سىرتقى ىستەر مينيسترلىگى: قازاقستان پرەزيدەنتىنىڭ شينجياڭعا ساياتىن ماسەلەلەر جونىندە وبيەكتيۆ، ءادىل پوزيتسيا بىلدىرگەندىگىنە ەرەكشە رازىلىق بىلدىرەمىز
2019.12.11 14:45 كەلۋ قاينارى : حالىق تورابى
حالىق تورابى، 12 – ايدىڭ 11 – كۇنى، بەيجيڭ. شينحۋا اگەنتتىگىنىڭ 12 –ايدىڭ 10 – كۇنى بەيجيڭنەن بەرگەن حابارى (ءتىلشى ۋىن شين). سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 12 – ايدىڭ 10 – كۇنى بىلاي دەدى: جۇڭگو جاق قازاقستان پرەزيدەنتى توقايەۆتىڭ شينجياڭعا ساياتىن ماسەلەلەر جونىندە وبيەكتيۆ، ءادىل پوزيتسيا بىلدىرگەندىگىنە ەرەكشە رازىلىق بىلدىرەدى.
سول كۇنى وتكىزىلگەن كەزەكتى تىلشىلەر ماجىلىسىندە ءبىر ءتىلشى: 12 - ايدىڭ 4 – كۇنى قازاقستان پرەزيدەنتى توقايەۆ گەرمانياعا ساپارلاۋ قارساڭىندا گەرمانيا اقپارات قۇرالدارىنىڭ تىلشىلىگىن قابىلداعاندا، شينجياڭعا قاتىستى ماسەلەلەر جونىندە بىلاي دەدى: شينجياڭدا تۇرمىس كەشىرىپ جاتقاندار جۇڭگو ازاماتتارى، كەيبىر حالىقارالىق ادامدىق ۇقىق ۇيىمدارىنىڭ بەرگەن ينفورماتسياسى شىندىققا جاناسپايدى، بۇل قازاق ۇلتىنا ساياتىن ماسەلەلەردى قاساقانا دابرايتقاندىق. قازاقستان جاق مۇنىڭ وڭىرلىك ساياسيدىڭ ءبىر بولەگى ەكەنىن، ويتكەنى جۇڭگو مەن ا ق ش ساۋدا سوعىسىندا ءوزارا سوقتىعىسقانىن، ءبىراق قازاقستان ايتىلمىش «بۇكىل جەر شارى جۇڭگوعا قارسى بىرلىكسابىنىڭ» ءبىر بولەگى بولماۋعا ءتيىس ەكەنىن انىق بىلەدى. شينجياڭدا قايتالاي وقىتۋ مەكتەبى قۇرىلدى، «جۇڭگو بارلىق قازاقتاردى <لاگەرگە> ايدادى» دەگەن شىندىققا جاناسپايدى. جۇڭگو قازاقتارى ەڭ الدىمەن جۇڭگو ازاماتى، شينجياڭدا تۋىلعان ءىس جۇڭگونىڭ ىشكى ءىسى. حالىقارالىق زاڭ مەن قازاقستان – جۇڭگو كەلىسىمىنە نەگىزدەلگەندە، قازاقستاننىڭ جۇڭگونىڭ ىشكى ساياساتىنا ارالاسۋ ۇقىعى جوق، جۇڭگو دا ۇقساس قازاقستاننىڭ ىشكى ساياساتىنا ارالاسىپ كورمەدى. جۇڭگو جاق قازاقستان پرەزيدەنتىنىڭ جوعارىداعى سوزىنە قانداي باعا بەرەدى؟
حۋا چۇنيىڭ بىلاي دەدى: جۇڭگو جاق توقايەۆ پرەزيدەنتتىڭ وبيەكتيۆ، ءادىل پوزيتسيا بىلدىرگەندىگىنە ەرەكشە رازىلىق بىلدىرەدى. جۇڭگو مەن قازاقستان جاقسى دوس، تاتۋ كورشى جانە ماڭگىلىك جالپى بەتتىك ستراتەگيالىق سەرىك. توقايەۆ پرەزيدەنت بيىل 9 - ايدا جۇڭگوعا ساپارلاي كەلگەندە سۇبەلى تابىستارعا قول جەتكىزدى، ەكى ەل باسشىلارى جۇڭگو مەن قازاقستاننىڭ ءوزارا قولداۋدى كۇشەيتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن تەرەڭدەتىپ، بىرگە دامۋ مەن گۇلدەنۋدى جۇزەگە اسىرۋعا كۇش سالاتىندىعىن قايتالاي دارىپتەدى. توقايەۆ پرەزيدەنت شينجياڭعا ساياتىن ماسەلەلەر جونىندە جوعارىداعىداي پوزيتسيا ءبىلدىردى، بۇل ەكى ەلدىڭ ءداستۇرلى دوستىعى مەن جوعارى دەڭگەيدەگى ءوزارا سەنىمدىلىگىن ايگىلەپ قانا قويماي، ءىشىنارا ەلدەردىڭ شىندىققا جاناسپايتىن سوزىنە دە پارمەندى تويتارىس بەردى.
حۋا چۇنيىڭ بىلاي دەدى: جۇڭگو ۇكىمەتىنىڭ شينجياڭدى جونگە سالۋ ساياساتى حالىقارالىق قوعامنىڭ جاپپاي بەلسەندى باعاسىنا يە بولدى. ءىشىنارا ەلدەر شينجياڭعا ساياتىن ماسەلەلەر ارقىلى قاساقانا پالە ىزدەۋدە، شىندىققا مۇلدەم جاناسپايدى، حالىقارالىق قوعامنىڭ نەگىزگى اعىمدىق حالىق تىلەگىنە بۇكىلدەي قايشى كەلدى، مۇنداي پاسىق قاسكۇنەمدىك ىسكە اسپايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
