ساياسي كەڭەس مەملەكەتتىك 13 - كەزەكتى كوميتەتىنىڭ 3 - ءماجىلىسى اشىلدى
2020.05.22 14:20 كەلۋ قاينارى : حالىق تورابى
شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناسىپ قۇتتىقتادى
ۋاڭ ياڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، جاڭ چيڭلي ءماجىلىستى باسقاردى، جىڭ جيانباڭ ۇسىنىس جوبا قىزمەتى جاعدايىنان بايانداما جاسادى
شينحۋا اگەنتتىگى، 5 - ايدىڭ 21 - كۇنى، بەيجيڭ. اۋەلگى ماقساتتى ۇمىتپاي، قايتا گۇلدەنۋدىڭ ۇلى كۇشىن ۇيىستىرىپ، قول ۇستاسا العا باسىپ، دامۋ ۇلى جوسپارىن بىرگە اقىلداستى. جۇڭگو حالىق ساياسي كەڭەس 13 - كەزەكتى مەملەكەتتىك كوميتەتىنىڭ 3 - ءماجىلىسى 5 - ايدىڭ 21 - كۇنى تۇستەن كەيىن حالىق سارايىندا اشىلدى. بۇل رەتكى ءماجىلىس جاپپاي دوڭگەلەك داۋلەتتى قوعام قۇرۋ نىسانا مىندەتىن تىعىز ارقاۋ ەتىپ، مەملەكەتتىك ساياسي كەڭەس مۇشەلەرىن قىزمەت جاۋاپكەرلىگىن بەلسەنە وتەۋگە ۇيىمداستىرىپ، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋدىڭ، جاپپاي دوڭگەلەك داۋلەتتى قوعام ورناتۋدىڭ اقىل - پاراساتى مەن كۇش - قۋاتىن ۇيىستىرادى.
حالىق سارايىنىڭ 10 مىڭ ادامدىق ۇلكەن زالىنىڭ دوعاشا توبەسىندەگى شامدار جاقۇتتاي جارقىراپ، زال سالتاناتتى، دۋماندى مەرەيگە شومدى. جۇڭگو حالىق ساياسي كەڭەسىنىڭ گەربى ءتوراعالار مىنبەسى ءتورىنىڭ ورتاسىنا ءىلىنىپ، ەكى جاعىنا بەستەن نارت قىزىل تۋ قويىلدى.
مەملەكەتتىك ساياسي كەڭەستىڭ ءتوراعاسى ۋاڭ ياڭ، مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋەي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.
پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعانىن قۇتتىقتادى.
مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىنە قاتىناسۋعا ءتيىستى مۇشە 2 مىڭ 151 ادام، ناقتى قاتىناسقانى 2 مىڭ 57 ادام، بۇل بەلگىلەمەدەگى ادام سانىنا ۇيلەسەدى.
تۇستەن كەيىن ساعات 3 تە جاڭ چيڭلي ءماجىلىستىڭ اشىلعانىن جاريالادى، زالداعىلار تۇگەلدەي ورىندارىنان تۇرىپ، مەملەكەت ءانىن شىرقادى. وسىدان كەيىن ماجىلىسكە قاتىناسقان بارلىق ادام ءۇنسىز ءبىر مينۋت ازا ءبىلدىرىپ، جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋ بارىسىندا قازا بولعان قۇرباندارعا جانە قايتىس بولعان باۋىرلاستارعا قايعىلى ازا ءبىلدىردى.
ءماجىلىس الدىمەن ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ كەڭەستىك ءتارتىبىن قاراپ ماقۇلدادى.
ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.
ۋاڭ ياڭ مىنالاردى دارىپتەدى: 2019 – جىل − جاڭا جۇڭگو قۇرىلعانىنىڭ 70 جىلدىعى ءارى حالىق ساياسي كەڭەسى قۇرىلعانىنىڭ 70 جىلدىعى. ج ك پ ورتالىق كوميتەتى ورتالىقتىڭ ساياسي كەڭەس قىزمەتى جونىندەگى ءماجىلىسىن اشتى، باس شۋجي شي جينپيڭ ماڭىزدى ءسوز سويلەپ، جاڭا داۋىردەگى حالىق ساياسي كەڭەسى قىزمەتىنىڭ بورىشى مەن مىندەتىن، ءتۇبىرلى تالابىن، كۇش سالۋ ءتۇيىنىن ەگجەي ـ تەگجەيلى پايىمداپ، حالىق ساياسي كەڭەسى مەن مەملەكەتتى باسقارۋ جۇيەسىنىڭ ىشكى بايلانىسىن تەرەڭ اشىپ كورسەتىپ، جاڭا داۋىردەگى حالىق ساياسي كەڭەسى ىستەرىنىڭ دامۋىنا العا باسۋ بەتالىسىن ايقىن كورسەتىپ بەردى.
ۋاڭ ياڭ وتكەن ءبىر جىلدان استام ۋاقىتتان بەرگى حالىق ساياسي كەڭەسىنىڭ قىزمەتىن قورىتىندىلادى. ول بىلاي دەدى: شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، ساياسي كەڭەس جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدى، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، نازاردى جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، ءۇش ۇلكەن قامال الۋ شايقاسىن ويداعىداي جۇرگىزۋ سياقتى كەلەلى مىندەتتەرگە شوعىرلاندىرىپ، ارناۋلى كەڭەس قۇرىلىمى قۇرىلىسىن كۇشەيتىپ، ءتۇرلى فۋنكتسيالاردى مۇقيات اتقارىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. تاياۋداعى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى بارىسىندا حالىق ساياسي كەڭەسى باس شۋجي شي جينپيڭنىڭ ماڭىزدى ءسوزىنىڭ رۋحىن جانە ج ك پ ورتالىق كوميتەتىنىڭ شەشىم، ورنالاستىرۋلارىن مۇقيات دايەكتىلەندىرىپ، ساياسي كەڭەستىڭ ءار دارەجەلى ۇيىمدارىن، ءارقايسى ورىندى جانە قالىڭ مۇشەلەردى ىندەتتەن ساقتانۋ - تىزگىندەۋ كۇرەسىنە قاتىناسۋعا جۇمىلدىردى. قالىڭ ساياسي كەڭەس مۇشەلەرى ءوز قىزمەت ورىندارىندا جاۋاپكەرلىك ارقالاۋدى ءىس جۇزىندىك ارەكەتتەرى ارقىلى ايگىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
