شي جينپيڭ ءوندىرىس حاۋىپسىزدىگى جونىندە ماڭىزدى نۇسقاۋ بەرىپ بىلاي دەپ دارىپتەدى
حاۋىپسىز دامۋ ۇستانىمىن بەرىك ورناتىپ، ءوندىرىس حاۋىپسىزدىگىن باقىلاپ - باسقارۋدى كۇشەيتىپ، حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن شىنايى قورعاۋ كەرەك
لي كىچياڭ بەكىتۋ جازدى
2020.04.13 16:31 كەلۋ قاينارى : حالىق تورابى
«حالىق گازەتى»، 4 - ايدىڭ 10 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ءوندىرىس حاۋىپسىزدىگى جونىندە ماڭىزدى نۇسقاۋ بەرىپ بىلاي دەپ دارىپتەدى: قازىر بۇكىل ەلدە جۇمىس، ءوندىرىس قالپىنا كەلۋدە، ءوندىرىس حاۋىپسىزدىگىن باقىلاپ - باسقارۋدى كۇشەيتىپ، وڭىرگە، تۇرگە ءبولىپ حاۋىپسىزدىك بويىنشا باقىلاۋ - باسقارۋدى، زاڭ اتقارۋدى كۇشەيتىپ، كاسىپورىنداردىڭ تۇلعالىق جاۋاپكەرلىگىن تياناقتاندىرۋدى نىعايتىپ، ءوندىرىس حاۋىپسىزدىگىنىڭ تومەنگى شەگىن مىقتاپ ساقتاپ، حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن شىنايى قورعاۋ كەرەك.
شي جينپيڭ بىلاي دەپ اتاپ كورسەتتى: 2019 - جىلداعى جاعدايدان قاراعاندا، بۇكىل ەلدەگى ءوندىرىس حاۋىپسىزدىگى شىرعالاڭىنىڭ جالپى سانى، ءبىرشاما ۇلكەن شىرعالاڭ جانە اۋىر، ەرەكشە ءىرى شىرعالاڭداردىڭ ازايۋى سىندى «ءۇشتىڭ ۇزدىكسىز تومەندەۋى» جۇزەگە اسىپ، ءوندىرىس حاۋىپسىزدىگى جاعدايى اناعۇرلىم جاقسارعان، ءبىراق حاۋىپ، كومەسكى قاتەر ءالى دە كوپ، بۇل جاعىندا ىستەۋگە ءتيىستى ءبىرسىپىرا قىزمەت بار.
شي جينپيڭ بىلاي دەپ دارىپتەدى: ءومىر بارىنەن دە قاستەرلى. ءار دارەجەلى پارتكومدار مەن ۇكىمەتتەر، ءسوز جوق، ءوندىرىس حاۋىپسىزدىگىن ماڭىزدى ورىنعا قويىپ، حاۋىپسىز دامۋ ۇستانىمىن بەرىك ورناتۋى كەرەك، دامۋعا عانا ءمان بەرىپ، حاۋىپسىزدىكتى ەسكەرۋسىز قالدىرۋعا استە بولمايدى، ونى وزىنە قاتىسسىز ءىس دەپ قاراپ، فورماشىلدىق، تورەشىلدىك ىستەۋگە تىپتەن بولمايدى. ءوندىرىس حاۋىپسىزدىگى شىرعالاڭدارىنىڭ باستى ەرەكشەلىكتەرىنە جانە كورنەكتى ماسەلەلەرگە باعىتتاي وتىرىپ، جاۋاپكەرلىكتى ساتىلار بويىنشا قاتايتىپ، رەتتەۋ - تۇزەتۋدى، تياناقتاندىرۋدى مىقتاپ يگەرىپ، حاۋىپ - قاتەردەن ساقتانۋ - تىزگىندەۋدى كۇشەيتىپ، شىرعالاڭداردىڭ كومەسكى قاتەرىن تۇبىرىنەن جويىپ، اۋىر، ەرەكشە ءىرى شىرعالاڭداردىڭ تۋىلۋىن ءونىمدى تەجەۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ بىلاي دەپ اتاپ كورسەتتى: قازىرگى تاڭدا بۇكىل ەل جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى جانە جۇمىستى، ءوندىرىستى قالپىنا كەلتىرۋدى ءبىر تۇتاس جوسپارلاپ ىلگەرىلەتۋدىڭ شەشۋشى كەزەڭىندە تۇر، ءوندىرىس حاۋىپسىزدىگى تانىمى مەن قىزمەتىن تيتتەي دە بوساڭسىتۋعا بولمايدى. وڭىرلەر، قاتىستى تاراۋلار جانە ورىندار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، تياناقتاندىرىپ، حاۋىپسىز دامۋ ۇستانىمىن بەرىك ورناتىپ، جاۋاپكەرلىكتى ساتىلار بويىنشا قاتايتىپ، ءتۇرلى سالالار مەن بۋىندارداعى ءوندىرىس حاۋىپسىزدىگى كومەسكى قاتەرلەرىن ىشكەرىلەي اداقتاپ تەكسەرىپ، ءوندىرىس حاۋىپسىزدىگى بويىنشا ارناۋلى رەتتەۋ - جونگە سالۋدىڭ 3 جىلدىق ارەكەتىن جالپى بەتتىك ورىستەتىپ، جۇيەلى جونگە سالۋدا، دالمە - ءدال شارا قولدانۋدا تاباندى بولىپ، قاتەرلى حيميالىق بۇيىمدار، تاۋ - كەن، قاتىناس - تاسىمال، ونەركاسىپ باقشاسى، قالا قۇرىلىسى، قاتەرلى قوقسىقتار سياقتى ءتۇيىندى سالالارداعى حاۋىپسىزدىكتى رەتتەۋ - جونگە سالۋدى تىڭعىلىقتى ىلگەرىلەتىپ، ناقتى ناتيجەگە جەتۋگە شىنايى كەپىلدىك ەتۋ؛ ءوندىرىس حاۋىپسىزدىگى جاۋاپكەرلىگى جانە باسقارۋ ءتۇزىمى جۇيەسىن، كومەسكى قاتەرلەردى اداقتاپ تەكسەرۋ جانە حاۋىپ - قاتەردەن ساقتانۋ - تىزگىندەۋ جۇيەسىن جەدەل ورناتىپ، اقاۋسىزداندىرىپ، باقىلاۋ - باسقارۋدى، زاڭ اتقارۋدى جانە حاۋىپسىزدىك بويىنشا قىزمەت وتەۋدى كۇشەيتىپ، اۋىر، ەرەكشە ءىرى شىرعالاڭداردىڭ تۋىلۋىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
