لي كىچياڭ ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ ءماجىلىسىن باسقارىپ اشتى
ساقتانۋ - تىزگىندەۋدىڭ ونىمدىلىگىن بەكەمدەۋدەگى ءتۇرلى قىزمەتتى ويداعىداي يگەرىپ، اۋرۋ بەلگىسى جوق جۇعىمدالۋشىلارعا قاراتىلعان ساقتانۋ - تىزگىندەۋدى كورنەكتىلەندىرە وتىرىپ ويداعىداي ىستەۋدى تالاپ ەتتى
ۋاڭ حۋنيڭ ماجىلىسكە قاتىناستى
2020.03.31 16:58 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 30 - كۇنى، بەيجيڭ. 3 - ايدىڭ 30 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ باستىعى لي كىچياڭ باسشىلىق ەتۋ گرۋپپاسىنىڭ ءماجىلىسىن باسقارىپ اشتى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسى باستىعىنىڭ ورىنباسارى ۋاڭ حۋنيڭ ماجىلىسكە قاتىناستى.
ماجىلىستە مىنالار اتاپ كورسەتىلدى: باس شۋجي شي جينپيڭ باسقارىپ اشقان ورتالىق كوميتەت ساياسي بيۋروسى ءماجىلىسىنىڭ رۋحىن مۇقيات دايەكتىلەندىرىپ، ورتالىقتىڭ ىندەتكە توتەپ بەرۋ قىزمەتىنە باسشىلىق ەتۋ گرۋپپاسىنىڭ ورنالاستىرۋى بويىنشا، ەل ءىشى - سىرتىنداعى ىندەتتەن ساقتانۋ - تىزگىندەۋ جاعدايىنداعى جاڭا كەلەلى وزگەرىستەرگە مەڭزەس، شۇعىل توتەپ بەرۋ شارالارى مەن ۇدايىلانعان ساقتانۋ - تىزگىندەۋدى ۇشتاستىرىپ، ساقتانۋ - تىزگىندەۋ تاكتيكاسى مەن توتەپ بەرۋ شارالارىن دەر كەزىندە كەمەلدەندىرىپ، اۋرۋ بەلگىسى جوق جۇعىمدالۋشىلارعا قاراتىلعان ساقتانۋ - تىزگىندەۋ قىزمەتىن اناعۇرلىم ويداعىداي ىستەپ، ەكونوميكالىق، قوعامدىق دامۋدىڭ ەرتەرەك قالىپتى ارناعا ءتۇسۋىن ىلگەرىلەتۋ كەرەك.ماجىلىستە مىنالار اتاپ كورسەتىلدى: قازىر ەلىمىز شەكاراسى ىشىندەگى ىندەتتەن ساقتانۋ - تىزگىندەۋ اۋقىمى ۇزدىكسىز بەكەمدەلدى، جۇمىستى، ءوندىرىس قالپىنا كەلتىرۋ بەلسەندى، ءتارتىپتى ىلگەرىلەتىلدى، ناتيجە وڭاي - وسپاق قولعا كەلگەن جوق. الايدا، دۇنيە ءجۇزى بويىنشا ىندەت كەڭ تارالۋ كەزەڭىندە تۇر، ءارقانداي ەلدىڭ ءوز باسىن عانا كۇيتتەۋىنە بولمايدى. شىندىقتى ءىس جۇزىنەن ىزدەي وتىرىپ، ىندەت جاعدايىنا عىلمي تۇجىرىم جاساپ، وي - سانانى سەرگەك ۇستاپ، ەلىمىزدىڭ ىندەتتەن ساقتانۋ - تىزگىندەۋدە ءدوپ كەلگەن حاۋىپ - قاتەر قىسىمى مەن قىزمەتتىڭ جاپالىلىعىن تولىق تانۋ كەرەك. سالماقتى ناۋقاستاردى ەمدەۋ، ەمحانادان شىققان ناۋقاستاردى 14 كۇن اۋاشالاۋ جانە 28 كۇنگە دەيىن جاعداي ۇعىسىپ تۇرۋ سياقتى قىزمەتتەردى ۇزدىكسىز جاقسى ىستەپ، ەمدەۋ قۇرىلىمدارىنىڭ قىزعان ناۋقاستاردى ەمدەۋ امبۋلاتورياسىنىڭ قاتىستى ناۋقاستاردى باقىلاۋ - ولشەۋىن جانە جۇقپالى اۋرۋلاردى توراپتا تىكە مالىمدەۋىن كۇشەيتىپ، «تورتتە ەرتە بولۋدى» ورىنداۋ كەرەك. جەر - جەر ينفورماتسيانى اشىق جاريالاۋدا تاباندى بولىپ، نولدىك مالىمەتكە بوي ۇرىپ مالىمدەمەي قويۋعا، جاسىرىپ قويۋعا جول بەرمەۋ كەرەك، بۇل ءارى جۇرتشىلىقتى ويداعىداي قورعانۋعا جەتەكتەۋگە، ءارى جۇمىستى، ءوندىرىستى قالپىنا كەلتىرۋدى بەلسەندى، ءتارتىپتى ىلگەرىلەتۋگە ءتيىمدى. ىندەتتىڭ شەكارادان كىرىپ - شىعۋىنان ساقتانۋدى ۇزدىكسىز ويداعىداي ىستەۋ كەرەك. تەكسەرۋ - ولشەۋ قۋاتىن نىعايتىپ، جابدىق - قۇرىلعىلاردى كەمەلدەندىرىپ، شەكارادان كىرگەن بارلىق ادامعا نۋكلەين قىشقىلى تەكسەرۋىن جۇرگىزىپ، سىرتتان كىرۋدەن باتىل ساقتاۋ كەرەك. ەلشىحانالار، كونسۋلحانالار جانە قاتىستى تاراۋلار ەلىمىزدىڭ شەكارا سىرتىنداعى ازاماتتارىنا قاراتىلعان كونسۋلدىق قورعاۋدى، قورعانۋ جەتەكشىلىگىن جانە زاتتىق قامتاماسىزداندىرۋدى ويداعىداي ىستەپ، ولاردىڭ باس اماندىعى مەن دەنساۋلىعىن قورعاۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
