شي جينپيڭ گەرمانيانىڭ پرەمەر مينيسترى مەركەلمەن تەلەفوندا سويلەستى
2020.06.04 15:29 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 3 - كۇنى، بەيجيڭ، مەملەكەت ءتوراعاسى شي جينپيڭ 6 - ايدىڭ 3 - كۇنى كەشتە گەرمانيانىڭ پرەمەر مينيسترى مەركەلمەن تەلەفوندا سويلەستى.
شي جينپيڭ مىنالاردى اتاپ كورسەتتى: بۇل − ءبىز جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ءۇشىنشى رەت تەلەفوندا سويلەسۋىمىز، وسىنىڭ ءوزى ەكى جاقتىڭ وسكەلەڭ ساياسي سەنىمدىلىگى مەن تىعىز ستراتەگيالىق بايلانىسىن ايگىلەدى. جۇڭگو جاق گەرمانيا ۇكىمەتىنىڭ ىندەت ماسەلەسىندە وبيەكتيۆ، اقىلعا قونىمدى مايداندا تۇرعانىن جانە عىلمي پوزيتسياعا قۇرمەت ەتكەنىن القايدى. جۇڭگو گەرمانيامەن بىرگە دۇنيە جۇزىلىك دەنساۋلىق ساقتاۋ ۇيىمىنىڭ قىزمەتىن بىرگە قولداپ، ب م ۇ، 20 ەل توبى سياقتى جۇلگەلەردە حالىقارالىق سەلبەستىكتى ىلگەرىلەتۋدى؛ افريكا ەلدەرىنىڭ ىندەتكە قارسى اتتانۋىن بىرگە قولداپ، دۇنيە جۇزىلىك الەۋمەتتىك دەنساۋلىق ساقتاۋ حاۋىپسىزدىگىن قورعاۋعا ۇلەس قوسۋدى قالايدى.
شي جينپيڭ مىنالاردى دارىپتەدى: ءبىز ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ويداعىداي ءبىر تۇتاس جوسپارلاۋىمىز كەرەك. جۇڭگو ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى جاعدايى وزگەرگەن جوق. ءبىز سىرتقا قاقپا اشۋدى تاباندىلىقپەن ىلگەرىلەتىپ، دۇنيە جۇزىمەن سەلبەستىكتى كەڭەيتەمىز، گەرمانيا كاسىپورىندارىنىڭ جۇڭگوعا قارجى قوسۋىن كەڭەيتۋىنە ۇزدىكسىز مۇمكىندىك جاراتۋدى قالايمىز. جاقىندا جۇڭگو مەن گەرمانيانىڭ «تەز وتكەلى» رەسمي ىسكە قوسىلدى. بۇل ەكى ەلدەگى مۇقتاج كاسىپورىنداردىڭ جۇمىستى، ءوندىرىستى قالپىنا كەلتىرۋىنە كومەكتەسىپ، حالىقارالىق كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قورعاۋعا ءتيىمدى. جۇڭگو - گەرمانيا سەلبەستىگىنىڭ دۇنيە ءجۇزىنىڭ ەكونوميكانىڭ قۇلدىراۋىنان ەرتەرەك قۇتىلۋىن جەبەۋدە ءتيىستى رول اتقاراتىنىنا سەنەمىن.
شي جينپيڭ مىنالاردى اتاپ كورسەتتى: جۇڭگو مەن گەرمانيا ورنىقتى، تاماشا سەلبەستىك قاتىناسىن ساقتاپ كەلەدى. جۇڭگو گەرمانيامەن تىلدەسۋدى، اۋىس - كۇيىستى ۇزدىكسىز ورىستەتۋدى قالايدى. بيىل سوڭعى جارىم جىلدا گەرمانيا ەۆروپا وداعىنىڭ ءتوراعا ەلى مىندەتىن وتەيدى. جۇڭگو گەرمانيانىڭ جۇڭگو - ەۆروپا قاتىناسىنىڭ دامۋىن بەلسەنە ىلگەرىلەتۋدى قالايتىنىن القايدى، گەرمانيا جانە ەۆروپا وداعى جاقپەن ستراتەگيالىق سەلبەستىكتى كۇشەيتىپ، كوپ جاقتىلىقتا تاباندى بولۋدى، دۇنيە جۇزىلىك سىن - سايىسقا توتەپ بەرىپ، تۇراقسىز دۇنيە جۇزىنە تۇراقتىلىق ۇستەۋدى قالايدى. جۇڭگو - گەرمانيا، جۇڭگو - ەۆروپا اراسىندا قازىر ءبىرقىدىرۋ كەلەلى ساياسي بارىس - كەلىس كۇن ءتارتىبى جونىندە كەڭەس وتكىزىلۋدە، جۇڭگو گەرمانيامەن، ەۆروپامەن تىعىز بايلانىستى، سايكەستىكتى ساقتاپ، وسى قيمىلداردىڭ تابىستى بولۋىنا كەپىلدىك ەتۋدى، جۇڭگو - گەرمانيا، جۇڭگو - ەۆروپا قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
