لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2020.05.07 15:55 كەلۋ قاينارى : حالىق تورابى
جۇمىستى، ءوندىرىستى قالپىنا كەلتىرۋگە قولداۋ كورسەتۋ جانە كاسىپورىنداردىڭ قيىنشىلىقتى جەڭۋىنە كومەكتەسۋ ساياسات - شارالارىنىڭ تياناقتاندىرىلۋ جاعدايى جونىندەگى مالىمەتتى تىڭداپ، قاتىستى ساياساتتاردى العا قويىپ جانە اناعۇرلىم كەمەلدەندىرىپ، كاسىپورىنداردى ورنىقتىرۋ، كاسىپتەندىرۋگە كەپىلدىك ەتۋ تەبىنىن ارتتىردى
شينحۋا اگەنتتىگى، 5 - ايدىڭ 6 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 5 - ايدىڭ 6 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، جۇمىستى، ءوندىرىستى قالپىنا كەلتىرۋگە قولداۋ كورسەتۋ جانە كاسىپورىنداردىڭ قيىنشىلىقتى جەڭۋىنە كومەكتەسۋ ساياسات - شارالارىنىڭ تياناقتاندىرىلۋ جاعدايى جونىندەگى مالىمەتتى تىڭداپ، قاتىستى ساياساتتاردى العا قويىپ جانە اناعۇرلىم كەمەلدەندىرىپ، كاسىپورىنداردى ورنىقتىرۋ، كاسىپتەندىرۋگە كەپىلدىك ەتۋ تەبىنىن ارتتىردى.
ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي جەر - جەر، تاراۋلار جۇمىستى، ءوندىرىستى قالپىنا كەلتىرۋدى جانە كاسىپورىنداردىڭ قيىنشىلىقتى جەڭۋىنە كومەكتەسۋدى توڭىرەكتەپ، 8 جاقتاعى 90 ءتۇرلى ساياساتتىق شارانى دالمە - ءدال، ۋاعىندا، پارمەندى العا قويدى. بۇلار باستىسى مىنالاردى قامتيدى: شاعىن، ۇساق كاسىپورىنداردىڭ جانە جەكە ونەركاسىپشىلەر مەن ساۋداگەرلەردىڭ ارتقان قۇن باجىسىن كەمەيتۋدى، كەشىرىم ەتۋدى كۇشەيتۋ؛ ىندەتتىڭ ىقپالىنا ءبىرشاما اۋىر ۇشىراعان قاتىناس - تاسىمال، اس – سۋ، ساياحات سياقتى سالالارداعى كاسىپورىندارعا قاراتىلعان زياندى ەسەپكە ەنگىزۋ جىل شەگىن 5 جىلدان 8 جىلعا ۇزارتۋ؛ الدىڭعى جارتى جىلدا ءار تۇردەگى كاسىپورىندار تاپسىرۋعا ءتيىستى زەينەتكەرلىك، جۇمىسسىزدىق، جۇمىس ۇستىندە جارالانۋ سىندى 3 ءتۇرلى قوعامدىق قامسىزداندىرۋ اقىسىن 600 ميلليارد يۋان كەمەيتۋ، كەشىرىم ەتۋ، جۇمىسسىزداردى قامسىزداندىرۋ بويىنشا جۇمىس ورنىن ورنىقتىرۋ، قايتارۋ ساياساتىن اتقارىپ، 84 ميلليوننان استام جۇمىسشى - قىزمەتكەردى يگىلىكتەندىرۋ؛ اقىلى تاس جولداردىڭ 140 ميلليارد يۋاننان استام قاتىناۋ اقىسىن كەشىرىم ەتۋ، الدىڭعى جارتى جىلدا ەلەكتر باعاسىن، گاز باعاسىن تومەندەتۋدەن كاسىپورىنداردىڭ 67 ميلليارد يۋان اۋىرتپالىعىن جەڭىلدەتۋ. ولشەمدى تومەندەتۋدەن ءبىر تريلليون 750 ميلليارد يۋان قارجى بوساتۋ؛ ارناۋلى قايتالاي قارىز اقشا بەرۋ ارقىلى مەملەكەت مەنشىگىندەگى ءىرى بانكەلەردى جالپىعا ءتيىمدى شاعىن، ۇساق قارىز اقشا تاراتۋعا شابىتتاندىرۋ، ساياساتتىق بانكەلەردىڭ ارناۋلى امانات قارىز اقشا مولشەرىن ارتتىرۋ سياقتىلار ارقىلى كاسىپورىندارعا، اسىرەسە ورتا، شاعىن، ۇساق كاسىپورىندارعا جانە جەكەشە ونەركاسىپشىلەر مەن ساۋداگەرلەرگە 2 تريلليون 850 ميلليارد يۋان وزىندىك قۇنى تومەن قارىز اقشا بەرۋ؛ ءبىر ميلليون 100 مىڭنان استام ورتا، شاعىن، ۇساق كاسىپورىننىڭ ءبىر تريلليون يۋاننان استام قارىز اقشاسىنىڭ باسى مەن وسىمىنە قاراتا باسىن نەمەسە ءوسىمىن كەشىكتىرىپ قايتارۋ رەسمياتىن ءبىتىرۋ. كوكتەمگى ەگىس وندىرىسىنە، مال شارۋاشىلىعىن دامىتۋعا قولداۋ كورسەتۋ تەبىنىن ارتتىرۋ. قازىر جوعارىداعى شارالاردىڭ بەلسەندى ونىمدىلىگى بايقالۋدا، جۇمىستى، ءوندىرىستى قالپىنا كەلتىرۋ بىرتىندەپ قالىپتى دەڭگەيگە جەتەيىن دەدى، كاسىپورىنداردىڭ قيىنشىلىعى بەلگىلى دارەجەدە باسەڭدەدى، ەكونوميكالىق، قوعامدىق اينالىم بىرتىندەپ قالىپقا ءتۇستى (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
