حالىق تورابىنىڭ شولۋى: ورتانى باقىلاۋ – تەكسەرۋدى ىندەت جاعدايىنان ساقتاندىرۋدىڭ ماڭىزدى ءتاسىلى ەتۋ كەرەك
زى چۋان
2020.06.17 13:35 كەلۋ قاينارى : حالىق تورابى
بەيجيڭ قالاسى شيچىڭ رايونى گۋاڭۋاي تيانتاۋ حۇڭليان كوكونىس بازارىنداعى ءىشىنارا جەرلەرىندەگى نۋكلەين قىشقىلىن تەكسەرۋ ناتيجەسى ءبولىمدى بولعاندىقتان تاعى ءبىر كوكونىس بازارىنىڭ جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالعاندىعى انىقتالدى.
5 كۇندە 106 ادامعا دياگنوز قويىلدى، بۇلاردىڭ بارلىعىنىڭ شينفادي بازارىمەن بايلانىسى بار، بەيجيڭ قالاسىنىڭ بۇل رەتكى اۋرۋدىڭ كەلۋى وتە تەز بولدى، ءبىراق، ەگجەي - تەگجەيلى وي جۇگىرتسەك، ونىڭ ءمان – جايىن ءبىلۋ دە قيىن ەمەس، شينفادي بازارى استانانىڭ «كوكونىس شارباعى»، «جەمىس تالەڭكەسى» دەگەن اتى بار، 1680 مۋ جەردەگى تۇراقتى جايما ورنىندا 2000 اينالاسىندا جايما ورنى بار، تەك باسقارۋشىلاردىڭ ءوزى 1500 ادام بولىپ، ٵر كۇنى ادامدار يىن تىرەسىپ جۇرەدى. ۆيرۋستىڭ تەز تارالۋىنىڭ وبيەكتيۆ شارت - جاعدايىن ازىرلەگەن.
ەل ىشىندەگى اۋىل شارۋاشىلىق ساۋدا بازارلارى نەگىزىنەن ۇقساس. قىزمەتكەرلەردىڭ كوبى توڭىرەكتىڭ ءتورت بۇرىشىنان كەلگەندەر، ادام سانى كوپ، وتە ٴجيى ورنالاسقان، كەلىپ - كەتۋشىلەر وتە كوپ، ونىڭ ۇستىنە ءتىرى قۇس، سۋ ونىمدەرىن ساتۋ ورىندارى ۇنەمى قاراڭعى، دىمقىل، ىستىق بولادى، ورتا تازالىعىن باسقارۋدىڭ قيىندىعى ءبىرشاما جوعارى، ۆيرۋستىڭ وتە وڭاي تارالاتىن جىلى توسەگى بولعاندىقتان، جۇقپالى اۋرۋلاردان ساقتانۋ جانە ونى تىزگىندەۋدىڭ ءالسىز بۋىندارىنا جاتادى.
ىندەت قايتا ورشىگەننەن كەيىن، جەر - جەردەگى قاتىستى تاراۋلار بەلسەنە توتەپ بەردى. بەيجيڭ قالاسى فىڭتاي رايوندىق ەكولوگيالىق ورتا مەكەمەسى قورشاعان ورتانى باقىلاۋ ـ تەكسەرۋ تارماق اترەتىن ۇيىمداستىرىپ، شينفادي تولايىم ساتۋ بازارىنىڭ لاس سۋ شىعارۋ باس ۋچاستيكاسى جونىندە ۇلگى الىپ باقىلاۋ ـ تەكسەرۋ جۇرگىزدى؛ بەيجيڭ قالاسى شيچىڭ رايونى جاڭا تيپتى ايدارشا ۆيرۋس وكپە قابىنۋ ىندەتىنە شالدىققانداردىڭ بارعان ورىندارىنا باقىلاۋ ـ تەكسەرۋ جۇرگىزدى، ورتانى دەر كەزىندە ديزەنفەكسيالادى؛ شاڭحاي، چىڭدۋ، ۋحان قاتارلى كوپ جەرلەر حاۋىپ - قاتەردى تەكسەرىپ انىقتاۋدى كۇشەيتىپ، تەڭىز ونىمدەرىن ساتاتىن، مانەرلەيتىن جانە توڭازىتىلعان ەتتى يمپورت ەتەتىن تولايىم ساتۋ بازارى، ءىرى تيپتەگى ەرەن بازاردىڭ بارلىق قىزمەتكەرلەرىنە جاڭا تيپتى ايدارشا ۆيرۋس وكپە قابىنۋ ىندەتىن انىقتايتىن نۋكلەين قىشقىلى تەكسەرۋىن ۇزدىكسىز قانات جايدىردى... دەر كەزىندە قولدانىلعان، جوعارى ٶنىمدى ءبىرقىدىرۋ شارالار جەر - جەردەگى بۇقارانىڭ كوڭىلىن ورنىقتىردى، ناتيجەلى دەۋگە ابدەن تاتيدى.
الايدا، ىندەتتەن ساقتانۋ جانە ونى تىزگىندەۋ جاعىندا ءالى دە ولقىلىقتاردىڭ بار ەكەنىن مويىنداماي بولمايدى. ىندەتتەن ساقتانۋ جانە ونى تىزگىندەۋدىڭ ۇدايىلانعان جاعدايىندا، ءبىز ادامعا بولعان باقىلاۋ مەن ءبىر - بىرلەپ تەكسەرۋدى كۇشەيتىپ، ىندەتتىڭ ٴورشۋىنىڭ الدىن الۋدا بەلسەندى، ءونىمدى رول اتقارۋىمىز كەرەك. الايدا ءبىز ءالى دە «ىندەتتىڭ سوڭىنان ىلەسۋدى» نەگىز ەتىپ وتىرمىز. ادەتتە ىندەت جاعدايى تۋىلعاننان كەيىن بارىپ، ورتانى تەكسەرىپ، ۆيرۋستى جويۋدامىز. ەگەر ىندەت پايدا بولۋدان بۇرىن ورتانى باقىلاۋ تەبىنىن كۇشەيتسەك، نەمەسە ىندەتتەن ساقتانۋ ونىمدىلىگىن بارىنشا جوعارىلاتساق، ىندەتتەن ساقتانۋ جانە ونى تىزگىندەۋ ءۇشىن ءتىپتى دە قىمباتتى ۋاقىت ۇتۋىمىز مۇمكىن.
ءىشىنارا مەملەكەتتىڭ ۆيرۋستى باقىلاۋعا قاتىستى شەشىمدەرى مەن ادىستەرى بىزگە وي سالادى. ۇلى بريتانيانىڭ «تابيعات» جۋرنالى زەرتتەۋ ارقىلى بىلاي دەگەن: نيدەرلاندتىڭ امەرسفورت قالاسى الەۋمەتتىك اۋماقتىڭ مالىمەتىنەن بۇرىن، تۇرمىستىق لاس سۋلاردىڭ اراسىنان جاڭا تيپتى ايدارشا ۆيرۋسىن بايقاعان. ۇلى بريتانيا دا تۇرمىستىق لاس سۋلارداعى جاڭا تيپتى ايدارشا ۆيرۋسىن باقىلاپ – تەكسەرۋ دەڭگەيىن جوعارىلاتىپ، ىندەتتەن الدىن الا ساقتاندىرۋ جۇيەسىنىڭ «العى قاراۋىلىن» ورنالاستىرعان.
بىرنەشە ايدان بەرى، ءبىز ىندەت تۋىلعاننان كەيىن، قالاي دەر كەزىندە توتەپ بەرۋ، ۆيرۋستىڭ تارالۋىن قالاي توسۋ، اۋرۋدى قالاي ەمدەۋ سياقتى جاقتاردا كوپتەگەن باعالى تاجىريبەلەر توپتادىق، بەيجيڭ قالاسىنىڭ بۇل رەتكى تەز قارقىنمەن ءبىر جاقتى ەتۋى وسىنىڭ تاماشا ءبىر مىسالى. ءبىراق، ءونىمدى ساقتانۋ ەڭ جاقسى ەمدەۋ سانالادى. ۆاكسينا قۇيۋدان بۇرىن، جەر - جەر شينفادي سياقتى ورىنداردىڭ ورتاسىن باقىلاۋ - تەكسەرۋدى كۇشەيتىپ، ورتانى باقىلاۋ - ولشەۋدىڭ جۇقپالى اۋرۋ جاعدايىنان ساقتاندىرۋ جاعىنداعى رولىن تولىق ساۋلەلەندىرۋ كەرەك، «شەپتى» العا جىلجىتىپ، حالىققا تاعى دا دەنساۋلىقتى قورعايتىن قورعانىس تورىن ورناتۋ كەرەك.
ۋحانداعى حۋانان تەڭىز ونىمدەرى بازارىنان بەيجيڭ شينفادي بازارىنا دەيىن، جاڭا تيپتى ايدارشا ۆيرۋسى تاعى دا وسى تۇردەگى بازاردا «بوي كورسەتتى»، بەيجيڭنەن بۇكىل ەل حالقىنا ساقتىق سەگىنالىن شالدى: ىندەتتەن ساقتانۋ – تىزگىندەۋ ۇدايىلانعان جاعدايدا، ەسكتى جاقسى كۇزەتۋدەن، ادامداردى جاقسى قاداعالاۋدان سىرت، جەردى دە جاقسى قورعاۋىمىز كەرەك. كوكونىس بازارى سياقتى ادامدار ءجيى ورنالاسقان، ۇلكەن ورىنداردى باستان - اياق ءتۇيىندى باقىلاۋ - باسقارۋ وبيەكتىسى ەتۋ كەرەك. مەرزىم بويىنشا ءبىر ـ بىرلەپ تەكسەرىپ، قورشاعان ورتانى باقىلاۋ ـ تەكسەرۋ تەبىنى مەن جيىلىگىن كۇشەيتىپ، حاۋىپ ـ قاتەردەن ساقتانۋعا كۇش سالۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
