بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك حالىق قۇرىلتايى تۇراقتى كوميتەتى اۋىل شارۋاشىلىعىن ماشينالاندىرۋدى جەبەۋ زاڭىنىڭ اتقارىلۋىن تەكسەرۋدى باستادى

2020.06.02 16:18     كەلۋ قاينارى : حالىق تورابى

  شينحۋا اگەنتتىگى، 6 - ايدىڭ 1 - كۇنى، بەيجيڭ (ءتىلشى يۇي ۋىنجيڭ). شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ اۋىل شارۋاشىلىعىن ماشينالاندىرىپ دامىتۋ جونىندەگى شەشىمدەرى مەن ورنالاستىرۋلارىن ىشكەرىلەي دايەكتى تياناقتاندىرىپ، زاڭنىڭ اتقارىلۋ احۋالىن جان - جاقتى ۇعىسىپ، زاڭدى اتقارۋ بارىسىندا ورىن تەپكەن باستى ماسەلەلەردى شەشىپ، اۋىل شارۋاشىلىعىن ماشينالاندىرۋدىڭ جوعارى ساپالى دامۋىن جەبەۋ ءۇشىن، مەملەكەتتىك حالىق قۇرىلتايى تۇراقتى كوميتەتى اۋىل شارۋاشىلىعىن ماشينالاندىرۋدى جەبەۋ زاڭىنىڭ اتقارىلۋىن تەكسەرۋدى باستادى.

  ءتىلشىنىڭ 6 - ايدىڭ 1 ـ كۇنى بەيجيڭدە اشىلعان مەملەكەتتىك حالىق قۇرىلتايى تۇراقتى كوميتەتىنىڭ اۋىل شارۋاشىلىعىن ماشينالاندىرۋدى جەبەۋ زاڭىنىڭ اتقارىلۋىن تەكسەرۋ گرۋپپاسىنىڭ 1 ـ رەتكى جالپى جيىنىنان ۇعىسۋىنشا، تەكسەرۋ گرۋپپاسى 6 - ايدان 7 - ايدىڭ باس شەنىنە دەيىن جيلين، جياڭسۋ، حىنان، چۇڭچيڭ، سىچۋان، شينجياڭ سىندى 6 ولكە، اۆتونوميالى رايون، توتە قاراستى قالاعا بارىپ تەكسەرۋ جۇرگىزەدى ەكەن، سونىمەن بىرگە، ىشكى موڭعۇل، حيلۇڭجياڭ، انحۇي، جياڭشي، شاندۇڭ، گۇيجوۋ سىندى 6 ولكە دارەجەلى حالىق قۇرىلتايى تۇراقتى كوميتەتىنە ءوز اكىمشىلىك وڭىرىندەگى اۋىل شارۋاشىلىعىن ماشينالاندىرۋدى جەبەۋ زاڭىنىڭ اتقارىلۋ احۋالىنا جەكە - جەكە تەكسەرۋ جۇرگىزۋدى جۇكتەگەن.

  ۇعىسۋعا قاراعاندا، زاڭ اتقارۋدى تەكسەرۋ گرۋپپاسى اۋىل شارۋاشىلىعىن ماشينالاندىرۋدى جەبەۋ زاڭىنىڭ اتقارىلۋ احۋالىن جان - جاقتى ۇعىسۋ نەگىزىندە، ەگىس ماشينالارى كاسىپتىك دارىندىلارىن تاربيەلەۋ، اۋىل شارۋاشىلىق ماشينالارىنىڭ ينفورماتسيالىق قىزمەت وتەۋىن ىلگەرىلەتۋ، عىلمي زەرتتەۋ مەن اشۋعا ۇسىنىلىمدى ارتتىرۋ جاعدايى؛ اۋىل شارۋاشىلىعىن ماشينالاندىرۋدىڭ ولشەمدى جۇيەسى قۇرىلىسى، الەۋمەتتىك يگىلىك سيپاتىنداعى ەگىس ماشينالارى تەحنيكاسىن جەتىلدىرۋ، جالپىلاستىرۋ جاعدايى؛ ەگىس ماشينالارىمەن جۇمىس جۇرگىزۋگە قىزمەت وتەۋ جۇيەسىن كەمەلدەندىرۋ؛ قازىنا، فينانس، باجى جاعىنان جەڭىلدىك بەرۋ ساياساتىن قولدانىپ، اۋىل شارۋاشىلىعىن ماشينالاندىرۋدىڭ دامۋ جاعدايىن قولداۋ؛ اۋىل شارۋاشىلىعىن ماشينالاندىرۋدىڭ نەگىزدىك قۇرىلعىلار قۇرىلىسىن قورعاۋ جاعدايىن كۇشەيتۋ؛ اۋىل شارۋاشىلىق ماشينالارى بازارىن باقىلاۋ - باسقارۋ جانە ەگىس ماشينالارىنىڭ قاسيەتىن تەكسەرۋ، ەگىس ماشينالارىنىڭ حاۋىپسىز ءوندىرىسىن باسقارۋ احۋالى سياقتىلاردى تۇيىندەپ تەكسەرەدى ەكەن.

  7 - ايدىڭ سوڭىندا زاڭنىڭ اتقارىلۋىن تەكسەرۋ گرۋپپاسى ەكىنشى جالپى جيىنىن اشىپ، زاڭنىڭ اتقارىلۋىن تەكسەرۋ بايانداماسىنىڭ نۇسقاسىن اقىلداسادى جانە تالقىلايدى. 8 - ايدىڭ اياق شەنىندە زاڭنىڭ اتقارىلۋىن تەكسەرۋ گرۋپپاسى مەملەكەتتىك حالىق قۇرىلتايىنىڭ تۇراقتى كوميتەتىنە زاڭنىڭ اتقارىلۋىن تەكسەرۋ احۋالىنان مالىمەت بەرەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار