حالىق قۇرىلتايى تۇراقتى كوميتەتىنىڭ 16 - ءماجىلىسى بەيجيڭدە جابىلدى
جابايى حايۋاناتتاردى زاڭسىز ساۋدالاۋعا جاپپاي تيىم سالۋ، جابايى حايۋاناتتاردى بەتالدى جەۋ ناشار ادەتتەرىن جويۋ، حالىق بۇقاراسىنىڭ ءومىرى مەن دەنساۋلىعىنا شىنايى كەپىلدىك ەتۋ جونىندەگى قاۋلى جانە مەملەكەتتىك 13 - كەزەكتى حالىق قۇرىلتايىنىڭ 3 - ءماجىلىسىن كەشەۋىلدەتىپ اشۋ جونىندەگى قاۋلى داۋىسقا سالىپ ماقۇلداندى، لي جانشۋ ءماجىلىستى باسقاردى ءارى ءسوز سويلەدى
2020.02.25 19:40 كەلۋ قاينارى : حالىق تورابى
«حالىق گازەتى»، 2 - ايدىڭ 24 - كۇنى، بەيجيڭ. مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 16 - ءماجىلىسى 2 - ايدىڭ 24 - كۇنى تۇستەن كەيىن جابىلدى. كوميتەت باستىعى لي جانشۋ ءماجىلىستى باسقاردى.
تۇراقتى كوميتەت قۇرامىنداعىلاردان 114 ادام ناق مايداندا ماجىلىسكە قاتىناستى، 57 ادام توراپتىق بەينە ەكران ارقىلى ماجىلىسكە قاتىناستى، جيىنى 171 ادام قاتىناستى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىن داۋىسقا سالۋ ارقىلى جابايى حايۋاناتتاردى زاڭسىز ساۋدالاۋعا جاپپاي تيىم سالۋ، جابايى حايۋاناتتاردى بەتالدى جەۋ ناشار ادەتتەرىن جويۋ، حالىق بۇقاراسىنىڭ ءومىرى مەن دەنساۋلىعىنا شىنايى كەپىلدىك ەتۋ جونىندەگى قاۋلىنى ماقۇلدادى.
جيىن داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايىنىڭ 3 - ءماجىلىسىن كەشىكتىرىپ اشۋ جونىندەگى قاۋلىنى ماقۇلدادى.
جيىن داۋىسقا سالۋ ارقىلى كى لياڭدۇڭدى مەملەكەتتىك 13 - كەزەكتى حالىق قۇرىلتايى تۇراقتى كوميتەتى باس حاتشىسىنىڭ ورىنباسارى مىندەتىنەن قالدىردى، باسقا دا مىندەتكە تاعايىنداۋ، مىندەتىنەن قالدىرۋ جوباسىن داۋىسقا سالىپ ماقۇلدادى.
تۇراقتى كوميتەتتىڭ ماجىلىسىندە لي جانشۋ ءسوز سويلەدى. ول بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سەنىمدى بەكەمدەپ، تار جول، تايعاق كەشۋدەن بىرگە ءوتىپ، عىلمي جولمەن ساقتانىپ، دالمە - ءدال شارا قولداندى، باس شۋجي شي جينپيڭ تىكەلەي قولباسشىلىق ەتىپ، تىكەلەي ورنالاستىرۋ جاساپ، وزەكتى باسشىلىق رولىن ساۋلەلەندىرىپ، جۇدىرىقتاي جۇمىلىپ ىندەتپەن كۇرەسۋ، بوگەتتى جەڭىپ العا باسۋ سىندى بەرىك ەرىك پەن قۇدىرەتتى وڭ ەنەرگيانى ۇيىستىردى، ساقتانۋ – مەڭگەرۋ جاعدايىنداعى بەلسەندى جاقسارۋ اۋقىمى كەڭەيۋدە. اماليات پارتيا ورتالىق كوميتەتىنىڭ ىندەت جاعدايى جونىندەگى تۇجىرىمىنىڭ دۇرىس ەكەنىن، ءتۇرلى قىزمەت ورنالاستىرۋىنىڭ دەر كەزىندە بولعانىن، قولدانعان شارالارىنىڭ پارمەندى، ءونىمدى بولعانىن دالەلدەدى. بۇل جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ كورنەكتى ابزالدىعىن تولىق ايگىلەدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز، ءسوز جوق، ىندەتتەن ساقتانۋ - تىزگىندەۋدىڭ جالپى بەتتىك جەڭىسىنە قول جەتكىزىپ، ەكونوميكالىق، قوعامدىق دامۋدىڭ تۇتاس جىلدىق نىسانا، مىندەتتەرىن جۇزەگە اسىرا الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
