باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندە سويلەگەن ماڭىزدى ءسوزى ۋحانداعى قالىڭ كادرلار مەن بۇقارانىڭ رۋحتى سەرپىلتىپ، ىندەتپەن كۇرەستە جەڭىسكە جەتۋ سەنىمىن بەكەمدەدى
ۋحاندى قورعاۋ شايقاسىن ويداعىداي جۇرگىزىپ، تولىق جەڭىسكە جەتپەيىنشە تىنبايمىز
2020.02.27 17:40 كەلۋ قاينارى : حالىق تورابى
«باس شۋجي شي جينپيڭنىڭ ماڭىزدى ءسوزىن تىڭداعاننان كەيىن ەرەكشە شابىت الدىم، سەنىمىم بارىنشا نىعايدى!»، « باس شۋجيدىڭ ءسوزى ءبىزدىڭ كوڭىلىمىزگە تەرەڭ ۇيالاپ، مەيىر ـ شاپاعات، قوزعاۋشى كۇش ۇستەدى!»، «ءبىز، ءسوز جوق، جەڭىسكە جەتۋ سەنىمىمىزدى بەكەمدەپ، ساقتانۋ - تىزگىندەۋ قىزمەتتەرىن تيتتەي دە بوساڭسىماي، مىقتى، ەگجەي - تەگجەيلى يگەرەمىز».
بىرنەشە كۇننەن بەرى باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندە سويلەگەن ماڭىزدى ءسوزى ۋحانداعى قالىڭ كادرلار مەن بۇقارانىڭ رۋحتى سەرپىلتىپ، ىندەتپەن كۇرەستە جەڭىسكە جەتۋ سەنىمىن بەكەمدەدى. كوپشىلىك جابال مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، ۋاقىتپەن جارىسىپ، اۋرۋمەن ايقاسىپ، حۋبەيدى قورعاۋ شايقاسىن، ۋحاندى قورعاۋ شايقاسىن باتىل ويداعىداي جۇرگىزەمىز.
ناۋقاستاردى بار كۇشپەن قۇتقارىپ، ىندەت جاعدايى اياقتالمايىنشا شەپتەن قايتپاۋ كەرەك
وسى رەتكى جاڭا تيپتى ايدارشا ۆيرۋس وكپە قابىنۋ ىندەتى جاڭا جۇڭگو قۇرىلعاننان بەرى ەلىمىزدە تۋىلعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ اۋىر، ءبىر رەتكى توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى بولدى. باس شۋجي شي جينپيڭ بىلاي دەپ اتاپ كورسەتتى: قالىڭ ەمدەۋ قىزمەتكەرلەرى العان بەتتەرىنەن قايتپاي، كۇندى تۇنگە جالعاپ ەرلىكپەن شايقاس جۇرگىزىپ، اجالعا اراشاشى، جارالىعا مەدەت بولۋ سىندى وسكەلەڭ رۋحتى ايگىلەدى. حالىق ازاتتىق ارمياسىنىڭ كوماندير - جاۋىنگەرلەرى بۇيرىقتى الا سالا اتتانىپ، باتىلدىقپەن سۇراپىل شايقاس جۇرگىزىپ، حالىقتىڭ پەرزەنت اسكەرلەرىنىڭ پارتياعا ادال بولۋ، حالىققا ادال بولۋ ساياسي قاسيەتىن ايگىلەدى.
2 - ايدىڭ 26 - كۇنى − ۋحان قالالىق 6 - شيپاحانانىڭ تىنىس الۋ اۋرۋلارى جانە قاتەرلى، سالماقتى اۋرۋلار مەديتسينا ءبولىمىنىڭ مەڭگەرۋشىسى لي چىڭحۇڭنىڭ جاڭا تيپتى ايدارشا ۆيرۋس وكپە قابىنۋىنا شالدىققانى تۇراقتاندىرىلىپ ەمدەلگەننەن كەيىن قايتادان جۇمىس ورنىنا ورالعانىنىڭ 10 – كۇنى. ول ءالى دە ناۋقاس بولمەلەرىن تەكسەرۋ، بىرلەسىپ دياگنوز قويۋ، اۋرۋحاناداعى قاتەرلى، سالماقتى ناۋقاستاردىڭ جاعدايىن كەڭ كولەمدە تالقىلاۋ جۇمىستارىنا قىزۋ ىنتامەن اتسالىسۋدا. ول بىلاي دەدى: «باس شۋجي شي جينپيڭ ماڭىزدى سوزىندە ىندەت جاعدايىنا عىلمي تۇجىرىم جاساپ، ۋحاندى قورعاۋ شايقاسىنىڭ بەتالىسىن ايقىن كورسەتتى. الدىڭعى مەزگىلدەگى ىندەتتەن ساقتانۋ - تىزگىندەۋ قىزمەتىندە كەزەڭدىك تابىستارعا قول جەتكەنىمەن، ساقتانۋ، تىزگىندەۋ قىزمەتى ءالى دە ەڭ قيىن شەشۋشى كەزەڭدە تۇر، بۇل ۋحاندى قورعاۋ شايقاسىندا جەڭىسكە جەتۋدەگى شەشۋشى كەزەڭ سانالادى. مەن تۇتاس بولىمدەگى ەمدەۋ قىزمەتكەرلەرىن ەمدەۋ قىزمەتىن بەلسەنە ورىستەتۋگە، <ءار ناۋقاستى بولەك كۇتىمدەۋ، ءار ناۋقاسقا بولەك جوبا جاساۋ> سىندى ەمدەۋ شاراسىن جاپپاي تياناقتاندىرۋعا باستايمىن، ءبىز تيتتەي دە سالعىرتتانباي، بوساڭسىماي ىستەيمىز، داعدىلى ەمدەۋدەن تىس، ناۋقاستاردىڭ پسيحيكالىق ماسەلەلەرىن شەشۋگە كۇش سالامىز. مەن تىنىس الۋ اۋرۋلارى ءبولىمىنىڭ شيپاگەرى رەتىندە بار كۇشىمدى سالامىن، ءاربىر ناۋقاستى ەمدەۋ جولىندا بوداۋ بەرۋدەن تايىنبايمىن».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
