ۋاڭ ي قازاقستاننىڭ سىرتقى ىستەر مينيسترى تىلەۋبەردىمەن كەزدەستى
2019.12.17 15:32 كەلۋ قاينارى : حالىق تورابى
حالىق تورابى، 12 – ايدىڭ 17 – كۇنى، بەيجيڭ. شينحۋا اگەنتتىگىنىڭ 12 – ايدىڭ 15 – كۇنى بەرگەن حابارى، جەرگىلىكتى ۋاقىت 12 – ايدىڭ 15 – كۇنى، مەملەكەتتىك كەڭەستىڭ مۇشەسى، سىرتقى ىستەر مينيسترى ۋاڭ ي مادريدتە ازيا - ەۆروپا سىرتقى ىستەر مينيسترلەرى ماجىلىسىنە قاتىناسىپ جاتقان كەزىندە، قازاقستاننىڭ سىرتقى ىستەر مينيسترى تىلەۋبەردىمەن كەزدەستى.
ۋاڭ ي بىلاي دەدى: بيىل جۇڭگو مەن قازاقستاننىڭ قارىم ـ قاتىناسى مول تابىسقا قول جەتكىزگەن جىل بولدى. 4 ـ ايدا تۇڭعىش پرەزيدەنت نازاربايەۆ جۇڭگوعا كەلىپ 2 ـ كەزەكتى «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنە قاتىناستى، ءتوراعا شي جينپيڭ وعان جۇڭگونىڭ سىرتقا باعىتتالعان ەڭ جوعارى داڭق وردەنى «دوستىق وردەنىن» سيلادى. بيىل 9 ـ ايدا توقايەۆ پرەزيدەنت جۇڭگودا مەملەكەتتىك ساپاردا بولدى، ەكى ەل باسشىلارى جۇڭگو مەن قازاقستاننىڭ باياندى جالپى بەتتىك ستراتەگيالىق سەرىكتەستىك قاتىناسىن دامىتۋدى ءبىر اۋىزدان ۇيعاردى. جوعارى جىكتەگىلەردىڭ ستراتەگيالىق جەتەكشىلىگى ارقىلى جۇڭگو مەن قازاقستاننىڭ ءوزارا سەنىمدىلىگى تىڭ دەڭگەيگە كوتەرىلدى، جۇڭگو مەن قازاقستاننىڭ قاتىناسى جاڭا نىسانا بەلگىلەدى. جۇڭگو قازاقستانمەن جوعارى جىكتەگىلەردىڭ بارىس ـ كەلىسىن ساقتاپ، «ءبىر بەلدەۋ، ءبىر جولدى» بىرگە قۇرۋدىڭ الدىڭعى لەگىندە ءجۇرىپ، ءوندىرىس قۋاتى سەلبەستىگىن ورنىقتى ىلگەرىلەتۋدى قالايدى. جۇڭگو قازاقستاننىڭ كەلەسى كەزەكتى ازيا ءوزارا سەلبەستىك جانە سەنىمدىلىك شارالارى كەڭەسىنىڭ ءتوراعا ەلى بولۋىن بار كۇشپەن قولدايدى، قازاقستانمەن بىرگە ازيا ءوزارا سەلبەستىك جانە سەنىمدىلىك شارالارى كەڭەسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتىپ، وڭىرلىك حاۋىپسىزدىك پەن ورنىقتىلىقتى قورعاۋدى قالايدى. ۋاڭ ي مىنالاردى اتاپ كورسەتتى: سىرتقى كۇشتەردىڭ جۇڭگو مەن قازاقستاننىڭ سەلبەستىگىنە ىرتكى سالۋىنا قاراتا، توقايەۆ پرەزدەنت تاياۋدا تىلشىلىك قابىلداعاندا، شىندىققا جاناسپايتىن سوزدەرگە باتىل، پارمەندى تويتارىس بەرىپ، قازاقستان جاقتىڭ شينجياڭعا ساياتىن ماسەلەلەردەگى دۇرىس مايدانىن بايىمدادى. ەكى جاق ءبىر ـ ءبىرىن ۇزدىكسىز تاباندىلىقپەن قولداپ، ءبىر ـ ءبىرىنىڭ ورنىقتىلىعى مەن دامۋىنىڭ سەنىمدى تىرەگى بولۋى كەرەك.
تىلەۋبەردى بىلاي دەدى : قازاقستان مەن جۇڭگونىڭ دوستىعى ارىدان باستاۋ الادى، ەكى ەل باسشىلارى قويۋ دوستىق ورناتىپ، ەكى ەل قاتىناسىنىڭ دامۋىنا ماڭىزدى ۇلەس قوستى. قازاقستان مەن جۇڭگو اراسىندا ەشقانداي ماسەلە جوق. ءوزارا كوڭىل ءبولىپ وتىرعان ماسەلەلەردە ءوزارا ءتۇسىنىسىپ، قولداۋ كورسەتۋ كەرەك. قازاقستان جۇڭگونىڭ شينجياڭعا ساياتىن ماسەلەلەردەگى تۇرعىسىن، شارالارىن قولدايدى. قازاقستان جۇڭگومەن جوعارى جىكتەگىلەردىڭ بارىس ـ كەلىسىن ۇزدىكسىز ساقتاپ، ءوزارا ءتيىمدى سەلبەستىكتى، اسىرەسە، ءوندىرىس قۋاتى سەلبەستىگىن ىلگەرىلەتۋدى ءۇمىت ەتەدى. اناعۇرلىم كوپ جۇڭگو كاسىپورىندارىنىڭ قازاقستانعا كەلىپ قارجى قوسىپ، شارۋاشىلىقتى گۇلدەندىرۋىن قارسى الامىز. قازاقستان «ءبىر بەلدەۋ، ءبىر جولدى» بىرگە قۇرۋعا ايرىقشا ءمان بەرەدى ءارى بەلسەنە ات سالىسادى، جۇڭگونىڭ ەۆروپامەن بايلانىس جاساۋىنداعى ماڭىزدى جولعا اينالۋدى ءۇمىت ەتەدى. قازاقستان ب م ۇ ، شاڭحاي ىنتىماقتاستىق ۇيىمى ، ازيا ءوزارا ىقپالداستىق جانە سەنىمدىلىك شارالارى كەڭەسى سياقتى كوپ جاقتى جۇلگەدە جۇڭگومەن قارىم ـ قاتىناستى، سەلبەستىكتى ۇزدىكسىز كۇشەيتۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
