13 – كەزەكتى مەملەكەتتىك حالىق قۇرىلتايىنىڭ 3 - ءماجىلىسى ەكىنشى جالپى جيىنىن وتكىزدى
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى
2020.05.26 15:37
لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى
ماجىلىستە حالىق سوتى مەكەمەسىنىڭ قىزمەت بايانداماسى جانە ەڭ جوعارى حالىق پروكۋراتۋراسىنىڭ قىزمەت بايانداماسى تىڭدالدى جانە قارالدى
«حالىق گازەتى»، 5 - ايدىڭ 25 - كۇنى، بەيجيڭ (ءتىلشى شۇي جۇن). 13 – كەزەكتى مەملەكەتتىك حالىق قۇرىلتايىنىڭ 3 - ءماجىلىسى 5 - ايدىڭ 25 - كۇنى تۇستەن كەيىن حالىق سارايىندا ەكىنشى جالپى ءماجىلىسىن وتكىزدى. ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جانە ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى تىڭدالدى جانە قارالدى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ماجىلىسكە قاتىناستى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. ول مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى مەملەكەتتىك حالىق قۇرىلتايى تۇراقتى كوميتەتى پارتيا ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، تەز قيمىلداپ، مىندەتىن زاڭ بويىنشا اتقاردى، جابايى حايۋاناتتاردى زاڭسىز ساۋدالاۋعا جاپپاي تيىم سالۋ، جابايى حايۋاناتتاردى بەتالدى جەۋ ناشار ادەتىن جويۋ جونىندە قاۋلى شىعارىپ، الەۋمەتتىك دەنساۋلىق ساقتاۋدى زاڭمەن باسقارۋدى قامتاماسىزداندىرۋ جۇيەسىن كۇشەيتۋ جونىندە زاڭ شىعارۋ، زاڭعا وزگەرىس ەنگىزۋ قىزمەتىن ورنالاستىردى، ىندەتتەن ساقتانۋ - تىزگىندەۋ زاڭىن ىرىقتىلىقپەن ۇگىتتەپ، ءتۇسىندىرىپ، ىندەتتەن ساقتانۋ – تىزگىندەۋگە جانە ەكونوميكالىق، قوعامدىق دامۋعا زاڭدىق قولداۋ كورسەتتى.
لي جانشۋ بايانداماسىندا تۇراقتى كوميتەتتىڭ ءبىر جىلدان استام ۋاقىتتان بەرگى قىزمەت جاعدايىن قورىتىندىلادى: 48 زاڭ جوباسى، قاۋلى جوباسى قارالىپ، 34 جوبا ماقۇلداندى؛ 39 بايانداما تىڭدالدى جانە قارالدى، 6 زاڭنىڭ اتقارىلۋ جاعدايى تەكسەرىلدى. 3 رەت ارناۋلى تاقىرىپتا پىكىر الۋ، 7 ءتۇر بويىنشا ارناۋلى تاقىرىپتا تەكسەرۋ - زەرتتەۋ جۇرگىزىلىپ، ءبىر قاۋلى شىعارىلدى؛ ەكى جاقتى 5 شارتتى بەكىتۋ ۇيعارىلدى؛ مەملەكەت ورگاندارىنداعى قىزمەتكەرلەردەن 282 ادام - رەت زاڭ بويىنشا مىندەتكە تاعايىندالدى، مىندەتتەن قالدىرىلدى، ءتۇرلى قىزمەتتە تىڭ ىلگەرىلەۋشىلىككە، تىڭ تابىستارعا قول جەتكىزىلدى. ءبىرىنشى، نەگىزگى زاڭنىڭ ەل باسقارۋ جاعىندا جاپپاي اتقارىلۋىنا شىنايى كەپىلدىك ەتىلدى. مەملەكەتتىك وردەن جانە مەملەكەتتىك قۇرمەت اتاعىن بەرۋ جونىندەگى قاۋلى، جازا وتەپ جاتقان ءىشىنارا قىلمىسكەرلەرگە ەرەكشە كەشىرىم ەتۋ جونىندەگى قاۋلى شىعارىلدى. «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قاۋلىسى (جوبا)» زەرتتەپ جاسالدى جانە قارالدى. ەكىنشى، جۇڭگوشا سوتسياليستىك زاڭ جۇيەسى ۇزدىكسىز كەمەلدەندىرىلدى. رەفورمانى جاپپاي تەرەڭدەتۋگە سايكەسۋ جانە ونى جەبەۋ نەگىزىندە كەلەلى رەفورمالاردىڭ زاڭدىق نەگىزى بولۋىنا كەپىلدىك ەتىلدى؛ ساپالى زاڭ شىعارۋ ارقىلى ساپالى دامۋ ىلگەرىلەتىلدى؛ حالىق تۇرمىسى سالاسىندا زاڭ شىعارۋ جەدەلدەتىلدى؛ باقىلاۋ، ءادىليا، قوعامدىق جونگە سالۋ، مەملەكەت حاۋىپسىزدىگى سياقتى سالالاردا زاڭ شىعارۋ كۇشەيتىلدى. ءۇشىنشى، زاڭدا بەلگىلەنگەن مىندەت بويىنشا كەلەلى رەفورما، دامۋ مىندەتتەرىن ارقاۋ ەتە وتىرىپ باقىلاۋ قىزمەتى ىلگەرىلەتىلدى. نازار اكىمشىلىك ۇقىقتى، باقىلاۋ ۇقىعىن، تەكسەرۋ ۇقىعىن، پروكۋراتۋرا ۇقىعىن زاڭ بويىنشا دۇرىس جۇرگىزۋگە شوعىرلاندىرىلىپ، بۇقارانىڭ كوكەيىندەگى شۇعىل، قيىن ىسكە نازار اۋدارىلىپ، جالپى حالىق رەفورما، دامۋ تابىسىنان اناعۇرلىم كوپ، اناعۇرلىم ءادىل يگىلىكتەندىرىلىپ، ەكونوميكالىق، قوعامدىق دامۋ مەن رەفورمادا قامال الۋ مىندەتىنە اناعۇرلىم ويداعىداي دەم بەرىلدى. ءتورتىنشى، ۋاكىلدەردىڭ زاڭ بويىنشا مىندەت وتەۋىن قولداۋ جانە وعان قىزمەت وتەۋ قىزمەت ءتۇزىمى مەحانيزمى قۇرىلىسى جاپپاي كۇشەيتىلدى. مەملەكەتتىك حالىق قۇرىلتايى ۋاكىلدەرىنىڭ قىزمەتىن كۇشەيتۋ جانە جاقسارتۋ تۋرالى 35 تارماقتى ناقتى شارا جاسالدى، ۋاكىلدەردىڭ كەڭەس جوبالارى مەن ۇسىنىستارى مۇقيات ءبىتىرىلىپ، ۋاكىلدەردىڭ زاڭ شىعارۋ قىزمەتىندەگى رولى ساۋلەلەندىرىلدى، تۇراقتى كوميتەتتىڭ ۋاكىلدەرمەن بايلانىسى كۇشەيتىلىپ، ۋاكىلدەردىڭ حالىق بۇقاراسىمەن بايلانىسى قويۋلاتىلىپ، ۋاكىلدەردىڭ قىزمەت وتەۋىن قامتاماسىزداندىرۋ قىزمەتىنىڭ ورەسى جوعارىلاتىلدى. بەسىنشى، پارتيا مەن مەملەكەتتىڭ ديپلوماتيالىق جالپى جاعدايىنا قىزمەت وتەۋ توڭىرەكتەلىپ ديپلوماتيالىق قىزمەت ورىستەتىلدى. حالىق قۇرىلتايىنىڭ سىرتقا قاراتىلعان قىزمەتتەگى ىرىقتىلىعى، باعىتتامالىلىعى، ءبىر تۇتاس جوسپارلانۋى اناعۇرلىم كۇشەيتىلدى. التىنشى، پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولۋ تىعىز ارقاۋ ەتىلىپ، وزىندىك قۇرىلىس كۇشەيتىلدى. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
