بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

جۇڭگو مەن زيمبابۆەنىڭ ديپلوماتيالىق قارىم - قاتىناس ورناتقانىنىڭ 40 جىلدىعىنا بايلانىستى

شي جينپيڭ مەن زيمبابۆەنىڭ پرەزيدەنتى منانگاگۋا ءوزارا قۇتتىقتاۋ تەلەگرامماسىن جولدادى

2020.04.20 16:53     كەلۋ قاينارى : حالىق تورابى

  شينحۋا اگەنتتىگى، 4 - ايدىڭ 18 - كۇنى، بەيجيڭ. 4 - ايدىڭ 18 - كۇنى مەملەكەت ءتوراعاسى شي جينپيڭ مەن زيمبابۆەنىڭ پرەزيدەنتى منانگاگۋا ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 40 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: ديپلوماتيالىق قاتىناس ورناتقان 40 جىلدان بەرى جۇڭگو مەن زيمبابۆە باستان - اياق ءبىر - بىرىنە سەنىم ارتىپ، ءوزارا قولداۋ كورسەتتى، ەكى جاقتى قاتىناس ۋاقىت پەن حالىقارالىق اۋقىم وزگەرىسىنىڭ سىنىنان سۇرىنبەي ءوتتى. پرەزيدەنت منانگاگۋا ەكەۋىمىز جۇڭگو مەن زيمبابۆەنىڭ جان - جاقتى ستراتەگيالىق سەلبەستىك ارىپتەستىك قاتىناسىن ورناتۋ جانە دامىتۋ جونىندە ماڭىزدى ورتاق تانىمعا كەلدىك. مەن جۇڭگو - زيمبابۆە قاتىناسىنىڭ دامۋىنا ايرىقشا ءمان بەرەمىن، پرەزيدەنت منانگاگۋامەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 40 جىلدىعىن وراي ەتىپ، «ءبىر بەلدەۋ، ءبىر جولدى» بىرگە قۇرۋدى ىلگەرىلەتۋدى، جۇڭگو - افريكا سەلبەستىك فورۋمى بەيجيڭ ءسامميتىنىڭ ناتيجەلەرىن تياناقتاندىرۋدى زيمبابۆەنىڭ «2030 – جىلعا دەيىنگى جوسپاردى» جۇزەگە اسىرۋىمەن تىعىز ۇشتاستىرىپ، ءارقايسى سالاداعى ناقتى سەلبەستىكتى كەڭەيتىپ، ءبىر - ءبىرىمىزدىڭ وزەكتى مۇددەمىزگە ساياتىن جانە ءجىتى قاداعالاپ وتىرعان ەلەۋلى ماسەلەلەردە اناعۇرلىم پارمەندى قولداۋ كورسەتۋدى قالايمىن. قازىر جۇڭگو جاق زيمبابۆە جاقپەن سەلبەستىكتى كۇشەيتىپ، ۋاقىتتىق قيىندىقتى بىرگە جەڭىپ، جاڭا تيپتى ايدارشا ۆيرۋس وكپە قابىنۋ ىندەتىن قول ۇستاسا ەڭسەرۋدى قالايدى.

  منانگاگۋا قۇتتىقتاۋ تەلەگرامماسىندا مىنالاردى ءبىلدىردى: وتكەن 40 جىلعا قايىرىلا قاراساق، ادالدىق، ىنتىماق، تەڭ يگىلىكتەنۋ، ءوزارا سەنىم ارتۋ − زيمبابۆە - جۇڭگو ەكى ەلدىڭ باۋىرلاستىق دوستىق سۇيىسپەنشىلىگى مەن جوعارى دەڭگەيدەگى قارىم - قاتىناسىنىڭ كورنەكتى ەرەكشەلىگى بولدى. زيمبابۆە ءبىر جۇڭگو ساياساتىن اتقارۋدان جازبايدى، «ءبىر بەلدەۋ، ءبىر جولدى» بىرگە قۇرۋ باستاماسىنا بەلسەنە ات سالىسادى. زيمبابۆە جاق ەكى ەلدىڭ جان - جاقتى ستراتەگيالىق سەلبەستىك ارىپتەستىك قاتىناسىن ىشكەرىلەي دامىتۋدى ۇزدىكسىز تاباندىلىقپەن ىلگەرىلەتەدى. جاڭا تيپتى ايدارشا ۆيرۋس وكپە قابىنۋ ىندەتىنىڭ قاتاڭ سىناعى الدىندا زيمبابۆە جاق جۇڭگو جاقپەن ىنتىماقتاسۋدى، ءوزارا كومەكتەسۋدى كۇشەيتىپ، ىندەتتىڭ ەكى ەل سەلبەستىگىنە تۋدىرعان ىقپالىنا بىرگە توتەپ بەرۋدى قالايدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار