بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مۇشە حۋاڭ شياۋۋەي: 3 جاستان تومەنگى بالالارعا قاراتىلعان وتباسى تاربيەسىن قولداۋ قىزمەت وتەۋىن ۇكىمەتتىڭ الەۋمەتتىك قىزمەت وتەۋ كولەمىنە ەنگىزۋ كەرەك

2020.05.26 15:05     كەلۋ قاينارى : حالىق تورابى

  قازىر اشىلىپ جاتقان ساياسي كەڭەس 13 – كەزەكتى مەملەكەتتىك كوميتەتىنىڭ 3 - ماجىلىسىندە مەملەكەتتىك ايەلدەر بىرلەستىگى 3 جاستان تومەنگى بالالارعا قاراتىلعان وتباسى تاربيەسىن قولداۋ قىزمەت وتەۋىن ۇكىمەتتىڭ الەۋمەتتىك قىزمەت وتەۋ كولەمىنە ەنگىزۋ جونىندەگى ۇسىنىس جوباسىن تاپسىردى. بىرنەشە كۇننىڭ الدىندا «جۇڭگو ايەلدەر گازەتىنىڭ»، جۇڭگو ايەلدەر تورابىنىڭ ءتىلشىسى وسى ۇسىنىس جوباسى جونىنەن مەملەكەتتىك ساياسي كەڭەستىڭ مۇشەسى، مەملەكەتتىك ايەلدەر بىرلەستىگىنىڭ پارتيا باسشىلىق گرۋپپاسى شۋجيى، ءتوراعاسىنىڭ ورىنباسارى، شۋجيچۋىنىڭ ءبىرىنشى شۋجيى حۋاڭ شياۋۋەيگە تىلشىلىك ىستەدى.

  حۋاڭ شياۋۋي بىلاي دەدى: ەكونوميكا مەن قوعامنىڭ دامۋىنا بايلانىستى، وتباسىلار 3 جاستان تومەنگى بالالارعا قاراتىلعان ەرتە ساۋاتتاندىرۋدىڭ ماڭىزدىلىعى مەن قاجەتتىلىگىن بارعان سايىن تانىپ جەتۋدە، الايدا، كوپتەگەن وتباسىلاردىڭ ەرتە ساۋاتتاندىرۋ جەتەكشىلىگى بىتىراندى، جۇيەسىز بولۋدا، ءتىپتى عىلمي ەمەس. «جاپپاي ەكى بالالى بولۋ» ساياساتى اتقارىلعاننان بەرى كوپتەگەن وتباسى پەرزەنت كورۋگە باتىلدىق ەتە الماۋدا، مۇنداعى ماڭىزدى ءبىر سەبەپ، بالالاردى ەرتە ساۋاتتاندىرۋعا بايلانىستى وتباسىلىق تاربيەدەگى جۇيەلى، كوپ نەگىزدى قولداۋ قىزمەت وتەۋ جۇيەسى ءالى قالىپتاسا قويعان جوق. قازىرگى قامداۋ 3 جاستان تومەنگى بالاسى بار وتباسىلاردىڭ قاجەتىن قاناعاتتاندىرا المايدى.

  حۋاڭ شياۋۋي بىلاي دەپ قارادى: حالىق بۇقاراسىنىڭ قاجەتى، حالىقارالىق قوعامنىڭ تاجىريبەسى، جەرگىلىكتى ورىننىڭ امالياتتىق جوباسى 3 جاستان تومەنگى بالالارعا قاراتىلعان وتباسى تاربيەسىن قولداۋ قىزمەت وتەۋىن ۇكىمەتتىڭ الەۋمەتتىك قىزمەت وتەۋ كولەمىنە ەنگىزۋدىڭ قاجەتتىلىگى مەن جارامدىلىعىن ايگىلەدى. سوندىقتان مىنالاردى ۇسىنىس ەتەمىن: ءبىرىنشى، قاتىستى تاراۋلار بىرگە ات سالىساتىن 3 جاستان تومەنگى بالالارعا قاراتىلعان وتباسى تاربيەسىن قولداۋ قىزمەت مەحانيزمىن ورناتىپ، ءارقايسى تاراۋدىڭ ۇيىمدىق ابزالدىعى مەن كاسىپتىك ابزالدىعىن تولىق ساۋلەلەندىرۋ كەرەك، الۋان فورمالى وتباسى تاربيەسىن قولداۋ قىزمەت وتەۋىن ورىستەتۋ، سونىمەن بىرگە، نەگىزگى ساتى ۇكىمەتتەرىنىڭ وتباسى تاربيەسىن قولداۋ قىزمەت وتەۋ فۋنكتسياسىن كۇشەيتۋ كەرەك. ەكىنشى، 3 جاستان تومەنگى بالالارعا قاراتىلعان وتباسى تاربيەسىن قولداۋ قىزمەت وتەۋىن قالا، اۋىلداردىڭ، الەۋمەتتىك اۋماقتاردىڭ الەۋمەتتىك قىزمەت وتەۋىنىڭ ماڭىزدى مازمۇنى رەتىندە نەگىزدىك الەۋمەتتىك قىزمەت وتەۋ تۇرلەرىنىڭ تىزىمدىگىنە ەنگىزىپ، ارناۋلى قازىنا قاراجات ارقىلى قولداۋ، ورتالىقتىڭ سيلىقتى بەلەت يگىلىك قورىنان ارناۋلى شىعىس ەتۋ، ۇكىمەت ساتىپ الۋعا قىزمەت وتەۋ سياقتى شارالاردى قولدانىپ، ۇكىمەت جەتەكشىلىك ەتەتىن، قوعامدىق كۇشتەر ات سالىساتىن وتباسى تاربيەسىن قولداۋ قاراجاتىن قامتاماسىزداندىرۋ مەحانيزمىن ورناتۋ كەرەك. قازىر اتقارىلىپ وتىرعان بالالار تاربيەسى، بالالاردى قورەكتىكپەن قامداۋ، بالالاردى قورعاۋ قاتارلى الەۋمەتتىك قىزمەت وتەۋ تۇرلەرىندە 3 جاستان تومەنگى بالاسى بار، كەدەيلىك، مۇگەدەكتىك سياقتى ەرەكشە سەبەپتەردەن قيىنشىلىققا تاپ بولىپ وتىرعان اتا - انالاردىڭ عىلمي جولمەن تاربيەلەۋىنە جەتەكشىلىك ەتۋ مازمۇنىن قوسۋ كەرەك. ءۇشىنشى، مىندەتتەمەلى تاربيەلەۋ قۇرىلىمدارىن قۇرۋ ولشەمى مەن باسقارۋ ولشەمىن اشالاپ، كاسىپ سالاسىنىڭ رۇقسات ولشەمى، كاسىپپەن شۇعىلدانۋشىلاردىڭ كاسىپتىك تولىمدىلىعىن تانۋ، تىركەۋ، ەستەلىككە الىپ تىزىمگە الدىرۋ، ينفورماتسيانى اشىق جاريالاۋ جانە ساپاسىن باعالاۋ سياقتى تۇزىمدەردى اقاۋسىزداندىرۋ، 3 جاستان تومەنگى بالالاردى باعىپ - باپتاۋعا قىزمەت وتەۋدىڭ جۇيەلىلەنۋىن، باقىلاپ – باسقارىلۋىن كۇشەيتۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار