جاڭا ءداۋىر ۇيرەنۋ كەڭسەسى
شي جينپيڭ ىندەتپەن ايقاستىڭ نەگىزگى شايقاس مايدانىنا ءوزى بارىپ، كوپشىلىككە مىناداي جۇرەك سوزدەرىن جەتكىزدى
2020.03.11 17:12 كەلۋ قاينارى : حالىق تورابى
[رەداكتور ەسكەرتپەسى] 3 – ايدىڭ 10 – كۇنى، جاڭا تيپتى ايدارشا ۆيروسقا توتەپ بەرۋدىڭ شەشۋشى ساتتەرىندە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حۋبەي ولكەسى ۋحان قالاسىنا ءوزى بارىپ، ىندەتتەن ساقتانۋ – تىزگىندەۋ قىزمەتىنە تەكسەرۋ جۇرگىزدى. وسى رەتكى تەكسەرۋ مەزگىلىندە، باس شۋجي شي جينپيڭنىڭ ماڭىزدى بايانداۋلارى قايسىلار؟ حالىق تورابى جۇڭگو كوممۋنيستىك پارتياسى اقپارات تورابى سىزدەرگە جيناقتاپ كورسەتەدى.
شي جينپيڭ ۋحان حالقىنا بىلاي دەدى:
● ۋحان حالقى زور جاعدايدى تانىپ جەتىپ، جالپى جاعدايمەن ساناسىپ، جاپا – ماشاحاتتان تايسالماي، قايسارلىق تانىتىپ، ىندەتتەن ساقتانۋ – تىزگىندەۋ جالپى جاعدايىنىڭ قاجەتىنە سانالىلىقپەن بويسۇنىپ، ىندەتتەن ساقتانۋ – تىزگىندەۋ كۇرەسىنە ىرىقتىلىقپەن اتسالىستى، اسا زور ۇلەس قوستى، بۇكىل ەلىمىزدەگىلەر مەن دۇنيە جۇزىندەگىلەر ۋحان حالقىنىڭ قاجىرلى، اسىل قاسيەتىن ايقىن كورە الدى.
● ۋحان ايتسا ايتقانداي باتىر قالا، ۋحان حالقى ايتسا ايتقانداي باتىر حالىق، وسى جولى جاڭا تيپتى ايدارشا ۆيروس وكپە قابىنۋ ىندەتىمەن كۇرەستىڭ جەڭىسىنە قول جەتكىزۋ ارقىلى تاريحقا پاراعىنا تاعى ءبىر رەت جازىلارى ءشۇباسىز! بۇكىل پارتياداعىلار مەن بۇكىل ەلىمىزدەگى ءار ۇلت حالقى سىزدەر ءۇشىن اسەرلەنىپ، سىزدەرگە ماداق ايتادى! پارتيا مەن حالىق ۋحان حالقىنا راقىمەت ايتادى!
شي جينپيڭ ءبىرىنشى شەپتەگى قالىڭ ەمدەۋ قىزمەتكەرلەرىنە بىلاي دەدى:
● ارميانىڭ ەمدەۋ قىزمەتكەرلەرى ارميامىزدىڭ باستى ماقساتىن ەستە بەرىك ساقتاپ، شاقىرسا دايىن بولىپ، جەتە سالىسىمەن شايقاسقا كىرىسىپ، شايقاسقان سايىن جەڭىسكە جەتىپ، پارتيا تۋى مەن مەملەكەت تۋىنىڭ اجارىن ارتتىردى. «اۋمالى – توكپەلى زامان بولسا، ەردىڭ ەرلىگى سىنالادى» دەگەندەي، سىزدەر قازالىعا سۇيەنىش، جارالىعا جاردەمشى بولىپ، شەكسىز سۇيىسپەنشىلىكتى ايگىلەدىڭىزدەر. سىزدەر ساۋلەلى ءۇمىتتىڭ ەلشىسىسىزدەر، ەڭ سۇيىكتى پەرىشتەسىزدەر. ناعىز باتىرسىزدار! پارتيا مەن ۇكىمەت سىزدەرگە العىس ايتادى!
● ءبىرىنشى شەپتەگى ەمدەۋ قىزمەتكەرلەرى ەڭ جاپالى قىزمەت اتقاردى، فيزولوگيالىق جانە پسيحيكالىق جاقتا ادام ويلاپ جەتپەس قىسىمدارعا توتەپ بەردى، كوپتەگەن جولداستاردىڭ ويىلىپ كەتكەن ءجۇزى مەن قولىنان اققان قان ادامدى اسەرلەندىرەدى، سىزدەر جاڭا داۋىردەگى ەڭ سۇيىكتى جاندارسىزدار.
شي جينپيڭ ەمدەلىپ جاقتان ناۋقاستارعا بىلاي دەدى:
● بۇكىل ەل حالقى سىزدەرگە كوڭىل ءبولىپ، نازار اۋدارىپ وتىر. ەمدەۋ قىزمەتكەرلەرى كوپشىلىكتى ەمدەۋگە بار كۇشىن سارقا جۇمساپ، ءارقايسى جاقتار جۇعىمدالعان جۇرتشىلىققا جان – جاقتىلى كوڭىل بولۋدە، ولاردىڭ وتباسىنداعىلارعا ويداعىداي قامقورلىق جاساپ، ناۋقاستاردىڭ الاڭسىز ەمدەلۋىنە وراي جاراتۋدا.
● كوپشىلىك جەڭىسكە ءسوزسىز جەتەمىز دەگەن سەنىم ورناتۋى، ۇمىتكەرلىكپەن العا ۇمتىلاتىن رۋحاني كۇيدى ساقتاپ، شيپاگەرلەردىڭ كەڭەسىنە قۇلاق اسۋى، ەمدەۋگە بەلسەندى سايكەسۋى كەرەك، بۇل ناۋقاستى جەڭىپ شىعۋعا كومەگىن تيگىزەدى.
شي جينپيڭ الەۋمەتتىك اۋماق قىزمەتكەرلەرى، نەگىزگى ساتىداعى حالىق ساقشىلارى، دەنساۋلىق ساقتاۋ قىزمەت وتەۋ پۋنكتىندەگى شيپاگەرلەر، تومەنگە تۇسكەن كادرلەرى، ەرىكتىلەر قاتارلىلارعا بىلاي دەدى:
● الەۋمەتتىك اۋماق قىزمەتكەرلەرى ىندەتتەن ساقتانۋ – تىزگىندەۋدىڭ ەڭ الدىڭعى شەبىندە اسا اۋىر مىندەتتەردى ارقالادى، الەۋمەتتىك اۋماقتىڭ ىندەتتەن – ساقتانۋ قىزمەتىنە قاتىناسقان جولداستاردىڭ قىزمەتى وتە جاپالى.
● كوپشىلىك كۇن – ءتۇن دەمەي جۇمىس ىستەپ، جاپا – ماشاقاتپەن ەڭبەك ەتىپ، ءۇن – ءتۇنسىز ۇلەس قوستى، جۇرتشىلىققا شىن جۇرەكتەن قىزمەت ەتتى، ىندەتتىڭ تارالۋىنىڭ الدىن الىپ، جۇرتشىلىقتىڭ تۇرمىسىن قامتاماسىزداندىرۋ ءۇشىن زور ۇلەس قوسىپ، ۋحانداعى پارتيا مۇشەلەرى مەن كادرلاردىڭ قۇربان بەرۋدەن تايسالمايتىن، باتىلدىقپەن مىندەت ارقالايتىن، جالپى جاعدايمەن ساناساتىن، ءوزىن ارناۋعا دايىن رۋحاني بەينەلەرىن ايگىلەدى.
شي جينپيڭ ءار دارەجەلى پارتيا ۇيىمدارى مەن قالىڭ پارتيا مۇشەلەرىنە، كادرلارعا بىلاي دەدى:
● پارتيامىز ىشكى دۇربەلەڭ مەن سىرتقى الاساپىران جاعداي ىشىندە ومىرگە كەلگەن، جاپا – ماشاحات پەن كەدەرگىلەر بارىسىندا ەسەيگەن، قيىندىقتاردى ەڭسەرۋ بارىسىندا زورايعان. كۇرەس جاساۋعا، جەڭىسكە جەتۋگە باتىل بولۋ _ جۇڭگو كوممۋنيستەرىنىڭ ساياسي قاسيەتى، سونىمەن بىرگە، ءبىزدىڭ ساياسي ارتىقشىلىعىمىز.
● ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىكتى ارقالاپ، سىناقتارعا توتەپ بەرۋى كەرەك، وسىنداي زور سىناقتارعا ءدوپ كەلگەندە جاۋاپكەرشىلىكتى ارقالايتىن باتىلدىعىمىزدى شىڭاپ، عىلىمي جولمەن تىزگىندەۋ – ساقتانۋ تانىمىمىزدى جوعارىلاتىپ، ءبىرتۇتاس جوسپارلاپ، بارلىعىن ويلاستىرۋداعى ءادىس - امالىمىزدى بايىتىپ، ۇيىمداستىرۋ جانە اتقارۋ قۋاتىمىزدى ارتتىرۋىمىز كەرەك، ءوز جاۋاپكەرشىلىگىمىزدى ءبىلىپ، ءوز جاۋاپكەرشىلىگىمىزدى ويداعىداي اتقارۋىمىز كەرەك.
شي جينپيڭ ىندەتتەن ساقتانۋ – تىزگىندەۋ قىزمەتىنە تاعى دا ماڭىزدى ورنالاستىرۋ جاسادى:
● ەمدەۋ قىزمەتىن باستى ورىنعا قويىپ، عىلىمي جولمەن، دالمە – ءدال ەمدەۋ جاعىنا كۇش سالىپ، ەمدەپ جازۋ مولشەرىن ەڭ جوعاى دەڭگەيگە جەتكىزۋ، ءولىم – ءجىتىم مولشەرىن ازايتۋ كەرەك.
● ىندەتتەن ساقتانۋ – تىزگىندەۋ توسقاۋىل شايقاسىنىڭ جەڭىسىنە قول جەتكىزۋدىڭ ءتۇيىنى «ساقتانۋدا». قازىر شەشۋشى ساتكە قادام تاستادىق، ءسوزسىز، بار كۇشىمىزبەن تاباندىلىق كورسەتۋىمىز كەرەك. حالىق جۇرتشىلىعىنا تىعىز سۇيەنىپ، حالىق جۇرتشىلىعىن تولىق اتتانىسقا كەلتىرىپ، جۇرتشىلىقتىڭ وزىنە – ءوزى قىزمەت ەتۋ، ءوزىن – ءوزى ساقتاندىرۋ قۋاتىن جوعارىلاتۋىمىز كەرەك. تولىق مازمۇنىن تومەندەگى ادىرىستەن كورىڭىز:
http://cpc.people.com.cn/n1/2020/0311/c164113-31626540.html
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
