شي جينپيڭ 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ جونىندەگى ەرەكشە سامميتىنە قاتىناستى ءارى ماڭىزدى ءسوز سويلەدى
2020.03.27 18:08 كەلۋ قاينارى : حالىق تورابى
حالىقارالىق بىرلەسىپ ساقتانۋ، بىرلەسىپ تىزگىندەۋ قيمىلىن ءونىمدى ورىستەتىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ دۇنيە جۇزىلىك توسقاۋىل شايقاسىن باتىل ويداعىداي جۇرگىزۋدى دارىپتەدى، ماكرولىق ەكونوميكا ساياساتىن سايكەستىرۋدى كۇشەيتىپ، دۇنيە ءجۇزى ەكونوميكاسىنىڭ قۇلدىراۋعا بەت الۋىنان ساقتانۋعا ۇندەدى، ۋاڭ حۋنيڭ سەرىك بولىپ قاتىناستى
«حالىق گازەتى»، 3 - ايدىڭ 26 - كۇنى، بەيجيڭ (ءتىلشى ۋاڭ يۋان). مەملەكەت ءتوراعاسى شي جينپيڭ 3 - ايدىڭ 26 - كۇنى كەشتە بەيجيڭدە 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ جونىندەگى ەرەكشە سامميتىنە قاتىناستى ءارى «تىزە قوسا وتىرىپ ىندەتپەن كۇرەسىپ، قيىنشىلىقتى بىرگە جەڭەيىك» دەگەن تاقىرىپتا ماڭىزدى ءسوز سويلەدى. شي جينپيڭ مىنالاردى دارىپتەدى: توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، جۇڭگو ۇكىمەتى، جۇڭگو حالقى حاۋىپ ـ قاتەردەن تايسالماي، حالىقتىڭ باس اماندىعى مەن دەنساۋلىعىن باستان ـ اياق ءبىرىنشى ورىنعا قويىپ، سەنىمدى بەكەمدەۋ، تار جول، تايعاق كەشۋدەن بىرگە ءوتۋ، عىلمي جولمەن ساقتانۋ، دالمە ـ ءدال شارا قولدانۋ جالپى تالابى بويىنشا، جالپى حالىقتى اتتانىسقا كەلتىرۋدە، بىرلەسىپ ساقتانۋدا، بىرلەسىپ تىزگىندەۋدە، جاريالى بولۋدا تاباندى بولىپ، ىندەتپەن كۇرەسۋدىڭ حالىقتىق شايقاسىن باستادى. قاجىرلىلىقپەن قۇلشىنىپ، وراسان زور بوداۋ بەرۋ ارقىلى قازىر جۇڭگونىڭ ەل ىشىندەگى ىندەتتەن ساقتانۋ - تىزگىندەۋ جاعدايى ۇزدىكسىز جاقسارىپ، ءوندىرىس، تۇرمىس ءتارتىبى جەدەل قالپىنا كەلدى، ءبىراق قىراعىلىقتى تيتتەي دە بوساڭسىتۋىمىزعا بولمايدى. قازىر ىندەت بۇكىل دۇنيە جۇزىندە ەتەك الۋدا، حالىقارالىق قوعام سەنىمدى بەكەمدەپ، ىنتىماقتاسا توتەپ بەرىپ، ادامزاتتىڭ اۋىر تارالمالى اۋرۋمەن كۇرەسىنىڭ جەڭىسىنە تىزە قوسا قول جەتكىزۋى كەرەك. جۇڭگو ادامزاتتىڭ تاعدىرلاس ورتاق تۇلعاسى ۇستانىمىن باسشىلىققا الىپ، باسقا ەلدەرگە شاماسىنىڭ كەلىسىنشە قول ۇشىن بەرىپ، دۇنيە ءجۇزى ەكونوميكاسىنىڭ ورنىقتىلىعىنا ۇلەس قوسۋدى قالايدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماجىلىسكە بىرگە قاتىناستى.
شي جينپيڭ اۋەلى مىنانى ءبىلدىردى: جۇڭگو ەڭ اۋىر قيىن - قىستاۋعا ءدوپ كەلگەن كەزدە، حالىقارالىق قوعامنىڭ كوپتەگەن مۇشەسى جۇڭگو جاققا شىنايى كومەكتەسىپ، قولداۋ كورسەتتى، ءبىز وسى دوستىقتى ماڭگى قاستەرلەيمىز.
شي جينپيڭ مىنانى اتاپ كورسەتتى: اۋىر تارالمالى اۋرۋ − بۇكىل ادامزاتتىڭ جاۋى. جاڭا تيپتى ايدارشا ۆيرۋس وكپە قابىنۋ ىندەتى بۇكىل جەر شارىندا ەتەك الىپ، حالىقتىڭ باس اماندىعى مەن دەنساۋلىعىنا وراسان زور قاتەر ءتوندىرىپ، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىنە وراسان زور سايىس تۋدىردى. شي جينپيڭ ءماجىلىستىڭ كەڭەستىك تاقىرىبى جونىندە 4 دارىپتەمەنى العا قويدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
