ورتالىق كوميتەت پەن مەملەكەتتىك ورگانداردىڭ ارىز - ارمان ايتا كەلگەندەردى قابىلداۋ ورىندارى قازىرشە اشىلمايدى
2020.05.18 16:00 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 17 – كۇنى، بەيجيڭ (ءتىلشى: باي ياڭ) ءتىلشىنىڭ 5 – ايدىڭ 17 – كۇنى مەملەكەتتىك ارىز – ارمان مەكەمەسىنەن ۇعىسۋىنشا، ىندەتتىڭ قايتا تارالۋىنان ساقتانۋ جانە ونى تىزگىندەۋ مىندەتى ءالى دە ماشاقاتتى دا اۋىر بولىپ وتىرعاندىقتان، ورتالىق كوميتەت پەن مەملەكەتتىك ورگانداردىڭ ارىز - ارمان ايتا كەلگەندەردى قابىلداۋ ورىندارى قازىرشە اشىلمايدى، قابىلداۋدى قالپىنا كەلتىرۋ ۋاقىتى ىندەت جاعدايىنداعى وزگەرىسكە قاراي تۇراقتاندىرىلادى ءارى قوعامعا جاريا ۇقتىرىلادى.
جاڭا تيپتى ايدارشا ۆيروس ىندەتى تۋىلعان سوڭ، ورتالىق كوميتەتتىڭ ىندەتتەن ساقتانۋ جانە ونى تىزگىندەۋ جاعىنداعى ساياساتتىق شەشىمدەرى مەن ورنالاستىرۋلارىنا جانە بەيجيڭ قالاسىنىڭ ىندەتتەن ساقتانۋ جانە ونى تىزگىندەۋگە قاتىستى ورنالاستىرۋلارىنا ساي، مەملەكەتتىك ارىز – ارمان مەكەمەسى 1 – ايدىڭ 28 – كۇنى ۇقتىرۋ شىعارىپ، ورتالىق كوميتەت پەن مەملەكەتتىك ورگانداردىڭ ارىز - ارمان ايتا كەلگەندەردى قابىلداۋ ورىندارىنىڭ ۋاقىتشا اشىلمايتىنىن جاريالاعان.
مەملەكەتتىك ارىز – ارمان مەكەمەسىنىڭ قاتىستى جاۋاپتىلارىنىڭ ايتۋىنشا، قازىر بۇكىل ەلىمىز بويىنشا ىندەتتەن ساقتانۋ جانە ونى تىزگىندەۋ جاعدايى جالپى جاقتان ورنىقتى بولعانىمەن، ءىشىنارا جەرلەردە بىتىراڭقى تۇردە ناۋقاسقا شالدىعۋ جاعدايى مەن ىندەتتىڭ شوعىرلى تارالۋى جاعدايى بايقالدى؛ ونىڭ ۇستىنە «1 – مامىر» دەمالىسىنان كەيىن بۇكىل ەلىمىز بويىنشا ادامداردىڭ ءجۇرىس – تۇرىسىنىڭ كوبەيۋى قوسىلىپ، ىندەتتەن ساقتانۋ جانە ونى تىزگىندەۋ قىزمەتىنە تىڭ تۇراقسىزدىقتار تۋىنداتىپ، ىندەتتىڭ قايتا تارالۋىنان ساقتانۋ جانە ونى تىزگىندەۋ مىندەتى ءالى دە جاپالى دا ماشاقاتتى بولۋدا. پارتيا ورتالىق كوميتەتىنىڭ ىندەتتەن ساقتانۋ جانە ونى تىزگىندەۋ قىزمەتىن ۇزدىكسىز ويداعىداي ىستەۋ جونىندەگى ساياساتتىق شەشىمدەرى مەن ورنالاستىرۋلارىن، سونداي – اق، بەيجيڭ قالاسىنىڭ ىندەتتەن ساقتانۋ جانە ونى تىزگىندەۋگە قاتىستى ورنالاستىرۋلارىن دايەكتى تياناقتاندىرۋ، ادامداردىڭ ءجۇرىس – تۇرىسى مەن ءبىر ورىنعا شوعىرلانۋىن بارىنشا ازايتىپ، حالىق جۇرتشىعىنىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن قورعاۋ ءۇشىن، ورتالىق كوميتەت پەن مەملەكەتتىك ورگانداردىڭ ارىز - ارمان ايتا كەلگەندەردى قابىلداۋ ورىندارى جالعاستى جابىق ۇستالادى.
مەملەكەتتىك ارىز – ارمان مەكەمەسى مىنانى ەسكەرتەدى: ورتالىق كوميتەت پەن مەملەكەتتىك ورگانداردىڭ ارىز - ارمان ايتا كەلگەندەردى قابىلداۋ ورىندارى جابىق ۇستالاتىن مەزگىلدە، جۇرتشىلىق ينتەرنەت ارقىلى شاعىمدانۋىنا جانە حات جازۋ قاتارلى تاسىلدەرمەن تىلەكتەرىن بىلدىرۋىنە بولادى، نەمەسە جاقىن جەردە، ءوزى تۇرعان ورىندا ارىز – ارمان ورىندارىنا بارۋىنا بولادى، وسى ارقىلى ايقاسپالى جۇعىمدالۋ حاۋىپ – قاتەرىنەن ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
