شي جينپيڭ وزبەكستاننىڭ پرەزيدەنتىمەن تەلەفوندا سويلەستى
2020.05.08 16:24 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 7 – كۇنى، بەيجيڭ. مەملەكەت ءتوراعاسى شي جينپيڭ 5 – ايدىڭ 7 – كۇنى كەشتە وزبەكستاننىڭ پرەزيدەنتى ميرزيويەۆپەن تەلەفوندا سويلەستى.
شي جينپيڭ جۇڭگو ۇكىمەتى مەن جۇڭگو حالقى اتىنان وزبەكستان ۇكىمەتى مەن وزبەكستان حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋىنە بايلانىستى شىنايى حال سۇرادى جانە باتىل قولداۋ كورسەتەتىنىن ءبىلدىردى. شي جينپيڭ مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى ادامزاتتىڭ تاعدىرلاس ورتاق تۇلعاسىن قالىپتاستىرۋدىڭ عانا ادامدار اراسىنداعى دۇرىس جول ەكەنىن تاعى ءبىر رەت دالەلدەدى. بۇكىل ادامزاتتىڭ سالامات، باقىتتى بولۋىنا، دۇنيە ءجۇزىنىڭ دامىپ - گۇلدەنۋىنە ساياتىن وسى كۇرەستە ىنتىماقتاسىپ سەلبەستىك جاساۋ ەڭ پارمەندى قارۋ بولدى. دۇنيە جۇزىندەگى ءار ەل الاۋىزدىقتى قايىرىپ قويىپ ىنتىماققا كەلىپ، ءجون - جوسىق بويىنشا سىڭارجاقتىلىقتى جويىپ، ىندەتپەن كۇرەسۋدىڭ قۇدىرەتتى بىرىككەن كۇشىن ۇيىستىرىپ، سەلبەستىكتى كۇشەيتىپ، قيىنشىلىقتاردى بىرگە جەڭىپ، ادامزاتتىڭ ورتاق مەكەنىن قورعاۋى كەرەك.
شي جينپيڭ مىنالاردى دارىپتەدى: ءبىر جاعادان باس، ءبىر جەڭنەن قول شىعارۋ، ءوزارا قارايلاسۋ − جۇڭگو وزبەكستان قاتىناسىنىڭ تاڭداۋلى ءداستۇرى. جۇڭگونىڭ ىندەتپەن كۇرەسۋىنىڭ قيىن - قىستاۋ ساتىندە ەلدەرىڭىزدىڭ ۇكىمەتى مەن قوعامدارىڭىزدىڭ ءار سالاسىنداعىلار ارت - ارتىنان جۇڭگوعا كومەك قولىن سوزدى. وزبەكستانداعى ىندەت جاعدايى دا جۇڭگو حالقىنىڭ جانىنا باتتى. جۇڭگو ۇكىمەتىنىڭ، قاتىستى جەرگىلىكتى ورىندارىمىزدىڭ جانە كاسىپورىندارىمىزدىڭ كومەك بۇيىمدارى ارت - ارتىنان ەلدەرىڭىزگە جەتكىزىلدى، ەكى ەل ماماندارى كەسكىن ارقىلى ىندەتپەن كۇرەسۋ تاجىريبەلەرىن الماستىردى. جۇڭگو وزبەكستاننىڭ ىندەتپەن كۇرەسۋىنە ۇزدىكسىز قولداۋ كورسەتەدى جانە كومەكتەسەدى. وزبەكستان جاقتىڭ جۇڭگونىڭ وزبەكستانداعى ازاماتتارىنىڭ قالىپتى قىزمەتىن، تۇرمىسىن ۇزدىكسىز قامتاماسىز ەتۋىن ءۇمىت ەتەمىن. ءسىزدىڭ پارمەندى باسشىلىعىڭىزدا وزبەكستان حالقىنىڭ ىندەتتى، ءسوزسىز، جەڭەتىنىنە سەنەمىن. جۇڭگو - وزبەكستان قاتىناسىنىڭ نەگىزى بەرىك، كومەسكى كۇشى زور. ەكى جاق ۇزدىكسىز ءبىر ءبىرىن تاباندىلىقپەن قولداپ، سىن سايىستى ورايعا اينالدىرىپ، قول ۇستاسا وتىرىپ ىندەتتەن ساقتانۋمەن بىرگە، ەكى ەلدىڭ جان جاقتى سەلبەستىگىن يكەمدى ىلگەرىلەتىپ، ەكى جاقتىڭ «ءبىر بەلدەۋ، ءبىر جول» نىساندارىنىڭ ءساتتى اتقارىلۋىنا كەپىلدىك ەتىپ، دۇنيە جۇزىلىك دەنساۋلىق ساقتاۋ ۇيىمى سياقتى كوپ جاقتى جۇلگەدەگى سەلبەستىكتى ۇزدىكسىز تەرەڭدەتىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا بىرگە كۇش سالۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
