2 مينيسترلىك، كوميتەت: شۇعىل تاسىمال كولىكتەرىنە قاراتا توقتاتپاۋعا، تەكسەرمەۋگە، اقى الماۋعا شىنايى كەپىلدىك ەتۋ كەرەك
2020.02.13 19:57 كەلۋ قاينارى : حالىق تورابى
حالىق تورابى، 2 - ايدىڭ 12 - كۇنى، (ۋاڭ زى). قاتىناس - تاسىمال مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى 2 - ايدىڭ 12 - كۇنى بىرلەسىپ ۇقتىرۋ باسىپ تاراتىپ، ءارقايسى ولكە دارەجەلى قاتىناس - تاسىمال، دەنساۋلىق ساقتاۋ، سالاماتتىق باسقارۋ تاراۋلارىنان ىندەتتەن ساقتانۋ، شۇعىل جاعدايعا توتەپ بەرۋ كولىكتەرىنىڭ جولحاتىن ءبىتىرۋ بارىسىن شىن مانىندە قاراپايىمداندىرىپ، شۇعىل جاعدايعا توتەپ بەرۋدى قامتاماسىزداندىراتىن ادامداردى اۋاشالاماۋ شارالارىن ويداعىداي تياناقتاندىرىپ، قاتىناس - تاسىمالدى قامتاماسىزداندىرۋ قىزمەتىن اناعۇرلىم ويداعىداي ىستەپ، ىندەتتەن ساقتانۋ - تىزگىندەۋگە جانە كاسىپورىنداردىڭ جۇمىسىن قالپىنا كەلتىرىپ، ءوندىرىستى قالپىنا كەلتىرۋىنە پارمەندى قولداۋ كورسەتۋدى تالاپ ەتتى.
شۇعىل تاسىمال كولىكتەرىنە قاراتا توقتاتپاۋعا، تەكسەرمەۋگە، اقى الماۋعا كەپىلدىك ەتۋ كەرەك
ۇقتىرۋدا مىنالار تالاپ ەتىلدى: جەرگىلىكتى ءار دارەجەلى قاتىناس – تاسىمال تاراۋلارى «قاتىناس – تاسىمال مينيسترلىگىنىڭ ىندەتتەن ساقتانۋ جانە ونى ەمدەۋ، شۇعىل جاعدايعا توتەپ بەرۋ زاتتارىن تاسىمالدايتىن اۆتوكولىكتەردىڭ ىركىلىسسىز قاتىناۋىن شىن مانىندە قامتاماسىزداندىرۋ جونىندەگى شۇعىل ۇقتىرۋى» مەن «قاتىناس – تاسىمال مينيسترلىگىنىڭ ىندەتتەن ساقتانۋ - تىزگىندەۋ مەزگىلىندە شارۋا جۇمىسكەرلەردى جۇمىس ورنىنا جەتكىزەتىن كوتەرمەگە الىنعان اۆتوموبيلدەردەن قاتىناۋ اقىسىن الماۋ جونىندەگى ۇقتىرۋىنىڭ» تالابىن مۇقيات تياناقتاندىرىپ، «جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدە شۇعىل قاجەتتى زات جانە قىزمەتكەرلەردى تاسىمالدايتىن اۆتوموبيلدەردىڭ جولحاتىن» (قىسقاشا «اۆتوموبيل جولحاتى» دەلىنەدى)، «جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەزگىلىندە شارۋا جۇمىسكەرلەردى جۇمىس ورنىنا جەتكىزەتىن كوتەرمەگە الىنعان اۆتوموبيلدەر جولحاتىن» (قىسقاشا «كوتەرمەگە الىنعان اۆتوموبيل جولحاتى» دەلىنەدى) ءبىر تۇتاس ءبىتىرۋ بارىسىن شىنايى قاراپايىمداندىرىپ، ۇكىمەت توراپ بەكەتى، ۋيچات، ەلەكتروندىق پوچتا جولداماسى سياقتى قولايلى تاسىلدەر ارقىلى «اۆتوموبيل جولحاتىنىڭ»، «كوتەرمەگە الىنعان اۆتوموبيل جولحاتىنىڭ» ءبىر تۇتاس ۇلگىسىن قامداۋ كەرەك، مۇنى تاسۋدى مىندەتىنە العان ورىن نەمەسە جۇرگىزۋشى سول جەردە ءوزى باسىپ، ءوزى تولتىرادى.
ۇقتىرۋدا مىنالار اتاپ كورسەتىلدى: تاسۋدى مىندەتىنە العان ورىنداردان نەمەسە جۇرگىزۋشىلەردەن ءارقانداي قاتىناس – تاسىمال تاراۋلارىنا بارىپ تەكسەرىپ بەكىتۋ ءتارتىبىن ءبىتىرتۋدى تالاپ ەتۋ قاتاڭ شەكتەلەدى، «اۆتوموبيل جولحاتىنا»، «كوتەرمەگە الىنعان اۆتوموبيل جولحاتىنا» تاڭبا باستىرۋدى تالاپ ەتۋ قاتاڭ شەكتەلەدى. جوعارىدا ايتىلعان جولحاتى بار كولىكتەر جونىنەن شۇعىل تاسىمالداۋ جاسىل ارناسى ساياساتىن قاتاڭ اتقارۋ، شۇعىل تاسىمال كولىكتەرىنە قاراتا توقتاتپاۋعا، تەكسەرمەۋگە، اقى الماۋعا كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
