شي جينپيڭ مامان - وقىمىستىلاردىڭ اڭگىمە ءماجىلىسىن باسقارىپ اشقاندا مىنانى دارىپتەدى
قۇدىرەتتى الەۋمەتتىك دەنساۋلىق ساقتاۋ جۇيەسىن ورناتىپ، حالىقتىڭ دەنساۋلىعىن قورعاۋدى پارمەندى قامتاماسىزداندىرۋ كەرەك
لي كىچياڭ، ۋاڭ حۋنيڭ ماجىلىسكە قاتىناستى
2020.06.03 16:18 كەلۋ قاينارى : حالىق تورابى
«حالىق گازەتى»، 6 - ايدىڭ 2 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 2 - كۇنى تۇستەن كەيىن مامان - وقىمىستىلاردىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: حالىقتىڭ حاۋىپسىزدىگى − مەملەكەت حاۋىپسىزدىگىنىڭ ىرگە تاسى. تومەنگى شەكتە ويلاۋدى كۇشەيتىپ، قاتەر تانىمىن نىعايتىپ، دەنساۋلىق ساقتاۋ، سالاماتتىق سالاسىنداعى ەلەۋلى حاۋىپ - قاتەردەن قاي - قاشان دا ساقتانۋ كەرەك. قۇدىرەتتى الەۋمەتتىك دەنساۋلىق ساقتاۋ جۇيەسىن ورناتىپ، ساقتىق سيگنالىنا ءۇن قوسۋ مەحانيزمىن كەمەلدەندىرىپ، ساقتانۋ جانە قۇتقارۋ قابىلەتىن جالپى بەتتىك جوعارىلاتىپ، قورعانىس تورىن بەرىك توقىپ، قورعانىس داۋالىن بەرىك تۇرعىزعاندا عانا حالىقتىڭ دەنساۋلىعىن قورعاۋعا پارمەندى كەپىلدىك ەتۋگە بولادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ اڭگىمە ماجىلىسبنە قاتىناستى.
اڭگىمە ماجىلىسىندە جۇڭگو ينجەنەريا اكادەمياسىنىڭ اكادەميگى، گۋاڭجوۋ مەديتسينا ۋنيۆەرسيتەتىنىڭ تىنىس الۋ ىشكى اۋرۋلار ءبولىمىنىڭ پروفەسسورى جۇڭ نانشان، استانا مەديتسينا ۋنيۆەرسيتەتىنە قاراستى بەيجيڭ چاۋياڭ شيپاحاناسى باستىعىنىڭ ورىنباسارى، اعا شيپاگەر تۇڭ چاۋحۇي، جۇڭگو ينجەنەريا اكادەمياسىنىڭ اكادەميگى، تيانجين جۇڭگوشا شيپاگەرلىك ۋنيۆەرسيتەتىنىڭ باستىعى جاڭ بولي، جۇڭگو ينجەنەريا اكادەمياسىنىڭ اكادەميگى، اسكەري ىستەر عىلىم اكادەمياسى اسكەري مەديتسينا زەرتتەۋ ورنى ۋلى زات جانە ءدارى - دارمەك زەرتتەۋ ورنىنىڭ زەرتتەرمەنى لي سۇڭ، چيڭحۋا ۋنيۆەرسيتەتى سۋ شىمين مەكتەبىنىڭ مەڭگەرۋشىسى، الەۋمەتتىك باسقارۋ ينستيتۋتىنىڭ پروفەسسورى شۋە لان، جۇڭحۋا ساقتىق دارىگەرلىگى قوعامى باستىعىنىڭ ورىنباسارى، اعا شيپاگەر ياڭ ۋەيجۇڭ، چيڭحۋا ۋنيۆەرسيتەتى زاڭ ينستيتۋتىنىڭ پروفەسسورى، دەنساۋلىق ساقتاۋ زاڭىن زەرتتەۋ ورتالىعىنىڭ مەڭگەرۋشىسى ۋاڭ چىنگۋاڭ ىلگەرىندى - كەيىندى ءسوز سويلەپ، ەلىمىزدىڭ ەلەۋلى ىندەتتەن ساقتانۋ - تىزگىندەۋ ءتۇزىلىسى مەحانيزمىن كەمەلدەندىرۋ، مەملەكەتتىڭ الەۋمەتتىك دەنساۋلىق ساقتاۋ جۇيەسىن كەمەلدەندىرۋ، ەمدەۋ - قۇتقارۋ دەڭگەيىن جوعارىلاتۋ، جۇڭگوشا شيپاگەرلىك، ءدارى - دارمەكتىڭ رولىن ساۋلەلەندىرۋ، عىلىم - تەحنيكانىڭ تىرەكتىك رولىن كۇشەيتۋ، الەۋمەتتىك دەنساۋلىق ساقتاۋ زاڭ - ەرەجەلەرى جۇيەسىن كەمەلدەندىرۋ سياقتىلار جونىندە پىكىر جانە ۇسىنىستار قويدى. ءسوز سويلەۋ بارىسىندا شي جينپيڭ ءاربىر مامان - وقىمىستىمەن پىكىر الماستىرىپ، كەيبىر ماسەلەلەر جونىندە جاعدايدى ىشكەرىلەي ۇعىسىپ، قاتىستى جاقتاردىڭ مۇقيات زەرتتەۋىن، عىلمي جولمەن جاقسارتۋىن، بايىپپەن شەشۋىن تالاپ ەتتى.
كوپشىلىكتىڭ ءسوزىن مۇقيات تىڭداعاننان كەيىن باس شۋجي شي جينپيڭ توتەنشە ماڭىزدى ءسوز سويلەدى. ول مىنالاردى ءبىلدىردى: توسىننان كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا پارتيا ورتالىق كوميتەتى جالپى جاعدايدى ءبىر تۇتاس جوسپارلاپ، باتىل شەشىم جاساپ، حالىقتىڭ باس اماندىعى مەن دەنساۋلىعىن ءبىرىنشى ورىنعا قويۋدا تاباندى بولدى، بۇكىل پارتيا، بۇكىل ارميا، بۇكىل ەلدەگى ءار ۇلت حالقى جوعارىدان تومەنگە دەيىن ءبىر نيەت، ءبىر تىلەكتە بولىپ، بار كۇشىن سالدى، ەڭ قاتاڭ، ەڭ جان - جاقتى، ەڭ تۇبەگەيلى ساقتانۋ، تىزگىندەۋ شارالارى قولدانىلدى، بۇكىل ەل بويىنشا ىندەتتەن ساقتانۋ - تىزگىندەۋ توسقاۋىل شايقاسىندا كەلەلى ستراتەگيالىق تابىسقا قول جەتتى. وسى تابىستاردىڭ قولعا كەلۋى جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كورنەكتى ساياسي ابزالدىعىن، رەفورما جاساپ، قاقپا اشقاننان بەرى ەلىمىزدىڭ كۇن سايىن كۇشەيگەن جالپىلىق مەملەكەت قۋاتىن ايگىلەدى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ءبىر جاعادان باس، ءبىر جەڭنەن قول شىعارىپ، جۇدىرىقتاي جۇمىلعان قۇدىرەتتى كۇشىن ايگىلەدى.
شي جينپيڭ مىنالاردى اتاپ كورسەتتى: ىندەتتەن ساقتانۋ - تىزگىندەۋ كۇرەسىندە قالىڭ مامان، وقىمىستىلار وسكەلەڭ ساياسي جاۋاپكەرشىلىك جانە بورىشتىلىق سەزىممەن كاسىپتىك ابزالدىقتى ساۋلەلەندىردى، ىندەت جاعدايىنا تالداۋ جاساۋ، ساقتانۋ - تىزگىندەۋ تاكتيكاسىن كەمەلدەندىرۋ، ەمدەۋگە جەتەكشىلىك ەتۋ، عىلمي زەرتتەۋدەن قامال الۋدى جەدەلدەتۋ، زاڭ - ەرەجەلەرگە وزگەرىس ەنگىزۋ، حالىقارالىق سەلبەستىكتى جەبەۋ سياقتى جاقتاردا اقىل - كەڭەس بەرىپ، ىندەتتەن ساقتانۋ - تىزگىندەدۋ كۇرەسىنە ماڭىزدى ۇلەس قوستى. شي جينپيڭ پارتيا ورتالىق كوميتەتى اتىنان كوپشىلىككە شىن جۇرەكتەن العىس ايتتى.
شي جينپيڭ مىنالاردى دارىپتەدى: ادامزاتتىڭ سالاماتتىعى − قوعامدىق وركەنيەتتىڭ العا باسۋىنىڭ نەگىزى. پارتيانىڭ 18 - قۇرىلتايىنان بەرى پارتيا ورتالىق كوميتەتى جاڭا داۋىردەگى پارتيانىڭ دەنساۋلىق ساقتاۋ، سالاماتتىق قىزمەت باعىتىن ايقىنداپ، حالىقتىڭ دەنساۋلىق ورەسىن جوعارىلاتۋدىڭ تۇزىمدىك كەپىلدىگىن كۇشەيتتى، الەۋمەتتىك دەنساۋلىق ساقتاۋعا قىزمەت وتەۋ جۇيەسىن ورنىقتى دامىتىپ، A تيپتى H1N1 جۇقپالى تۇماۋى، H7N9، ەبولا قاناعىش قىزباسى قاتارلى توسىن ىندەتتەردەن ساقتانۋ جانە وعان توتەپ بەرۋدە تابىسقا جەتتى، باستى جۇقپالى اۋرۋلاردىڭ پايدا بولۋ شاماسى كورنەكتى تومەندەدى. «ەكى 100 جىلدىق» كۇرەس نىساناسىن جۇزەگە اسىرۋدىڭ تاريحي اياق الىسىندا دەنساۋلىق ساقتاۋ، سالاماتتىق ىستەرىن دامىتۋ باستان - اياق نەگىزدىك ورىندا تۇرىپ، مەملەكەتتىڭ جالپى تۇلعالىق ستراتەگياسىمەن تىعىز ۇشتاستىرىلدى ءارى ول ماڭىزدى تىرەكتىك رولىن ساۋلەلەندىرۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
