مەملەكەتتىك حالىق قۇرىلتايى تۇراقتى كوميتەتىنىڭ ءماجىلىسى مەملەكەتتىك 13 - كەزەكتى حالىق قۇرىلتايىنىڭ 3 - ءماجىلىسىن كەشىكتىرىپ اشۋ جونىندەگى قاۋلى جوباسىن قارايدى
2020.02.18 16:11 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 17 - كۇنى، بەيجيڭ (تىلشىلەر ياڭ ۋەيحان، چىن فەي). تىلشىلەردىڭ 2 - ايدىڭ 17 - كۇنى وتكىزىلگەن 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 47 - رەتكى كوميتەت باستىقتارى ماجىلىسىنەن ۇعىسۋىنشا، 2 - ايدىڭ اياق شەنىندە اشىلاتىن مەملەكەتتىك حالىق قۇرىلتايى تۇراقتى كوميتەتىنىڭ ءماجىلىسى 13 – كەزەكتى مەملەكەتتىك حالىق قۇرىلتايىنىڭ 3 – ءماجىلىسىن كەشىكتىرىپ اشۋ جونىندەگى قاۋلى جوباسىن قارايدى ەكەن.
كوميتەت باستىقتارى ءماجىلىسى وسى كۇن ءتارتىپتى ورتاعا قويۋدا نەنى ويلاستىرىپ وتىر؟ بۇل جونىندە مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ مالىمدەمەشىسى زاڭ تيەۋەي شينحۋا اگەنتتىگى تىلشىلەرىنىڭ ارناۋلى سۇحپاتىن قابىلداعاندا بىلاي دەپ تانىستىردى: 2019 – جىلى 12 - ايدىڭ 28 – كۇنى مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 15 - ءماجىلىسى مەملەكەتتىك 13 – كەزەكتى حالىق قۇرىلتايىنىڭ 3 – ءماجىلىسىن 2020 – جىلى 3 - ايدىڭ 5 – كۇنى بەيجيڭدە اشۋدى ۇيعاردى. وسى قاۋلى بويىنشا مەملەكەتتىك حالىق قۇرىلتايىنىڭ تۇراقتى كوميتەتى ءماجىلىستىڭ اشىلۋىنا ءبىرقىدىرۋ دايىندىق جۇمىستىن ىستەدى.
جۋىقتان بەرى حۋبەي ولكەسى ۋحان قالاسى سياقتى جەرلەردە جاڭا تيپتى ايدارشا ۆيرۋس وكپە قابىنۋ ىندەتى ارت - ارتىنان تۋىلدى. شي جينپيڭ جولداستى ۇيىتقى ەتكەن پارتيا ورتالىق كوميتەتى ايرىقشا ءمان بەرىپ، جان - جاقتى ورنالاستىرۋ جاساپ، ايقىن تالاپ قويىپ، ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە يگەرىپ، حالىق بۇقاراسىنا تىعىز سۇيەنىپ، ىندەتتەن ساقتانۋ – تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋدى دارىپتەدى. قازىر ىندەتتەن ساقتانۋ - تىزگىندەۋ قىزمەتىندە بەلسەندى تابىستارعا قول جەتتى.
قازىر ىندەتتىڭ ءورشۋىن تەجەۋ، ىندەتتەن ساقتانۋ – تىزگىندەۋ توسقاۋىل شايقاسىندا جەڭىسكە جەتۋ شەشۋشى كەزەڭدە تۇر، كۇشتى شوعىرلاندىرىپ، بار كۇشپەن توتەپ بەرۋ كەرەك. مەملەكەتتىك حالىق قۇرىلتايىنىڭ ۋاكىلدەرى 3 مىڭعا تايايدى، مۇنىڭ ىشىندە ۋاكىلدەردىڭ كوپ ساندىسى، ونىڭ ىشىندە ۇشتەن ءبىر ۇلەستى ۇستايتىن ولكە، قالا دارەجەلى ورىنداردا جانە ءار جاقتا قىزمەت ىستەيتىن نەگىزگى باسشى كادرلار ىندەتتەن ساقتانۋ - تىزگىندەۋ قىزمەتىنىڭ ءبىرىنشى شەبىندە شايقاس جاساپ، ءوز قىزمەت ورىندارىندا ماڭىزدى رول اتقارۋدا. زەيىن - زەردەنى شوعىرلاندىرىپ ىندەتتەن ساقتانۋ - تىزگىندەۋ قىزمەتىن جاقسى ىستەۋگە كەپىلدىك ەتىپ، حالىق بۇقاراسىنىڭ باس اماندىعى مەن دەنساۋلىعىن ءبىرىنشى ورىنعا قويۋدا تاباندى بولۋ ءۇشىن، كوميتەت باستىقتارى ءماجىلىسى مۇقيات تالداۋ جاساۋ ارقىلى مەملەكەتتىك 13 - كەزەكتى حالىق قۇرىلتايىنىڭ 3 - ءماجىلىسىن لايىقتى كەشەۋىلدەتىپ اشۋ قاجەت دەپ قارادى.
ەلىمىزدىڭ نەگىزگى زاڭى مەن قاتىستى زاڭدارىندا: مەملەكەتتىك حالىق قۇرىلتايىنىڭ ءماجىلىسى جىلىنا ءبىر رەت وتكىزىلەدى، مەملەكەتتىك حالىق قۇرىلتايىنىڭ ءماجىلىسىن مەملەكەتتىك حالىق قۇرىلتايىنىڭ تۇراقتى كوميتەتى شاقىرادى دەپ بەلگىلەنگەن. بۇرىن مەملەكەتتىك حالىق قۇرىلتايىنىڭ تۇراقتى كوميتەتى مەملەكەتتىك 13 - كەزەكتى حالىق قۇرىلتايىنىڭ 3 - ءماجىلىسىن اشۋ ۋاقىتىن بەلگىلەگەن بولاتىن، سوندىقتان ءماجىلىس اشۋدى كەشىكتىرۋدە مەملەكەتتىك حالىق قۇرىلتايى تۇراقتى كوميتەتىنىڭ شەشىم جاساۋىنا تۋرا كەلەدى.
جوعارىداعى ويلارعا ساي تۇراقتى كوميتەتتىڭ قىزمەت قۇرىلىمدارى مەملەكەتتىك 13 - كەزەكتى حالىق قۇرىلتايىنىڭ 3 - ءماجىلىسىن كەشىكتىرىپ اشۋ جونىندەگى قاۋلى جوباسىن جاسادى. 2 - ايدىڭ 17 - كۇنى اشىلعان كوميتەت باستىقتارى ءماجىلىسى مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ 16 – ءماجىلىسىن 2 – ايدىڭ 24 – كۇنى بەيجيڭدە اشۋدى ۇيعاردى، مۇنداعى كۇن ءتارتىبىنىڭ ءبىرى − كوميتەت باستىقتارى ءماجىلىسىنىڭ «مەملەكەتتىك حالىق قۇرىلتايى تۇراقتى كوميتەتىنىڭ مەملەكەتتىك 13 – كەزەكتى حالىق قۇرىلتايىنىڭ 3 – ءماجىلىسىن اشۋدى كەشىكتىرۋ جونىندەگى قاۋلىسىن (جوبا)» قاراۋ. سونىمەن بىرگە، مەملەكەتتىك حالىق قۇرىلتايىنىڭ تۇراقتى كوميتەتى ىندەتتەن ساقتانۋ - تىزگىندەۋگە قاتىستى زاڭدارعا بەلسەنە وزگەرىس ەنگىزۋ ءۇشىن ءتۇرلى دايىندىق قىزمەتىن ويداعىداي ىستەۋدە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
