شي جينپيڭ كوكتەم مەرەكەسى قارساڭىندا يۇننانعا بارىپ، ءار ۇلت كادر - جۇرتشىلىعىنان حال سۇرادى
بۇكىل ەلدەگى ءار ۇلت حالقىن كوكتەم مەرەكەسىمەن قۇتتىقتادى
ءار ۇلت حالقىنىڭ تۇرمىسىنىڭ بارعان سايىن جاقسارۋىن، وتاننىڭ گۇلدەنىپ - كوركەيۋىن تىلەدى
2020.01.22 15:35 كەلۋ قاينارى : حالىق تورابى
«حالىق گازەتى»، 1 - ايدىڭ 21 - كۇنى، بەيجيڭ. جۇڭحۋا ۇلتىنىڭ ءداستۇرلى مەرەكەسى، ەگىنشىلەر كۇن تىزبەسى بويىنشا كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇننانعا بارىپ، ءار ۇلت كادر - جۇرتشىلىعىنان حال سۇرادى، بۇكىل ەلدەگى ءار ۇلت حالقىن كوكتەم مەرەكەسىمەن قۇتتىقتادى.
يۇنناننىڭ بايتاق دالاسى جاسىل جەلەك جامىلعان، بارشا الاپتان جالىندى تىرشىلىك تىنىسى اڭعارىلادى. 1 - ايدىڭ 19 - كۇنىنەن 21 - كۇنىنە دەيىن، شي جينپيڭ يۇننان ولكەلىك پارتكومنىڭ شۋجيى چىن حاۋدىڭ، ولكە باستىعى رۋان چىڭفانىڭ سەرىك بولۋىندا، تىڭچۇڭ، كۇنميڭ سياقتى جەرلەرگە بارىپ، اۋىل - قىستاقتى، بايىرعى قالاشىقتاردى، ەكولوگيالىق سازداردى، مەرەكەلىك بۇيىمدار بازارىن، وتانشىلدىق تاربيە بازاسىن ارالاپ، تەكسەرۋ - زەرتتەۋ جۇرگىزىپ، ءار ۇلت كادر - جۇرتشىلىعىنا پارتيا ورتالىق كوميتەتىنىڭ قامقورلىعىن جەتكىزىپ، حال سۇرادى.
باۋشان قالاسىنا قاراستى تىڭچۇڭ قالاسى سانجيا قىستاعى كەزىندە ارحيۆ تۇرعىزىلىپ، كارتوچكا بەرىلگەن كەدەي قىستاق بولاتىن، 2017 - جىلى قىستاق تۇتاسىمەن كەدەيلىكتەن ارىلدى. 1 - ايدىڭ 19 - كۇنى تۇستەن كەيىن شي جينپيڭ سانجيا قىستاعىنا كەلىپ، كەدەيلىكتەن ارىلتۋدان قامال الۋ جاعدايىن ۇعىستى. جەرگىلىكتى كادرلار باس شۋجيگە بىلاي دەدى: سوڭعى جىلداردان بەرى سانجيا قىستاعى اۋىل - قىستاق ساياحاتىن، ەگىمشىلىكتى، ەڭبەككۇش شىعارۋدى بەلسەنە دامىتىپ، نەگىزدىك قۇرىلعىلاردى كەمەلدەندىرىپ، تۇرعىن ءۇي ورتاسىن جاقسارتتى، كەدەيلىكتىڭ تۋىنداۋ شاماسى 2014 - جىلعى %21 تەن قازىرگى %0.45 كە تومەندەدى. شي جينپيڭ مۇنى تۇراقتاندىردى. ول مىنالاردى دارىپتەدى: جاپپاي دوڭگەلەك داۋلەتتى قوعام قۇرۋدا بىردە - ءبىر ۇلتتىڭ قاعىس قالۋىنا بولمايدى. از ۇلتتار مەن ۇلتتىق رايونداردىڭ دامۋىن جەدەلدەتىپ، ءار ۇلت حالقىن رەفورما، دامۋ تابىسىنان اناعۇرلىم كوپ، اناعۇرلىم ءادىل يگىلىكتەندىرۋ كەرەك.
شي جينپيڭ سانجيا قىستاعى جۇڭجاي سىمولا ۋازۋ قىستاعىنا بارىپ، اۋىل - قىستاقتى گۇلدەندىرۋ جانە از ۇلتتاردىڭ ەرەكشەلىگىنە يە قىستاق قۇرۋ جاعدايىن ۇعىستى. «سىمولا» ۋازۋ تىلىندە «باقىت قونعان جەر» دەگەن ماعىنادا. بۇل قىستاقتىڭ 500 جىلدان استام تاريحى بار، جۇڭگوداعى ءداستۇرلى قىستاق، از ۇلتتاردىڭ ەرەكشەلىگىنە يە قىستاق، ۋازۋ، حانزۋ، بايزۋ، دايزۋ سياقتى ۇلتتار جاراسىمدى قاتار ءومىر ءسۇرىپ وتىر.
قىستاق الاڭى شۇلەن شۇعىلاعا شوماعان، قىستاق تۇرعىندارى ۋازۋ ۇلتىنىڭ ويناقى بيلەرىن بيلەۋدە. سول جەردىڭ سالت - ساناسى بويىنشا، شي جينپيڭ ۋازۋ ۇلتىنىڭ بارابانىن 3 رەت سوعىپ، كەلەر جىلى جاۋىن - شاشىن مول، ەل امان، جۇرت تىنىش بولۋىن تىلەدى. قىستاق تۇرعىندارى قىزۋ شاپالاق سوعىپ، باس شۋجيمەن امانداستى. شي جينپيڭ كوپشىلىككە مەرەكەلىك سالەم جولداپ، اۋىلداستاردىڭ تۇرمىسىنىڭ بارعان سايىن باقىتتى بولۋىن تىلەدى. اۋىلداستار «ۋازۋ حالقىنىڭ جاڭا ءانىن» شىرقاپ، باس شۋجيدى قاۋمالاپ قىستاقتىڭ شىعار اۋزىنا جەتكىزىپ سالدى، ءان داۋىسى، شاتتىق ءۇنى قىستاقتا ۇزاققا دەيىن جاڭعىرىقتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
