بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2020.06.10 16:34     كەلۋ قاينارى : حالىق تورابى

  ماجىلىستە قازىنالىق قارجىنى تىڭنان ارتتىرۋ سىندى كاسىپورىندارعا، حالىققا تىكەلەي تيىمدىلىك، پايدا جەتكىزەتىن ەرەكشە جوتكەپ تولەۋ مەحانيزمىن ورناتۋ بەلگىلەندى؛ ءوتىمدى ەكسپورت تاۋارلارى جونىنەن ەل ءىشى بازارىن اشۋدى قولداپ، سىرتقى ساۋدا كاسىپورىندارىنىڭ قيىنشىلىقتان وتۋىنە كومەكتەسۋ جونىندە ورنالاستىرۋ جاسالدى

  شينحۋا اگەنتتىگى، 6 - ايدىڭ 9 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 6 - ايدىڭ 9 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە قازىنالىق قارجىنى تىڭنان ارتتىرۋ سىندى كاسىپورىندارعا، حالىققا تىكەلەي تيىمدىلىك، پايدا جەتكىزەتىن ەرەكشە جوتكەپ تولەۋ مەحانيزمىن ورناتۋ بەلگىلەندى؛ ءوتىمدى ەكسپورت تاۋارلارى جونىنەن ەل ءىشى بازارىن اشۋدى قولداپ، سىرتقى ساۋدا كاسىپورىندارىنىڭ قيىنشىلىقتان وتۋىنە كومەكتەسۋ جونىندە ورنالاستىرۋ جاسالدى.

  ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا، «التىنى ورنىقتىرۋ» قىزمەتىن ويداعىداي ىستەۋ، «التىنى قامتاماسىزداندىرۋ» مىندەتىن تياناقتاندىرۋ − ۇكىمەتتىڭ بيىلعى ماڭىزدى قىزمەتى، كەزەك كۇتتىرمەيتىن ءىس. جۇمىستانۋعا، حالىق تۇرمىسىنا كەپىلدىك ەتىپ، بازار تۇلعاسىن قامتاماسىز ەتۋدە قالا، اۋدانداردىڭ تياناقتاندىرۋىنا سۇيەنۋ كەرەك. بيىل مەملەكەت باجىنى، اقىنى تىڭنان 2 تريلليون 500 ميلليارد يۋان كەمەيتۋدى بەلگىلەدى، مۇنىڭ ىشىندە قوعامدىق قامسىزداندىرۋ قاراجاتىن ازايتۋ، كەشىرىم ەتۋ بازار تۇلعالارىنىڭ ءبىر تريلليون 600 ميلليارد يۋاننان استام اۋىرتپالىعىن جەڭىلدەتەدى، كوپ ساندىسى سوڭعى جارىم جىلدا جۇزەگە اسادى، كوپتەگەن جەر ءوز الدىنا باجىنى كەمەيتىپ، اقىنى تومەندەتۋدە، بۇل كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ قيىنشىلىعىن شەشىپ، قيىنشىلىعى بار بۇقارانىڭ قيىنشىلىعىن شەشۋگە پارمەندى قولداۋ كورسەتەدى، الايدا، قالا، اۋدانداردىڭ قازىنالىق قۋاتىنا دا زور ىقپال جاسايدى. جاڭادان كوبەيتىلگەن قىزىل سيفردان جانە ىندەتكە قارسى تۇرۋ ەرەكشە زايومىنان جيىنى 2 تريلليون يۋان قاراجات قالا، اۋداندارعا توتە جەتكىزىلەدى، مۇندا جەرگىلىكتى ورىندارداعى ىندەتتىڭ ىقپالىنا اۋىر دارەجەدە ۇشىراعان ورتا، شاعىن، ۇساق كاسىپورىنداردى، جەكە ونەركاسىپشىلەر مەن ساۋداگەرلەردى جانە قيىنشىلىعى بار بۇقارانى سۇيەمەلدەۋ شارالارىن تياناقتاندىرىپ، الەۋمەتتىك دەنساۋلىق ساقتاۋ سياقتى نەگىزدىك قۇرىلعىلار قۇرىلىسى مەن ىندەتكە قارسى اتتانۋعا قاتىستى شىعىستاردى كوبەيتۋ كەرەك. ماجىلىستە مىنالار تۇراقتاندىرىلدى: ەرەكشە اۋدارىپ تولەۋ مەحانيزمىن ورناتىپ، تىڭنان ارتقان قازىنالىق قارجىنى ورتالىقتىڭ جەرگىلىكتى ورىندارعا اۋدارىپ تولەۋىن ارتتىرۋ، ۇكىمەتتىك قورعا اۋدارىپ تولەۋدى ورنالاستىرۋ سياقتى تاسىلدەر ارقىلى تۇگەلدەي قالا، اۋداندارعا دەرەۋ جەتكىزۋ كەرەك. ورتالىق قازىنا قاتىستى تاراۋلارمەن بىرگە باسقارۋدى كۇشەيتۋى كەرەك. ولكە دارەجەلى ۇكىمەتتەر «جولدان وتكەن بايلىقتىڭ قاداعالاۋشىسى» بولۋى، سونىمەن بىرگە، «قول قۋسىرىپ قاراپ وتىرماي»، قارجىنى باقىلاپ باسقارۋدى كۇشەيتىپ، ءوز قازىنالىق قۋاتىن نەگىزگى ساتىعا كوبىرەك ءتۇسىرىپ، نەگىزگى ساتىنىڭ قازىنالىق قۋاتىن تولىقتاپ، ورتالىق تۇراقتاندىرعان جۇمىستانۋعا كەپىلدىك ەتۋ، حالىق تۇرمىسىنا كەپىلدىك ەتۋ شارالارىنىڭ شىنايى تياناقتانۋىنا كەپىلدىك ەتۋى كەرەك. قالالىق، اۋداندىق ۇكىمەتتەر ىستەتۋ ەسەپ داپتەرىن ورناتىپ، قارجىنىڭ انىق، ەسەپ - قيساپتى تەكسەرۋگە مۇمكىندىك بولۋىنا كەپىلدىك ەتۋى كەرەك. قازىنا مينيسترلىگى تولىق قامتيتىن، تۇتاس تىزبەكتى باقىلاۋ جۇيەسىن قۇرۋى، ءار دارەجەلى مەملەكەت قازىنالارى قارجىنى تۇيىندەر ارا تىكەلەي تولەۋگە، ناقتى ەسەپتىڭ ۇيلەسىمدى بولۋىنا كەپىلدىك ەتۋگە قۋزاۋشىلىق ەتۋى، قازىنالىق باقىلاۋ تاراۋلارى ارناۋلى قازىنالىق باقىلاۋ جۇرگىزۋى كەرەك. باسقاعا جۇمساعانداردى، جالعان مالىمدەپ، الداپ العانداردى زاڭ بويىنشا قاتاڭ جاۋاپقا تارتۋ، باتىل ءبىر جاقتى ەتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار