حان چاڭفۋ: حالىقارالىق اۋىل شارۋاشىلىق ونىمدەرىمەن قامداۋ تىزبەگىنىڭ ورنىقتىلىعى مەن استىق حاۋىپسىزدىگىن قول ۇستاسا قورعاۋ كەرەك
2020.04.23 17:13 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 21 - كۇنى، بەيجيڭ (تىلشىلەر حۋ لۋ، يۇي ۋىنجيڭ). قازىر دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋ ىندەتى ءۇرتىس ءورشىپ كەلەدى، جۇڭگو اۋىل شارۋاشىلىعى، اۋىل – قىستاق مينيسترلىگىنىڭ مينيسترى حان چاڭفۋ 4 - ايدىڭ 21 - كۇنى مىنانى ءبىلدىردى: ورتاق داعدارىس بەرەكە – بىرلىكتە بولا وتىرىپ توتەپ بەرۋدى قاجەت ەتەدى. ول 20 ەل توبىن قول ۇستاسا وتىرىپ حالىقارالىق اۋىل شارۋاشىلىق ونىمدەرىمەن قامداۋ تىزبەگىنىڭ ورنىقتىلىعى مەن استىق حاۋىپسىزدىگىن قورعاۋعا ۇندەدى.
حان چاڭفۋ 4 - ايدىڭ 21 - كۇنى اشىلعان 20 ەل توبى اۋىل شارۋاشىلىعى مينيسترلەرىنىڭ ەرەكشە ماجىلىسىندە جوعارىداعى پايىمداۋىن ورتاعا قويدى.
«اۋىل شارۋاشىلىعى − ەكونوميكا مەن قوعامنىڭ ورنىقتىرعىشى، حاۋىپ - قاتەرگە قانشالىق ءدوپ كەلگەن سايىن، اۋىل شارۋاشىلىعىن سولعۇرلىم ورنىقتىرۋ كەرەك». ول بىلاي دەدى: ىندەتتەن ساقتانۋ - تىزگىندەۋ مەزگىلىندە جۇڭگو استىق جانە كوجە - قاتىق ونىمدەرىمەن تۇراقتى قامداۋعا كەپىلدىك ەتۋدى كۇشەيتتى، سونشاما كوپ ءىرى، ورتا قالالار كۇرىش، ۇن، ەت، جۇمىرتقا، جەمىس - جيدەك، كوكونىس، بالىق سياقتىلارمەن جەتكىلىكتى قامداۋدى، باعانىڭ ورنىقتى بولۋىن ورىنداي الدى. سونىمەن بىرگە، جۇمىستى، ءوندىرىستى قالپىنا كەلتىرۋدى تارتىپپەن ىلگەرىلەتىپ، كوكتەمگى اۋىل شارۋاشىلىق ءوندىرىسىنىڭ قالىپتى جۇرگىزىلۋىنە كەپىلدىك ەتتى، جۇڭگونىڭ اۋىل شارۋاشىلىعى وسى رەتكى سىننان ءوتتى.
حان چاڭفۋ حالىقارالىق اۋىل شارۋاشىلىق ونىمدەرىمەن قامداۋ تىزبەگىنىڭ ورنىقتىلىعى مەن استىق حاۋىپسىزدىگىن قول ۇستاسا قورعاۋعا ۇندەدى. ءبىرىنشى، اۋىل شارۋاشىلىق ءوندىرىسىن مىقتى يگەرىپ، اۋىل شارۋاشىلىق ءوندىرىس ءتارتىبىن كۇش سالا قالپىنا كەلتىرۋ، اسىرەسە، ەگىس داقىلدارىنىڭ ەگىس ۋاقىتىن اقساتپاي، ەگىس داقىلدارىنىڭ ءساتتى ەگىلۋىن قامتاماسىزداندىرۋ كەرەك. ەكىنشى، اۋىل شارۋاشىلىق ونىمدەرى ساۋداسىن ورنىقتىرىپ، ساۋدا شەكتەمەسىن ازايتىپ، استىق پەن ماڭىزدى اۋىل شارۋاشىلىق ونىمدەرىنىڭ حالىقارالىق زات اينالىمىن ىركىلىسسىزدەندىرىپ، اۋىل شارۋاشىلىق ونىمدەرى ساۋداسىنىڭ ءتارتىبى مەن بازار ورنىقتىلىعىن قورعاۋ كەرەك. ءۇشىنشى، كوپ جاقتى سەلبەستىكتى كۇشەيتىپ، ب م ۇ استىق، اۋىل شارۋاشىلىق ۇيىمى، دۇنيە جۇزىلىك استىق، جوسپار مەكەمەسى جانە حالىقارالىق اۋىل شارۋاشىلىعىن كوركەيتۋ قورى سياقتى حالىقارالىق ۇيىمداردىڭ رولىن ساۋلەلەندىرۋىنە قولداۋ كورسەتىپ، اۋىل شارۋاشىلىق ءوندىرىس ينفورماتسياسىنان ورتاق يگىلىكتەنۋدى، تاجىريبە اۋىستىرۋدى، تەحنيكالىق سەلبەستىكتى، ساياساتتىق سەلبەستىكتى كۇشەيتىپ، دۇنيە ءجۇزىنىڭ ىندەتكە قارسى تۇرۋىنا اۋىل شارۋاشىلىعى جاعىنان ءتيىستى ۇلەس قوسۋ كەرەك.
ول بىلاي دەدى: جۇڭگو ۇكىمەتى اۋىل شارۋاشىلىعىن باستان - اياق ەڭ ماڭىزدى ورىنعا قويىپ، ىندەتتەن ساقتانۋ - تىزگىندەۋ مەن اۋىل شارۋاشىلىق ءوندىرىسىن ءبىر تۇتاس جوسپارلاپ، اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتىن ۇزدىكسىز اتقارىپ، بيىلعى جىلى استىق پەن اۋىل شارۋاشىلىعىنان مول ءونىم الۋعا كۇش سالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
