شي جينپيڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس ورنالاستىرىپ ىلگەرىلەتۋ ماجىلىسىندە مىنانى دارىپتەدى
ساقتانۋ - تىزگىندەۋ قىزمەتىن تيتتەي دە بوساڭسىتپاۋ، تىڭعىلىقتى، ەگجەي - تەگجەيلى يگەرۋ، ەكونوميكالىق، قوعامدىق دامۋداعى ءتۇرلى قىزمەتتى ءبىر تۇتاس جوسپارلاپ، ويداعىداي ىستەۋ كەرەك
لي كىچياڭ ماجىلىسكە باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى
2020.02.24 16:26 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 23 - كۇنى، بەيجيڭ. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس ورنالاستىرىپ ىلگەرىلەتۋ ءماجىلىسى 2 - ايدىڭ 23 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى (ءسوزدىڭ تولىق مازمۇنى «حالىق گازەتىنىڭ» بۇگىنگى سانىنىڭ 2 - بەتىندە جاريالاندى). ول مىنالاردى دارىپتەدى: جۇڭحۋا ۇلتى تاريحتا تالاي جاپا - ماشاقاتتى باستان كەشىرگەن، ءبىراق ەجەلدەن يمەنگەن ەمەس، قايتا ساتسىزدىككە ۇشىراعان سايىن باتىلدانىپ، ۇزدىكسىز ازاپ ىشىندە ەسەيىپ ـ ەرجەتىپ، جاپا ـ ماشاقاتتى جەڭە وتىرىپ ەڭسە كوتەرىپ كەلەدى. قازىر ىندەت جاعدايى ءالى دە اۋىر، كۇردەلى، ساقتانۋ - تىزگىندەۋ ەڭ قيىن شەشۋشى كەزەڭدە تۇر، ءار دارەجەلى پارتكومدار مەن ۇكىمەتتەر، ءسوزسىز، جەڭىسكە جەتۋ سەنىمىن بەكەمدەپ، ءتىستى تىسكە باسىپ، ءتۇرلى ساقتانۋ - تىزگىندەۋ قىزمەتىن ۇزدىكسىز بوساڭسىماي مىقتى، مۇقيات يگەرۋى كەرەك. قىسىمدى قوزعاۋشى كۇشكە اينالدىرىپ، قاتەردى ورايعا اينالدىرۋعا شەبەر بولىپ، ءوندىرىس، تۇرمىس ءتارتىبىن رەتىمەن قالپىنا كەلتىرىپ، «التىنى ورنىقتىرۋ» شاراسىن كۇشەيتىپ، ساياساتتى رەتتەۋ تەبىنىن ارتتىرىپ، ەلىمىز دامۋىنىڭ وراسان زور كومەسكى كۇشى مەن قۇدىرەتتى قوزعاۋشى كۇشىن تولىق ايگىلەپ، بيىلعى ەكونوميكالىق، قوعامدىق دامۋدىڭ نىسانالىق مىندەتتەرىن قۇلشىنا جۇزەگە اسىرۋ كەرەك.
شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ پارتيا مۇشەلەرىنە، كادرلارعا، بۇقاراعا، اسىرەسە، حۋبەي ولكەسى مەن ۋحان قالاسىنداعى قالىڭ پارتيا مۇشەلەرىنە، كادرلارعا، بۇقاراعا شىنايى سالەم جولداپ، ىندەتتەن ساقتانۋدىڭ ءبىرىنشى شەبىندە شايقاس جاساپ جاتقان قالىڭ ەمدەۋ قىزمەتكەرلەرىنە، حالىق ازاتتىق ارمياسىنداعى قولباسشىلار مەن جاۋىنگەرلەرگە، جولداستارعا وسكەلەڭ قۇرمەت ءبىلدىردى. شياڭگاڭدىق، اۋمىندىق، تايۋاندىق باۋىرلاستارعا، شەتەلدەردەگى مۇھاجىرلارعا شىن نيەتپەن العىس ايتتى، ەلىمىزدىڭ ىندەتتەن ساقتانۋ - تىزگىندەۋ قىزمەتىنە قولداۋ كورسەتىپ وتىرعان ەلدەرگە، حالىقارالىق ۇيىمدارعا، دوس قايراتكەرلەرگە شىن جۇرەكتەن العىس ايتتى، ىندەت جاعدايىندا باقىتقا قارسى قازا بولعان باۋىرلاستارعا، قۇربان بولعان ەمدەۋ قىزمەتكەرلەرىنە قايعىرا وتىرىپ ازا ءبىلدىردى، اۋرۋ ازابىمەن كۇرەسىپ جاتقان ناۋقاستار مەن ولاردىڭ ءۇي ىشىندەگىلەردەن، ۇكىمەت قىزمەتى جولىندا قازا بولعانداردىڭ ءۇي ىشىندەگىلەردەن، اۋرۋدان كوز جۇمعانداردىڭ ءۇي ىشىندەگىلەردەن شىنايى حال سۇرادى.
لي كىچياڭ ءماجىلىستى باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
