شي جينپيڭ بيرمانىڭ اقپارات قۇرالدارىندا اۆتورلى ماقالا جاريالادى
مىڭ جىلدىق باۋىرلاستار دوستىعىنىڭ شىت جاڭا داستانىن جازا بەرەيىك
2020.01.17 16:30 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 16 - كۇنى، بەيجيڭ. بيرما فەدەراتسيالىق رەسپۋبليكاسىندا مەملەكەتتىك ساپاردا بولۋ قارساڭىندا، اتاپ ايتقاندا، 1 - ايدىڭ 16 - كۇنى مەملەكەت ءتوراعاسى شي جينپيڭ بيرمانىڭ «بيرما شۇعىلاسى» گازەتىندە، «اينا گازەتىندە»، «بيرما جەر شارى شۇعىلاسى گازەتىندە» «مىڭ جىلدىق باۋىرلاستار دوستىعىنىڭ شىت جاڭا داستانىن جازا بەرەيىك» دەگەن ماقالاسىن ءبىر ۋاقىتتا جاريالادى. ماقالانىڭ مازمۇنى تومەندەگىدەي:
مىڭ جىلدىق باۋىرلاستار دوستىعىنىڭ شىت جاڭا داستانىن جازا بەرەيىك
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
پرەزيدەنت ۋەن ميننىڭ ۇسىنىسىمەن جۇڭگو مەن بيرمانىڭ ديپلوماتيالىق قاتىناس ورناتقانىنىڭ 70 جىلدىعى قارساڭىندا بيرمادا مەملەكەتتىك ساپاردا بولعانىما وتە قۋانىشتىمىن. 2009 - جىلى وسى كورىكتى جەرگە ساپارلاي باردىم. بيرمانىڭ كوركەم دە تىنىش كورىنىسى، الۋان ءتۇرلى مادەنيەتى، ەڭبەكشىل دە قاراپايىم حالقى ماعان تەرەڭ اسەر قالدىردى. مەن وسى رەتكى ساپاردا بيرمالىق دوستارمەن بىرگە «باۋىرلاستىق» سۇيىسپەنشىلىكتى اڭگىمەلەپ، سەلبەستىك ۇلى جوسپارىن اقىلداسۋعا ىنتىق بولىپ وتىرمىن.
جۇڭگو مەن بيرمانىڭ تاۋ - وزەندەرى تۇتاسقان، كورشىلىك قاتىناسى ۇرپاقتان - ۇرپاققا جالعاسىپ كەلەدى. بيرما تىلىندە «باۋىرلاس» دەگەن ءسوز «ءبىر انانىڭ بالالارىنداي اعا - ىنىلەر» ماعىنادا. ەكى ەل حالىقتارى ەجەلدەن ەتەنە بولىپ كەلگەن، «باۋىرلاستىق» سۇيىسپەنشىلىگى ارىدان باستاۋ العان. سوناۋ زامانىمىزدان بۇرىنعى 4 - عاسىردا اتا - بابالارىمىز سىچۋان، يۇننان، بيرما، ءۇندىستان اراسىن تۇتاستىراتىن ساۋدا جولىن اشتى. جۇڭگونىڭ داۋرەندەگەن تاڭ پاتشالىعى داۋىرىندە، بيرمانىڭ حانزاداسى بيشىلەر، مۋزىكانتتار توبىن باستاپ ون مىڭ شاقىرىمدى الىسسىنباي چاڭ - انعا بارعان، ايگىلى اقىن باي جۇي - ي وسى سالتاناتتى ساپارعا ارناپ «بيرما مۋزىكاسى» دەگەن ولەڭ جازعان. بيرما قوعامدىق ءتۇزىمى ۇقسامايتىن ەلدەردىڭ ىشىندە تۇڭعىش رەت جاڭا جۇڭگونى مويىندادى. ەكى ەلدىڭ اعا بۋىن باسشىلارى وزدەرى ونەگە بولىپ، جۇڭگو - بيرما قاتىناسىنىڭ دامۋىنا قىرۋار كۇش قوستى. جوۋ ىنلاي زۇڭلي بيرمادا 9 رەت ساپاردا بولدى، ونىڭ بيرمانىڭ ۇلتتىق كيىمىن كيىپ بيرما جۇرتشىلىعىمەن بىرگە سۋ شاشۋ مەرەكەسىن بىرگە تويلاعانى كۇنى بۇگىنگە دەيىن اۋىزدان تۇسپەي كەلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
