سىرتقى ىستەر مينيسترلىگى: 5 ءىرى شارا ارقىلى شەتەلدەردەگى جۇڭگو ازاماتتارىنا كومەك بەرىلدى جانە قولداۋ كورسەتىلدى
2020.04.23 17:17 كەلۋ قاينارى : حالىق تورابى
حالىق تورابى، 4 - ايدىڭ 22 - كۇنى، بەيجيڭ. سىرتقى ىستەر مينيسترلىگى توراپ بەكەتىنىڭ حابارىنا قاراعاندا، سىرتقى ىستەر مينيسترلىگىنىڭ مالىمدەمەشىسى گىڭ شۋاڭ بۇگىنگى كەزەكتى تىلشىلەر ءماجىلىسىن باسقارىپ اشقان.
سىرتقى ىستەر مينيسترلىگى مەن ەلشىحانا، كونسۋلحانالار پارتيا ورتالىق كوميتەتىنىڭ شەشىم، ورنالاستىرۋلارىن باتىل، جان - جاقتى دايەكتىلەندىرىپ، تياناقتاندىرىپ، ءتۇرلى بايلىقتى تولىق جۇمىلدىرىپ، شەتەلدەردەگى جۇڭگو ازاماتتارىنا دەركەزىندە قولداۋ كورسەتكەن جانە كومەكتەسكەن، باستىسى مىناداي ءبىرقانشا جاقتاعى قىزمەتتى ىستەگەن:
ءبىرىنشى، ءوزى تۇرعان ەل ۇكىمەتىنىڭ ديپلوماتيا، دەنساۋلىق ساقتاۋ، وقۋ - اعارتۋ، ساقشى ىستەرى، كوشپەندىلەر سياقتى تاراۋلارىمەن تىعىز بايلانىس ورناتىپ، شەتەل جاقتىڭ ۆيزانىڭ ۋاقىتىن ۇزارتۋ، دياگنوز قويۋ، ەمدەۋ جانە حاۋىپسىزدىكتى قامتاماسىزداندىرۋ سياقتى جاقتاردا جۇڭگو ازاماتتارىنا قولايلىلىق جاراتۋىنا جانە كومەك بەرۋىنە سايكەستىرۋ قىزمەتى ىستەلدى.
ەكىنشى، كونسۋلدىق قورعاۋ، كومەك سۇراۋ تەلەفونىن كوبەيتۋ، ۋيچات توبىن اشۋ سياقتى تاسىلدەر ارقىلى شەتەلدەگى جۇڭگو ازاماتتارىنا ينفورماتسيالىق كەڭەس بەرۋ قىزمەت وتەۋى ءتىپتى دە جاقسى، ءتىپتى دە دەر كەزىندە ىستەلدى. 2 ايعا جۋىق ۋاقىتتا سىرتقى ىستەر مينيسترلىگىنىڭ 12308 كونسۋلدىق ارناۋلى تەلەفونى 170 مىڭ رەتكە جۋىق قابىلدانىپ، وتكەن جىلدىڭ ۇقساس مەزگىلىندەگىنىڭ 3 ەسەسىندەي بولدى.
ءۇشىنشى، دياگنوزى تۇراقتانعان نەمەسە جۇعىمدالۋ كۇدىگى بار جۇڭگو ازاماتتارىنىڭ دەر كەزىندە ەمدەلۋىنە كومەكتەسىپ، ەمدەلۋ جاعدايى ءۇرتىس قاداعالانىپ، تۇرعان ەلدەرىنىڭ بار كۇشپەن قۇتقارۋىنا قۋزاۋ سالىندى. شۇعىل قاجەتتى ىندەتتەن ساقتانۋ بۇيىمدارى ءتۇرلى جولدارمەن شەتەلدەردەگى جۇڭگو ازاماتتارىنا تاراتىلىپ، قىسىلتاياڭ جاعداي شەشىلدى. جۇڭگونىڭ ا ق ش، ۇلى بريتانيا، رەسەي، جاپونيا، گەرمانيا سياقتى كوپ ەلدەگى ەلشىحانالارى مەن كونسۋلحانالارى ەلشىحانا باستىعىن ورنالاستىرىپ نەمەسە جۇڭگونىڭ ەمدەۋ ماماندارىن ۇيىمداستىرىپ سول جەردەگى جۇڭگولىق مۇھاجىر باۋىرلاستارمەن، جۇڭگو قارجى قوسقان كاسىپورىندارمەن ەكران ارقىلى اۋىس - كۇيىس جاساپ، ەمدەۋ كاسىبىنە اقىل - كەڭەس بەرىپ جانە پسيحيكالىق جاقتان كوڭىل ءبولىپ، ولارعا ەل ىشىندەگى جەلىدە دەنساۋلىق ساقتاۋ قىزمەت وتەۋىن تانىستىردى.
ءتورتىنشى، ىندەت جاعدايى اۋىر كەيبىر ەلدەرگە قاراتا سىرتقى ىستەر مينيسترلىگى سياقتى تاراۋلار ءار جاقتىڭ كۇشى مەن بايلىعىن سايكەستىرىپ، ۋاقىتتىق كەزەكشى ۇشاق جىبەرۋ سياقتى تاسىلدەردى قولدانىپ، شىنىندا قيىنشىلىعى بار، ەلگە قايتۋى شۇعىل قاجەت بولعان جۇڭگولىق باۋىرلاستاردى بىرتىندەپ، تارتىپپەن، كوپتەگەن توپقا ءبولىپ قايتارىپ كەلدى.
بەسىنشى، شەتەلدە وقىپ جاتقاندارعا ءتۇيىندى قامقورلىق جاسالدى. ءبىز شەتەلگە شىعىپ وقىپ جاتقاندارعا ءوز بالالارىمىزعا قارايلاسقانداي قارايلاستىق. 4 - ايدىڭ باسىنا دەيىن سىرتقى ىستەر مينيسترلىگى ءارقايسى تاراۋدى سايكەستىرىپ، شەتەلدەگى جۇڭگولىق وقۋشىلارعا 500 مىڭنان استام «دەنساۋلىق بوقشاسىن» تاراتتى. كوپتەگەن ەلشىحانا مەن كونسۋلحانا «شەتەلدەردە وقىپ جاتقان جۇڭگولىق وقۋشىلارعا قاراتىلعان ەل ىشىندەگى اتا - انالاردىڭ كەڭەس سۇراۋ ارناۋلى تەلەفونىن» اشىپ، سول جەردەگى ازامات جاسىنا تولماعان وقۋشىلاردىڭ ناقتى قيىنشىلىعىن شەشۋگە بەلسەنە كومەكتەستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
