بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ ءماجىلىسىن باسقارىپ اشتى

اۋرۋدان قازا بولۋ شاماسىن تومەندەتۋ جانە تۇرمىستىق بۇيىمدارمەن قامداۋدى قامتاماسىزداندىرۋ جونىندە ىشكەرىلەي ورنالاستىرۋ جاسادى

ءتۇيىندى قاۋىمعا باعىتتالعان ىندەتتەن ساقتانۋ - تىزگىندەۋ شارالارىن اشالاپ، حالىقارالىق سەلبەستىكتى كۇشەيتۋدى تالاپ ەتتى، ۋاڭ حۋنيڭ ماجىلىسكە قاتىناستى

2020.02.28 17:16     كەلۋ قاينارى : حالىق تورابى

  شينحۋا اگەنتتىگى، 2 - ايدىڭ 27 - كۇنى، بەيجيڭ. 2 - ايدىڭ 27 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ باستىعى لي كىچياڭ باسشىلىق ەتۋ گرۋپپاسىنىڭ ءماجىلىسىن باسقارىپ اشتى.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسى باستىعىنىڭ ورىنباسارى ۋاڭ حۋنيڭ ماجىلىسكە قاتىناستى.

  ماجىلىستە مىنالار اتاپ كورسەتىلدى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، ورتالىقتىڭ ىندەتكە توتەپ بەرۋ قىزمەتىنە باسشىلىق ەتۋ گرۋپپاسىنىڭ ورنالاستىرۋى بويىنشا، ابزالدىققا يە ەمدەۋ بايلىعىن ۇزدىكسىز شوعىرلاندىرىپ، سالماقتى ناۋقاستاردى قۇتقارۋ تەبىنىن ارتتىرىپ، ناۋقاستان كوز جۇمۋ شاماسىن ايتارلىقتاي تومەندەتىپ، حۋبەي ولكەسى مەن ۋحان قالاسىنىڭ تۇرمىسىن ءتۇرلى شارالاردى قاتار قولدانىپ قامتاماسىز ەتىپ، ءتۇيىندى قاۋىمعا قاراتىلعان ىندەتتەن ساقتانۋ - تىزگىندەۋ شارالارىن اشالاپ، دۇنيە جۇزىلىك دەنساۋلىق ساقتاۋ ۇيىمىمەن جانە قاتىستى ەلدەرمەن حالىقارالىق سەلبەستىكتى كۇشەيتىپ، ىندەتتەن ساقتانۋ - تىزگىندەۋ جاعدايىن بەلسەنە جاقسارتۋ كەرەك.

  ماجىلىستە بىلاي دەپ اتاپ كورسەتىلدى: ءار جاقتىڭ بىرگە قۇلشىنۋىندا، تاياۋان بەرى سالماقتى اۋرۋلاردىڭ دياگنوز قويىلعان اۋرۋلاردىڭ اراسىنداعى سالىستىرماسى كورنەكتى تومەندەدى، ءبىراق بۇكىل ەلدەگى سالماقتى اۋرۋلاردىڭ مولشەرى ءبىرشاما كوپ، مۇنىڭ باسىم كوپ ساندىسى حۋبەي ولكەسىندە، اسىرەسە، ۋحان قالاسىندا، سالماقتى ناۋقاستاردى ەمدەۋدى كۇشەيتۋ قازىرگى ساقتانۋ - تىزگىندەۋ قىزمەتىندەگى ماڭىزدى ءتۇيىن بولىپ تابىلادى. ارناۋلى جوبا جاساپ، ەمدەۋ بايلىعىن ورنالاستىرۋدى اناعۇرلىم ساپالىلاندىرىپ، حۋبەي ولكەسى مەن ۋحان قالاسىنىڭ ەمدەۋ كۇشى جاعىندا قىزمەتكەرلەر مەن جۇمىس ورىندارى ساي كەلمەۋ سياقتى سياقتى ماسەلەلەردى جەدەل شەشۋىنە جەتەكشىلىك، قۋزاۋشىلىق ەتىپ، مامانداردى ەڭ قاجەتتى قىزمەت ورنىنا جەتكىزۋ كەرەك، قاتىستى تاراۋلار بۇكىل ەل كولەمىنەن ءبىر توپ وكپەنىڭ ەكستراكورپورالدى وكسيگەناتورى سياقتى ەمدەۋ جابدىقتارىن شۇعىل جەتكىزىپ، سالماقتى ناۋقاستاردى ەمدەۋ - قۇتقارۋ قاجەتىنە شىنايى كەپىلدىك ەتىپ، ساۋىعۋ شاماسىن مۇمكىندىكتىڭ بارىنشا جوعارىلاتىپ، اۋرۋدان كوز جۇمۋ شاماسىن تومەندەتۋى كەرەك. حۋبەي ولكەسى مەن ۋحان قالاسىنىڭ ىندەتتەن ساقتانۋ - تىزگىندەۋ قاجەتىن ۇزدىكسىز جاپپاي كۇشەيتۋگە كەپىلدىك ەتۋ ءۇشىن، تۇرمىستىق بۇيىمدارمەن قامتاماسىز ەتۋدى اناعۇرلىم جاقسى ىستەپ، جەرگىلىكتى ورىننىڭ قامداۋ قۋاتىن جوعارىلاتۋ، ولكە سىرتىنان ەنگىزىلەتىن قاتىستى تاۋارلاردىڭ مولشەرىن كوبەيتۋ، كاسىپورىنداردىڭ اسىرا قامداۋ رولىن ساۋلەلەندىرۋ، تاسىمالدىڭ ىركىلىسسىزدىگىنە كەپىلدىك ەتۋ سياقتى شارالارمەن حۋبەي بازارىنىڭ استىق، ماي، ەت، جۇمىرتقا، جەمىس - جيدەك سياقتى زات قاينارىنىڭ جەتكىلىكتى بولۋىنا كەپىلدىك ەتۋ كەرەك. حۋبەي ولكەسى، ۋحان قالاسى «ەڭ سوڭعى ءبىر كيلومەترلىك» زات جەتكىزۋ قىزمەتىن ويداعىداي ىستەۋدى الەۋمەتتىك اۋماقتىڭ ساقتانۋ – تىزگىندەۋ قىزمەتىندەگى ماڭىزدى ورىنعا قويىپ، ەرىكتىلەر سياقتى قوعامدىق كۇشتەردىڭ رولىن ساۋلەلەندىرىپ، باسقا جەردەن كەلىپ تۇرىپ قالعانداردى قامتىعان تۇرعىنداردىڭ نەگىزگى تۇرمىسىن قامتاماسىز ەتۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار