڭگوعا تارالىپ، جۇڭگو مەن يسپانيانىڭ عىلمي اۋىس - كۇيىسىنىڭ باستاماسىنا اينالدى. بايىرعى گرەتسيا تەاترشىسى ەسكۋلوس جاراتقان پرومەتەي وبرازى جۇڭگو توڭكەرىسىندەگى ارداگەرلەردىڭ اسقاق جىگەرىن تاسقىنداتتى. پلاتونىڭ «ارمان ەلى» مەن اريستوتەل جازعان «ساياسات عىلىمى» دا جۇڭگوعا ەرتەدە جەتكەن.
ۇلى بايىرعى وركەنيەت ءتىپتى دە ەتەنە. جاڭا جۇڭگو قۇرىلعاننان كەيىن گرەتسيانىڭ كەمەشىسى ەڭ الدىمەن قۇرساۋدى بۇزىپ، جۇڭگوعا باعالى زات جانە جابدىق اكەلىپ بەردى. گرەتسيا ەكونوميكا مەن قارىز ماسەلەسىنە ءدوپ كەلگەن كەزدە، جۇڭگو گرەتسيالىق دوستارىنىڭ قيىن وتكەلدەن وتۋىنە بۇكىل ىنتا - پەيىلىمەن كومەكتەستى. 2011 – جىلى 2 – ايدا ليۆيادا سوعىس ءورتى تۋىلعاندا كريت ارالىنداعى دوستار قىسقى دەمالىس كەزىندەگى قيىنشىلىقتاردى جەڭىپ، قوناق ۇيلەردى قايتا اشىپ ليۆيادان كەتكەن نەشە مىڭداعان جۇڭگو ازاماتىن كۇتىپ الدى. گرەتسيانىڭ جۇڭگو دوستىق قوعامى 60 جىلدى ءبىر كۇندەي وتكىزىپ، «ەكى ەل حالىقتارىنىڭ دوستىق بارىس - كەلىسى ءۇشىن قارا تۇياقتان حال كەتكەنگە دەيىن قىزمەت ىستەۋدە» تاباندى بولدى، جۇڭگونىڭ اۋدارماشىسى لو نيانشىڭنىڭ اۋلەتىندەگى ءۇش ۇرپاق گرەتسيانىڭ ادەبيەت، تەاتر اۋدارماسىنا جانە زەرتتەۋىنە كۇش سالىپ، ەكى ەل حالىقتارىنىڭ دوستىعىن نىعايتۋعا ماڭىزدى ۇلەس قوستى. (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
