ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى
شي جينپيڭ ءماجىلىستى باسقاردى ءارى ماڭىزدى ءسوز سويلەدى
لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ ماجىلىسكە قاتىناستى
2020.05.09 16:02 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 8 - كۇنى، بەيجيڭ. ج ك پ ورتالىق كوميتەتى 5 – ايدىڭ 8 - كۇنى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قىزمەتى جونىنەن دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەدى. شي جينپيڭ بىلاي دەپ دارىپتەدى: جاپالى قۇلشىنىستار ارقىلى ۋحاندى قورعاۋ شايقاسىندا، حۋبەيدى قورعاۋ شايقاسىندا شەشۋشى تابىسقا قول جەتكىزدىك، ىندەتتەن ساقتانۋ – تىزگىندەۋ توسقاۋىل شايقاسىندا كەلەلى ستراتەگيالىق تابىسقا قول جەتكىزدىك، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدە بەلسەندى ناتيجەگە قول جەتكىزدىك. ءبىز ءتۇرلى قىزمەتتى ۇزدىكسىز مىقتى يگەرىپ، ويداعىداي ىستەپ، ىندەتتەن ساقتانۋ - تىزگىندەۋ سىندى ارقاۋدى قاي - قاشان دا شيراتىپ، جۇمىستى، ءوندىرىستى قالپىنا كەلتىرۋدى تىڭعىلىقتى ىلگەرىلەتىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ نىسانالىق مىندەتىن ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام قۇرىپ شىعۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ اڭگىمە ماجىلىسىنە قاتىناستى. لي كىچياڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قىزمەتىنە قاتىستى جاعدايلاردى حابارلاندىردى.
اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى سۇن چيشين ىركەس - تىركەس ءسوز سويلەدى.
كوپشىلىكتىڭ ءسوزىن دەن قويا تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى ءبىلدىردى: توسىن تۋىلعان ىندەتكە قاراتا ج ك پ ورتالىق كوميتەتى ايرىقشا ءمان بەرىپ، حالىقتىڭ ءومىرى مەن دەنساۋلىعىن ماڭداي الدى ورىنعا قويۋدا تاباندى بولىپ، جالپى جاعدايدى ءبىر تۇتاس جوسپارلاپ، بايىپپەن توتەپ بەرىپ، ءبىرقىدىرۋ ساقتانۋ - تىزگىندەۋ جانە ەمدەۋ شارالارىن باتىل قولدانىپ، ءبىر ايدان استام ۋاقىت جۇمساپ، ىندەتتىڭ ءورشۋ جاعدايىن العاشقى قادامدا تەجەپ، 2 اي شاماسىندا ءوز جەرىمىزدەگى ءار كۇنى تىڭنان قوسىلىپ وتىرعان ناۋقاستاردىڭ مولشەرىن ءبىر ورىندى سان ىشىندە تەجەپ، 3 اي مولشەرىندە ۋحاندى قورعاۋ شايقاسىنىڭ، حۋبەيدى قورعاۋ شايقاسىنىڭ شەشۋشى جەڭىسىنە قول جەتكىزدى. ءبىر ميلليارد 400 ميلليون حالقى بار وسىنداي ءىرى ەل جونىنەن العاندا، مۇنداي ناتيجە وڭاي – وسپاق قولعا كەلگەن جوق! (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
