شي جينپيڭ ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى ماجىلىسىنە قاتىناسقاندا مىنانى دارىپتەدى
ۇدايىلانعان ىندەتتەن ساقتانۋ - تىزگىندەۋ العى شارتىندا ارميانىڭ ءتۇرلى قىزمەتىن تىڭعىلىقتى ىلگەرىلەتىپ، مەملەكەت قورعانىسى مەن ارميا قۇرىلىسىنىڭ 2020 - جىلعى نىسانالىق مىندەتتەرىن باتىل جۇزەگە اسىرۋ كەرەك
2020.05.27 14:12 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 26 - كۇنى، بەيجيڭ (تىلشىلەر لي شۋەيۇڭ، لي شۋانلياڭ). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 26 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەسىنىڭ جالپى ماجىلىسىنە قاتىناسقاندا مىنانى دارىپتەدى: بۇكىل ارميا يدەيا مەن ارەكەتتى پارتيا ورتالىق كوميتەتىنىڭ شەشىم، ورنالاستىرۋلارىمەن سانالىلىقپەن بىرلىككە كەلتىرىپ، سەنىمدى بەكەمدەپ، قيىندىقتان تايسالماي، ۇدايلانعان ىندەتتەن ساقتانۋ - تىزگىندەۋ العى شارتىندا ارميانىڭ ءتۇرلى قىزمەتىن تىڭعىلىقتى ىلگەرىلەتىپ، مەملەكەت قورعانىسى مەن ارميا قۇرىلىسىنىڭ 2020 - جىلعى نىسانالىق مىندەتتەرىن باتىل جۇزەگە اسىرىپ، پارتيا مەن حالىق جۇكتەگەن ءتۇرلى مىندەتتى باتىل ورىنداۋى كەرەك.ماجىلىستە لي يۇڭ، حى لەي، ۋاڭ حاي، لي حوحۇي، سۇي يۇيليڭ، جۇڭ جىميڭ، ۋاڭ حۇيچيڭ، ليۋ گۋاڭبين سىندى 8 ۋاكىل جەكە - جەكە ءسوز سويلەپ، ارميامىزدىڭ ىندەتتەن ساقتانۋ - تىزگىندەۋ مىندەتىن اتقارۋ، ىندەتكە قارسى اتتانۋ شارت - جاعدايىندا اسكەري جاتتىعۋدى كۇشەيتۋ، بيولوگيالىق حاۋىپسىزدىك قورعانىس قۋاتى قۇرىلىسىن جەدەلدەتۋ، مەملەكەت قورعانىسى مەن ارميا رەفورماسىن، زاڭ شىعارۋ قىزمەتىن ىلگەرىلەتۋ، ارميامىز قۇرىلىسىنىڭ «13 - بەسجىلدىق» جوباسىن تياناقتاندىرۋ جانە «14 - بەسجىلدىق» جوبانى جاساۋ قاتارلى ماسەلەلەر جونىندە پىكىر - ۇسىنىس بەردى.ۋاكىلدەردىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول الدىمەن بۇكىل ارمياداعى اسكەري بولىمدەردىڭ جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ مىندەتىن اتقارۋ احۋالىن تولىق تۇراقتاندىردى. شي جينپيڭ مىنالاردى اتاپ كورسەتتى: وسى رەتكى ىندەتتەن ساقتانۋ - تىزگىندەۋ كۇرەسى ارميامىز جونىنەن ۇلكەن سىناق بولدى. حالىق ارمياسى پارتيانىڭ قولباسشىلىعىنا بويسۇنىپ، بۇيرىق بەرىلىسىمەن اتتانىسقا كەلىپ، ىندەتتەن ساقتانۋ - تىزگىندەۋ كۇرەسىندە ماڭىزدى رول اتقارىپ، كورنەكتى ۇلەس قوستى. اماليات حالىق ارمياسىنىڭ باستان - اياق پارتيا مەن حالىقتىڭ بۇكىلدەي سەنىمدى قاھارمان ارمياسى بولا الاتىنىن تاعى ءبىر رەت دالەلدەدى.
شي جينپيڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن ۇشتاستىرىپ، مەملەكەت قورعانىسى مەن ارميا قۇرىلىسىنىڭ ءتۇيىندى قىزمەتتەرى جونىندە تالاپ قويدى. ول مىنالاردى دارىپتەدى: بۇل رەتكى ىندەت دۇنيە ءجۇزى جاعدايىنا تەرەڭ ىقپال جاسادى، ەلىمىزدىڭ حاۋىپسىزدىگى مەن دامۋىنا دا تەرەڭ ىقپال جاسادى. تومەنگى شەكتە ويلاۋدان جازباي، اسكەر جاتتىقتىرىپ سوعىسقا دايىندالۋ قىزمەتىن جاپپاي كۇشەيتىپ، ءتۇرلى كۇردەلى احۋالداردى ۋاعىندا ۇتىمدى ءبىر جاقتى ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن، مەملەكەتتىڭ ستراتەگيالىق جالپى جاعدايىنىڭ ورنىقتىلىعىن باتىل قورعاۋ كەرەك. ىندەتتەن ساقتانۋ - تىزگىندەۋ شارت - جاعدايىندا اسكەر جاتتىقتىرۋ ءتاسىلى مەن ادىسىندە ىزدەنىس جاساپ، ۋاقىتقا، جاعدايعا قاراي عىلمي رەتتەۋ - مەڭگەرۋ قىزمەتىن جاقسى ىستەپ، اسكەري كۇرەس دايىندىعىن جەدەل ىلگەرىلەتىپ، اسكەري جاتتىعۋدى يكەمدى ورىستەتىپ، ارميامىزدىڭ اسكەري مىندەت وتەۋ قۋاتىن جالپى بەتتىك جوعارىلاتۋ كەرەك.
شي جينپيڭ مىنالاردى اتاپ كورسەتتى: وسى رەتكى ىندەتتەن ساقتانۋ - تىزگىندەۋ كۇرەسى مەملەكەت قورعانىسى مەن ارميا رەفورماسى جونىنەن ءبىر رەتكى ءىس جۇزىندىك سىناق بولىپ، رەفورمانىڭ ونىمدىلىگىن تولىق ايگىلەدى. سونىمەن بىرگە، رەفورماعا دا جاڭا تالاپتار قويدى. باعىتتى وزگەرتپەۋدە، جولدان اۋىتقىماۋدا، تەبىندى السىرەتپەۋدە تاباندى بولۋ كەرەك. ساياسات، ءتۇزىم رەفورماسى سىندى وسى ءتۇيىندى مىقتى يگەرىپ، ءتۇرلى رەفورما قىزمەتىن ءبىر تۇتاس جوسپارلاپ، ويداعىداي يگەرىپ، رەفورما مىندەتىن ۋاعىندا ورىنداۋ كەرەك. ىندەتتەن ساقتانۋ - تىزگىندەۋ قىزمەتىندە بايقالعان جاڭا احۋالدار مەن جاڭا ماسەلەلەردى رەفورمالاۋ، جاڭالىق جاراتۋ وي جەلىسى مەن ءادىسى ارقىلى شەشۋگە ءمان بەرۋ كەرەك. ارميامىزدىڭ دارىگەرلىك عىلمي زەرتتەۋ ابزالدىعىن ساۋلەلەندىرىپ، جاڭا تيپتى ايدارشا ۆيرۋس وكپە قابىنۋىن جازاتىن دارىلەر مەن ۆاكسينانى زەرتتەپ اشۋدى تەزدەتىپ، ءتىپتى دە كوپ وزەكتى ءونىم شىعارۋ كەرەك. عىلىم - تەحنيكادا جاڭالىق جاراتۋدا جاۋىنگەرلىك قۋاتتى تاسقىنداتۋدا تاباندى بولىپ، مەملەكەت قورعانىسى عىلىم - تەحنيكاسىندا جاڭالىق جاراتۋدى، اسىرەسە، دەربەس جاڭالىق جاراتۋدى، ءتول جاڭالىق جاراتۋدى كۇشەيتۋ كەرەك. رەفورما جاساپ، جاڭالىق جاراتۋدىڭ تەتىگى ادامدا، «ءۇشتى ءبىر تۇلعالاندىرۋ» دارىندى تاربيەلەۋ جۇيەسىن ورناتىپ، ءمورالىنا دارىنى ساي ساپالى، ماماندانعان جاڭا تيپتەگى اسكەري دارىندىلار شەبىن قۇرىپ شىعۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
