حالىق ىستەرى مينيسترلىگى قاتارلى 6 تاراۋ پىكىر شىعاردى، الدا «الەۋمەتتىك اۋماقتىڭ بەساسپاپ تاڭباسى» قۇبىلىسى تۇبەگەيلى جونگە سالىنباق
20 ءتۇرلى كۋالىكتىڭ الەۋمەتتىك اۋماقتان بەرىلمەيتىنى ايقىندالدى
2020.04.29 17:47 كەلۋ قاينارى : حالىق تورابى
«حالىق گازەتى»، 4 – ايدىڭ 28 - كۇنى، بەيجيڭ (ءتىلشى لي چاڭيۇي). تاياۋدا مەملەكەتتىك كەڭەستىڭ ماقۇلداۋىمەن حالىق ىستەرى مينيسترلىگى، مەملەكەتتىك دامۋ جانە رەفورما كوميتەتى، قوعام حاۋىپسىزدىگى مينيسترلىگى، ءادىليا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك دەنساۋلىق ساقتاۋ - سالاماتتىق كوميتەتى سىندى 6 تاراۋ بىرلەسىپ پىكىر شىعاردى، وسى بويىنشا الدعى جەردە نەگىزگى ساتىداعى ءوزىن - ءوزى باسقاراتىن بۇقارالىق ۇيىمداردىڭ كۋالىك بەرۋ قىزمەتى جاقسارتىلاتىن جانە ارناعا تۇسىرىلەتىن بولدى.
پىكىردە مىنالار العا قويىلدى: الداعى جەردە مولشەرمەن 3 جىل ۋاقىت جۇمساۋ ارقىلى نەگىزگى ساتىداعى ءوزىن - ءوزى باسقاراتىن بۇقارالىق ۇيىمداردىڭ كۋالىك بەرۋ قىزمەتىن ارناعا ءتۇسىرۋدىڭ ءتۇزىم جۇيەسى مەن باياندى مەحانيزمىن بىرتىندەپ ورناتىپ، «الەۋمەتتىك اۋماق بەساسپاپ تاڭباسى»، «الەۋمەتتىك اۋماق ىسپات بەرۋدىڭ ۇلكەن بازاسىنا اينالۋ» سياقتى قۇبىلىستاردى تۇبىرىنەن وزگەرتۋ كەرەك.
پىكىردە مىنالار ايقىن بەلگىلەندى: الەۋمەتتىك اۋماق تۇرعىندار كوميتەتى، قىستاق تۇرعىندار كوميتەتى سياقتى نەگىزگى ساتىداعى ءوزىن - ءوزى باسقاراتىن بۇقارالىق ۇيىمدار كۋالىك بەرەتىن ىستەر، ءسوز جوق، ايقىن زاڭ، تۇزىمدىك نەگىزى بار نەمەسە مەملەكەتتىك كەڭەستىڭ بەكىتۋىمەن كۋالىك بەرۋ جۇمىس تۇرلەرىن ساقتاپ قالۋ تىزىمدىگىنە ەنگىزىلگەن، نەگىزگى ساتىداعى ءوزىن - ءوزى باسقاراتىن بۇقارالىق ۇيىمداردىڭ مىندەت كولەمىنە جاتاتىن ىستەر بولۋى كەرەك. جەر ـ جەر ىسپات بەرۋ ىستەرىن اداقتاۋ قىزمەتى مەن ساياسات ـ شارالاردى ۇشتاستىرۋ نەگىزىندە، نەگىزگى ساتىداعى ءوزىن - ءوزى باسقاراتىن بۇقارالىق ۇيىمداردىڭ ىسپات بەرۋ ىستەرىنىڭ تىزىمدىگىن شىعارۋى، اسىرەسە، جەر ـ جەر، تاراۋلار جاريالاعان كۋالىك بەرۋ جۇمىس تۇرلەرىن ساقتاپ قالۋ تىزىمدىگىمەن ءوزارا ۇشتاستىرۋى كەرەك. نەگىزگى ساتىداعى ءوزىن - ءوزى باسقاراتىن بۇقارالىق ۇيىمدار زاڭ بويىنشا ارناعا ءتۇسىرىپ بەرگەن ىسپات ىستەرى جونىندە، ءىس باسقارۋ قىبىلاناماسى فورماسىمەن دالەلدەۋدىڭ ناقتى ۇلگىسىن، ءبىتىرۋ ءتارتىبىن جانە جۇمىس ولشەمىن اشالاپ، ۋاقىت شەگىن، ءىس ءبىتىرۋ ورنىن، ناقتى بارىسىن جانە زاڭدىق، تۇزىمدىك نەگىزىن ايقىنداۋ ءارى ءبىر تۇتاس ارناعا تۇسىرىلگەن كەستە قاعازىن بەرۋ كەرەك.
پىكىردە مىنالار دارىپتەلدى: زاڭدىق، تۇزىمدىك نەگىزى جوق نەمەسە مەملەكەتتىك كەڭەستىڭ بەكىتۋىنەن وتكىزبەي تۇرىپ ساقتاپ قالىنعان كۋالىك ىستەرى تىزىمدىگىنە ەنگىزىلگەن ىسپات تۇرلەرىن نەگىزگى ساتىداعى ءوزىن - ءوزى باسقاراتىن بۇقارالىق ۇيىمدار بەرمەيدى. زاڭ - ەرەجە نەگىزى بولعانىمەن، قازىرگى ەكونوميكالىق، قوعامدىق دامۋدىڭ ءىس جۇزىندىگىنە ۇيلەسپەيتىن نەمەسە نەگىزگى ساتىداعى ءوزىن - ءوزى باسقاراتىن بۇقارالىق ۇيىمداردىڭ اداقتاۋعا شاماسى كەلمەيتىندەرى بولسا، قاتىستى تاراۋلار كەڭ كولەمدە پىكىر الۋ، تولىق تەكسەرىپ - زەرتتەۋ، دالەلدەۋ نەگىزىندە ءتارتىپ بويىنشا زاڭ - ەرەجەگە وزگەرىس ەنگىزۋ تۋرالى بەلگىلەمەلەرگە وزگەرىس ەنگىزۋدى ۇسىنىس ەتىپ، نەگىزگى ساتىداعى ءوزىن - ءوزى باسقاراتىن بۇقارالىق ۇيىمداردىڭ ەندىگارى بەرمەيتىنىن ايقىنداۋى كەرەك. مەملەكەتتىڭ قاتىستى زاڭ - ەرەجەسىندەگى بەلگىلەمەلەرگە ساي، نەگىزگى ساتىداعى ءوزىن - ءوزى باسقاراتىن بۇقارالىق ۇيىمدار كۋالىك بەرۋگە ءتيىستى ىستەردى دەركەزىندە ايقىنداۋ كەرەك. «نەگىزگى ساتىداعى ءوزىن - ءوزى باسقاراتىن بۇقارالىق ۇيىمداردىڭ دالەل - ىسپات بەرۋ جۇمىس تىزىمدىگىندە (1 - توپتا)» ايقىندالعاندارى تۋىستىق قاتىناس ىسپاتى قاتارلى 20 ءتۇرلى «بۇرىنعى، قيىن» ىسپات ءتۇرىن قامتيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
