شي جينپيڭ جىجياڭدا قىزمەت تەكسەرگەندە مىنانى دارىپتەدى
ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، بيىلعى ەكونوميكالىق، قوعامدىق دامۋدىڭ نىسانالىق مىندەتتەرىن قۇلشىنا جۇزەگە اسىرۋ كەرەك
2020.04.02 17:50 كەلۋ قاينارى : حالىق تورابى
«حالىق گازەتى»، 4 - ايدىڭ 1 – كۇنى، حاڭجوۋ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا جىجياڭدا قىزمەت تەكسەرگەندە مىنالاردى دارىپتەدى: پارتيا ورتالىق كوميتەتىنىڭ ءتۇرلى شەشىمدەرى مەن ورنالاستىرۋلارىن جاپپاي دايەكتىلەندىرىپ، جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن، جاڭا دامۋ ۇستانىمىنان، «ەكى سەگىز ستراتەگياسىن» ءبىر تۇتاس باسشىلىققا الۋدان جازباي، ناقتى ءىس ىستەپ، الدىڭعى لەكتە ءجۇرىپ، باتىلدىقپەن العا ۇمتىلىپ، ىندەتتەن ساقتانۋ - تىزگىندەۋ جانە جۇمىستى، ءوندىرىستى قالپىنا كەلتىرۋ شارالارىن دالمە - ءدال تياناقتاندىرىپ، بيىلعى ەكونوميكالىق، قوعامدىق دامۋدىڭ نىسانالىق مىندەتتەرىن قۇلشىنا جۇزەگە اسىرىپ، جاڭا داۋىردە جۇڭگوشا سوتسياليستىك ءتۇزىمنىڭ ابزالدىعىن جاپپاي ايگىلەيتىن ماڭىزدى ۇلگىلىك ورىن قۇرۋعا قۇلشىنۋ كەرەك.
كوكتەم ساتىندە جىجياڭنىڭ بايتاق دالاسى ماساتىداي قۇلپىرىپ، جاسىل جەلەك جامىلعان. 3 - ايدىڭ 29 - كۇنىنەن 4 - ايدىڭ 1 - كۇنىنە دەيىن شي جينپيڭ جىجياڭ ولكەلىك پارتكومنىڭ شۋجيى چى جۇن مەن ولكە باستىعى يۋان جياجۇننىڭ سەرىك بولۋىندا ىلگەرىندى - كەيىندى نيڭبو، حۋجوۋ، حاڭجوۋ سياقتى جەرلەرگە بارىپ، كەمەجاي، كاسىپورىن، اۋىل - قىستاق، ەكولوگيالىق سازدىق سياقتىلاردى ارالاپ، جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە تەكسەرۋ - زەرتتەۋ جۇرگىزدى.
3 - ايدىڭ 29 - كۇنى شي جينپيڭ نيڭبو جوۋشان كەمەجايىنىڭ چۋانشان كەمەجاي رايونىن كوزدەن كەشىردى. چۋانشان كەمەجاي رايونى شارا قولدانىپ ءوندىرىستى ەرتە قالپىنا كەلتىرگەن بولاتىن، كەمەجايدىڭ قابىلداۋ - جونەلتۋ مولشەرى بىرتىندەپ داعدىلى ورەگە جەتكەن. كاسىپتىك سايكەستىرۋ زالىندا شي جينپيڭ كەمەجاي رايونىنىڭ جاعدايى مەن جۇمىستى، ءوندىرىستى قالپىنا كەلتىرۋ جاعدايى جونىندەگى مالىمەتتى تىڭدادى. 1 - قاباتتاعى زالدا شي جينپيڭ كەمەجاي جۇمىسشى - قىزمەتكەرلەرىنىڭ ۋاكىلدەرىمەن ىقىلاسپەن اڭگىمەلەسىپ، ولاردان حال سۇرادى. شي جينپيڭ مىنالاردى دارىپتەدى: نيڭبو جوۋشان كەمەجايى ءوندىرىستى الدىمەن قالپىنا كەلتىرىپتى، بۇل ەلىمىز كاسىپورىندارىنىڭ جۇمىستى، ءوندىرىستى قالپىنا كەلتىرۋىندە، زات اينالىمى جۇيەسىن قالپىنا كەلتىرۋىندە، دۇنيە جۇزىلىك كاسىپ تىزبەگىن قالپىنا كەلتىرۋىندە ماڭىزدى مانگە يە. ەرتە باستان قامدانىپ، شەكارا سىرتىنداعى ىندەت جاعدايىنا نازار اۋدارىپ، ىندەتتەن ساقتانۋ - تىزگىندەۋدى قاجىماي - تالماي ويداعىداي يگەرۋمەن بىرگە، ءار ەلدىڭ ىندەت جاعدايىندا قولدانعان ءتۇرلى شەكتەۋ شارالارىنىڭ زات تاسىمالىنا جاسايتىن ىقپالىنا بەلسەنە توتەپ بەرىپ جانە ونى شەشىپ، ەلىمىزدىڭ ەكسپورت ەتىلەتىن زاتتاردى شىعارۋىن، يمپورت ەتىلەتىن زاتتاردى ەنگىزۋىن جەبەۋ كەرەك. شي جينپيڭ ولاردىڭ ىندەتتىڭ ىقپالىن قۇلشىنا جەڭىپ، ۇزدىك ناتيجەلەرگە قول جەتكىزۋىن ءۇمىت ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
