مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى: ىندەتتەن ساقتانۋ – تىزگىندەۋدە «بارلىعىن ءناسيحاتتاپ قايتارۋ» سىندى قارا ءدۇرسىن، دورەكى تاسىلدەردى قولدانۋعا بولمايدى
2020.03.06 15:30 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 5 – كۇنى، بەيجيڭ (ءتىلشى: لو شا، چىن فەي) ىندەتتىڭ تارالۋىنىڭ الدىن الۋ ءۇشىن، ءىشىنارا جەرلەر «بارلىعىن ءناسيحاتتاپ قايتارۋ»، «ءۇيدىڭ ەسىگىن مىقتاپ قۇلىپتاۋ» سىندى ساقتانۋ – تىزگىندەۋ شارالارىن قولدانىپ، تالاس – تارتىس تۋدىردى. بۇل شارالاردىڭ زاڭدىق نەگىزى بار ما؟
مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ مالىمدەمەشىسى، زەرتتەۋ كەڭسەسىنىڭ مەڭگەرۋشىسى زاڭ تيەۋەي تىلشىلەردىڭ سۇراۋىنا جاۋاپ بەرگەن كەزدە: «بۇل شارالار قاجەتتى دەڭگەيدەن جانە شەكتەن اسىپ كەتكەن، ازاماتتاردىڭ زاڭدى ۇقىق – مۇددەسىنە جانە ەكونوميكا مەن قوعامنىڭ قالىپتى اينالىمىنا ىقپال جاسايدى، زاڭسىز ءارى ۇيلەسىمسىز»، _ دەدى. جەر – جەر ىندەتتەن ساقتانۋ – تىزگىندەۋ شارالارىن اتقارعاندا، توتەپ بەرۋ شارالارىن جەرگىلىكتى ورىنداعى ىندەت جاعدايىنا نەگىزدەلە وتىرىپ اتقارۋى، تۇرگە ءبولىپ جەتەكشىلىك ەتۋى كەرەك، سىرتتان كەلگەندەردىڭ «بارلىعىن ءناسيحاتتاپ قايتارۋ»، اۋاشالانعان تۇرعىنداردىڭ «ءۇيىنىڭ ەسىگىن مىقتاپ قۇلىپتاۋ» سىندى ءبارىن ءبىر تاياقپەن ايداعان شارالاردى قولدانۋعا بولمايدى.
زاڭ تيەۋەي مىنانى ءبىلدىردى: ىندەتتەن ساقتانۋ – تىزگىندەۋدى زاڭ بويىنشا اتقارۋدىڭ تەتىگى _ ىندەتتەن ساقتانۋ – تىزگىندەۋ شارالارىن اتقارۋ بارىسىندا، ءسوزسىز، نەگىزگى تۇلعانىڭ تولىمدىلىعى لايىقتى بولۋ، ءتاسىلى زاڭدى، شاراسى ۇيلەسىمدى بولۋ كەرەك. وسىعان قاتىستى ەلىمىزدىڭ قاتىستى زاڭ - تۇزىمدەرىندە ناقتى بەلگىلەمەلەر بار.
_ مۇنداعى نەگىزگى تۇلعانىڭ تولىمدىلىعى لايىقتى بولۋ دەگەنىمىز، قاتىستى ساقتانۋ – تىزگىندەۋ شارالارى جونىندە تەك ءبىرتۇتاس باسشىلىق مىندەتىن اتقاراتىن حالىق ۇكىمەتى قاتارلى زاڭدا بەلگىلەنگەن نەگىزگى تۇلعا زاڭ بويىنشا ۇيعارىم جاساۋى ءارى اتقارۋى كەرەك، تومەن دارەجەلى حالىق ۇكىمەتى مەن قاتىستى تاراۋلار جوعارى دارەجەلى ۇكىمەت ورنىنىڭ توساتتان تۋىلعان شۇعىل جاعدايلارعا توتەپ بەرۋ جانە ونى ءبىرجاقتى ەتۋ قىزمەتى جونىندەگى ءبىرتۇتاس باسشىلىعىنا، قولباسشىلىق ەتۋىنە جانە سايكەستىرۋىنە بويسۇنۋى كەرەك.
_ ءتاسىلى زاڭدى بولۋ دەگەنىمىز ىندەتتەن ساقتانۋ – تىزگىندەۋ مەن ەكونوميكانىڭ جانە قوعام اينالىمىنىڭ قالىپتى بولۋىنىڭ، ازاماتتاردىڭ زاڭدى ۇقىق – مۇددەسىنە كەپىلدىك ەتۋدىڭ قارىم – قاتىناسىن ءبىرتۇتاس جوسپارلاپ، ويداعىداي مەڭگەرۋ كەرەك، «ءۇيدىڭ ەسىگىن مىقتاپ قۇلىپتاۋ»، «بارلىعىن ءناسيحاتتاپ قايتارۋ» قاتارلى قارا ءدۇرسىن، تۇرپايى تاسىلدەرمەن ىندەتتى تەجەۋدە «زورلىقتى اۋاشالاۋ» جۇرگىزۋگە بولمايدى.
_ شاراسى ۇيلەسىمدى بولۋ دەگەنىمىز ىندەتتەن ساقتانۋ – تىزگىندەۋدە قولدانعان شاراسى، ءسوزسىز، ىندەت بارىسىندا تۋىنداۋى مۇمكىن قوعامدىق زيانداردىڭ سيپاتى، دارەجەسى جانە كولەمىمەن سايكەسۋى كەرەك؛ كوپ ءتۇرلى شارانى تاڭداۋعا بولاتىن بولسا، ازاماتتاردىڭ، زاڭدى تۇلعالاردىڭ جانە باسقا ۇيىمداردىڭ ۇقىق – مۇددەلەرىنە ەڭ جوعارى دەڭگەيدە ءتيىمدى شارانى تاڭداۋى، قاجەتتى شەكتەمەدەن اسىپ كەتپەۋى كەرەك.
زاڭ تيەۋەي مىنانى ءبىلدىردى: ازاماتتارعا اۋاشالاۋ جۇرگىزىلسە، اۋاشالاۋ مەزگىلىندە، اۋاشالاۋ شاراسىن اتقارعان حالىق ۇكىمەتى اۋاشالانعان ادامدارعا تۇرمىستىق جاقتان قامتاماسىز ەتۋگە كەپىلدىك ەتۋى كەرەك. بەكىتۋدەن وتكىزبەي تۇرىپ، ساقتانۋ – تىزگىندەۋ بارىسىندا ءوز بەتىمەن زاڭعا قايشى شارا اتقارسا، باتىل تۇزەتۋ كەرەك؛ ازاماتتاردىڭ زاڭدى ۇقىق – مۇددەسىنە زيان جەتكىزسە، زاڭ بويىنشا زاڭدىق جاۋاپكەرشىلىك ارقالاۋى كەرەك.
«ءارقانداي ورىن مەن جەكەنىڭ سول جەردەگى اۋداننان جوعارعى حالىق ۇكىمەتىنىڭ بەكىتۋىنسىز، ەسىكتى بەكىتۋ سىندى قاتقىل شارالاردى الباتى قولدانۋ ارقىلى قىستاقتى، شاعىن اۋماقتى تۇيىقتاۋىنا، ەسىكتى قۇلىپتاۋ، جولدى بەكىتۋ سىندى دورەكى تاسىلدەرمەن ۇيدە اۋاشالاۋعا الۋدىڭ قاتقىل باسقارۋ – تىزگىندەۋ شاراسىن اتقارۋىنا بولمايدى؛ زاڭ بويىنشا اۋاشالاپ ەمدەۋ نەمەسە مەديتسينالىق باقىلاۋعا الۋ شاراسى اتقارىلاتىن ادامداردان سىرت، ساقتانۋ شاراسىن اتقارعان ءارى دەنە تەمپەراتۋراسىن ولشەۋگە سايكەسكەن ءۇي يەلەرىنە جانە ءۇي مايلاۋشىلاردىڭ ۇيىنە قايتۋىنا شەكتەمە قويۋعا بولمايدى»، _ دەدى زاڭ تيەۋەي، ىندەتتىڭ جاعدايىنا تولىق تۇجىرىم جاساۋ، ساقتانۋ شارالارىن ۇيلەسىمدى اتقارۋ شارتىندا، جەر – جەر زاڭ بويىنشا سالماقتىلىقپەن ۇيعارىم جاساۋى، قاتىستى ساقتانۋ – تىزگىندەۋ شارالارىن «تۇرپايىلاندىرۋدان»، «ءبارىن ءبىر تاياقپەن ايداۋدان» باتىل ساقتانۋ، حالىق جۇرتشىلىعىنىڭ ءوندىرىسى مەن تۇرمىسىنا تۋدىراتىن قولايسىز ىقپالداردى بارىنشا ازايتىپ، قالىپتى قوعامدىق ءتارتىپ پەن ءوندىرىس – تيجاراتتى تەزىرەك قالپىنا كەلتىرۋگە شارت – جاعداي جاراتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
