شينحۋا اگەنتتىگى، 4 - ايدىڭ 20 - كۇنى، بەيجيڭ (تىلشىلەر چۇي تيڭ، شيۇڭ فىڭ). تىلشىلەردىڭ 4 - ايدىڭ 20 - كۇنى اشىلعان مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىنەن ۇعىسۋىنشا، قازىر ەلىمىزدە ىندەتتىڭ قۇرلىق جولى شەكاراسىنان كىرۋ قىسىمى ءالى دە ارتىپ كەلەدى ەكەن، ءبىر قالادا ءبىر شارا قولدانۋدى شىن مانىندە ورىنداپ، ساقتانۋ - تىزگىندەۋ شارالارىنىڭ باعىتتامالىلىعىن كۇشەيتىپ، ءالسىز بۋىنداردى تولىقتاۋ قازىرگى شۇعىل مىندەتكە اينالعان.
قازىر حيلۇڭجياڭ ولكەسى سۇيفىنحى شەكارا وتكەلىندەگى ىندەتتىڭ كىرۋ قىسىمى جۇرت نازارىن اۋدارعان. مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسى باستىعىنىڭ ورىنباسارى جوۋ يۇيحۇي بىلاي دەدى: قازىرگى شۇعىل مىندەت شەكارا وتكەلى رايوندارىنىڭ ءىس جۇزىندىك جاعدايىنا نەگىزدەلىپ، باعىتتامالى ساقتانۋ، تىزگىندەۋ جوباسىن جاساپ جانە كەمەلدەندىرىپ، ءبىر قالادا ءبىر شارا قولدانۋدى شىن مانىندە ورىنداۋ بولىپ تابىلادى.
تانىستىرۋعا قاراعاندا، شەكارا وڭىردەگى شەكارا سىرتىنان كىرۋشىلەر ءبىرشاما كوپ وڭىرلەرگە جانە ساقتانۋ – تىزگىندەۋ نەگىزى ءبىرشاما ءالسىز وڭىرلەرگە قاراتا ولكە ىشىندەگى ەمدەۋ بايلىعىن رەتتەپ سەپتەۋ نەگىزىندە، مەملەكەت دەڭگەيىندە اۋرۋدى تىزگىندەۋ ماماندارى مەن ەمدەۋ ۇيىرمەلەرى تاڭداپ جىبەرىلىپ، ساقتانۋ – تىزگىندەۋ جوباسىن اناعۇرلىم كەمەلدەندىرۋگە كومەك كورسەتىلەدى ەكەن ءارى قاتىستى تاراۋلاردىڭ تەكسەرۋ – ولشەۋ، سىناق ءدارىسى، ەمدەۋ جابدىقتارى، سونداي – اق قورعانۋ ماتەريالدارى سياقتىلار جاعىنان قولداۋ كورسەتۋ تەبىنىن ارتتىرۋى بەلسەنە سايكەستىرىلىپ، وتكەلدى الدىعا جىلجىتۋ، شەكارادان كىرۋدى باسقارۋ – مەڭگەرۋ، الەۋمەتتىك اۋماقتاردى تەكسەرۋ، سونداي – اق امبولاتوريالىق باقىلاۋ – ولشەۋ، ەمدەۋ – قۇتقارۋ سىندى جالپىلىق تىزبەك بويىنشا جابىق باسقارۋ اۋقىمى شىنايى قالىپتاستىرىلادى ەكەن.
كەلۋ قاينارى: حالىق تورابى