شي جينپيڭ بەيجيڭ قالاسىندا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ – زەرتتەۋ جۇرگىزىپ، جەتەكشىلىك ەتكەندە مىنانى دارىپتەدى
اناعۇرلىم بەرىك سەنىم، اناعۇرلىم قايسار ەرىك، اناعۇرلىم باتىل شارامەن ىندەتتەن ساقتانۋ - تىزگىندەۋ سىندى حالىقتىق شايقاستىڭ، جالپىلىق شايقاستىڭ، توسقاۋىل شايقاستىڭ جەڭىسىنە باتىل قول جەتكىزۋ كەرەك
2020.02.11 16:08 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 10 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 10 - كۇنى بەيجيڭدە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزىپ، جەتەكشىلىك ەتكەندە مىنانى دارىپتەدى: قازىر ىندەت جاعدايى ءالى دە توتەنشە اۋىر، ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى شەشىم، ورنالاستىرۋلارىن باتىل دايەكتىلەندىرىپ، سەنىمدى بەكەمدەۋ، تار جول، تايعاق كەشۋدەن بىرگە ءوتۋ، عىلمي جولمەن ساقتانۋ، دالمە - ءدال شارا قولدانۋ جالپى تالابىن باتىل دايەكتىلەندىرىپ، قاھارماندىقپەن كۇرەس جۇرگىزىپ، اناعۇرلىم بەرىك سەنىم، اناعۇرلىم قايسار ەرىك، اناعۇرلىم باتىل شارامەن حالىق بۇقاراسىنا تىعىز سۇيەنىپ، ىندەتتىڭ تارالۋىن باتىل تەجەپ، ىندەتتەن ساقتانۋ - تىزگىندەۋ سىندى حالىقتىق شايقاستىڭ، جالپىلىق شايقاستىڭ، توسقاۋىل شايقاستىڭ جەڭىسىنە باتىل قول جەتكىزۋى كەرەك.
2 - ايدىڭ 10 - كۇنى تۇستەن كەيىن شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي مەن قالا باستىعى چىن جينيڭنىڭ سەرىك بولۋىندا الەۋمەتتىك اۋماقتارعا، شيپاحانالارعا، اۋرۋدى تىزگىندەۋ ورتالىعىنا بارىپ، نەگىزگى ساتىنىڭ ىندەتتەن ساقتانۋ - تىزگىندەۋ قىزمەتىنىڭ جاعدايىن ۇعىستى ءارى حۋبەي ولكەسىنىڭ ۋحان قالاسىنداعى وكپە قابىنۋىنىڭ الدىڭعى شەبىمەن كەسكى ارقىلى حابارلاسىپ، بۇكىل ەلدەگى ىندەتتەن ساقتانۋ - تىزگىندەۋدىڭ ءبىرىنشى شەبىندە شايقاس جاساپ جاتقان ەمدەۋ قىزمەتكەرلەرىنە، قالىڭ كادرلار مەن جۇمىسشى - قىزمەتكەرلەرگە پارتيا ورتالىق كوميتەتىنىڭ قامقورلىعىن جەتكىزىپ، حال سۇرادى.
شي جينپيڭ الدىمەن بەيجيڭ قالاسى چاۋياڭ رايونى انجىن ءمالى باسقارماسى انحۋالي الەۋمەتتىك اۋماعىنا كەلىپ، نەگىزگى ساتىنىڭ ءبىرىنشى شەبىندەگى ىندەتتەن بىرلەسىپ ساقتانۋ، بىرلەسىپ تىزگىندەۋ جاعدايىن ۇعىستى. الەۋمەتتىك اۋماق تۇرعىندار كوميتەتىنىڭ ىندەتتەن ساقتانۋ - تىزگىندەۋ قولباسشىلىق شتابىندا شي جينپيڭ انجىن ءمالى باسقارماسى مەن انحۋالي الەۋمەتتىك اۋماعىنىڭ بىرلەسىپ ساقتانۋ، بىرلەسىپ تىزگىندەۋ جاعدايى جونىندەگى تانىستىرۋدى تىڭدادى. شي جينپيڭ الەۋمەتتىك اۋماقتىڭ كوپ ءتۇرلى شارا قولدانىپ، ساقتانۋ - تىزگىندەۋ جاۋاپكەرلىگىن تياناقتاندىرىپ، وتباسىلاردى ارالاپ ءبىر - بىرلەپ تەكسەرۋ، ءتۇيىندى قاۋىمدى باقىلاۋ - تىزگىندەۋ سىندى «ەكىنى جاپپاي قامتۋ» سياقتى ادىستەرىن تۇراقتاندىردى. ول مىنالاردى دارىپتەدى: الەۋمەتتىك اۋماق − ىندەتتەن بىرلەسىپ ساقتانۋدىڭ، بىرلەسىپ تىزگىندەۋدىڭ ءبىرىنشى شەبى، سونداي - اق سىرتتان كىرۋدەن، ىشكى كەڭەيۋدەن ساقتانۋداعى ەڭ ءونىمدى قورعانىس شەبى. الەۋمەتتىك اۋماق سىندى وسى قورعانىس شەبىن جاقسى قورعاساق، ىندەتتىڭ كەڭەيۋ ارناسىن ۇتىمدى ءۇزىپ تاستاۋعا بولادى. بۇكىل ەل بويىنشا الەۋمەتتىك اۋماقتىڭ ىندەتتەن ساقتانۋ - تىزگىندەۋ بارىسىنداعى توسقاۋىلداۋ رولىن تولىق ساۋلەلەندىرىپ، ساقتانۋ - تىزگىندەۋ كۇشتەرىن الەۋمەتتىك اۋماققا ءتۇسىرىپ، الەۋمەتتىك اۋماقتىڭ ءتۇرلى ساقتانۋ - تىزگىندەۋ شارالارىنىڭ تياناقتانۋىن كۇشەيتىپ، بارلىق الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قامالىنا اينالدىرۋ كەرەك. ىندەتتەن ساقتانۋ - تىزگىندەۋ قىزمەتىنىڭ ونىمدىلىگى ارقىلى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىنىڭ تابىسىن سىننان وتكىزىپ جانە كەڭەيتىپ، نەگىزگى ساتى پارتيا ۇيىمدارىنىڭ ساياسي جەتەكشىلىك رولى مەن پارتيا مۇشەلەرىنىڭ اۆانگارد ۇلگىلىك رولىن ساۋلەلەندىرىپ، الەۋمەتتىك اۋماق تۇرعىندارىن اتتانىسقا كەلتىرىپ، ىندەتتەن ساقتانۋ - تىزگىندەۋدىڭ حالىقتىق قورعانىس شەبىن قۇرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
