سىرتقى ىستەر مينيسترلىگى ا ق ش – نىڭ اتالماش «2020 – جىلعى ۇيعۇرلاردىڭ ادامدىق ۇقىق ساياساتى زاڭ جوباسىنا» قول قويعاندىعى جونىندە مالىمدەمە جاريالادى
2020.06.19 14:21 كەلۋ قاينارى : حالىق تورابى
شينحۋا اگەنتتىگىنىڭ 6 ـ ايدىڭ 18 ـ كۇنى بەيجيڭنەن بەرگەن حابارى، سىرتقى ىستەر مينيسترلىگى 6 ـ ايدىڭ 18 ـ كۇنى ا ق ش جاقتىڭ اتالماش «2020 ـ جىلعى ۇيعۇرلاردىڭ ادامدىق ۇقىق ساياساتى زاڭ جوباسىنا» قول قويعاندىعى جونىندە مالىمدەمە جاريالادى. مالىمدەمەنىڭ تولىق مازمۇنى تومەندەگىدەي:
ا ق ش جاق اتالماش «2020 – جىلعى ۇيعۇرلاردىڭ ادامدىق ۇقىق ساياساتى زاڭ جوباسىنا» قول قويىپ زاڭعا اينالدىرماقشى. بۇل زاڭ جوباسى جۇڭگو شينجياڭىنىڭ ادامدىق ۇقىق احۋالىن قاساقانا قارالاعاندىق، جۇڭگو ۇكىمەتىنىڭ شينجياڭدى جونگە سالۋ ساياساتىنا جاۋىزدىقپەن شابۋىل جاساعاندىق، حالىقارالىق زاڭ مەن حالىقارالىق قاتىناستىڭ نەگىزگى ولشەمىن اياق استى ەتكەندىك، جۇڭگونىڭ ىشكى ىسىنە ارالاسقاندىق. جۇڭگو ۇكىمەتى مەن حالقى بۇعان قاتتى كەكتەنەدى جانە باتىل قارسى تۇرادى.
شينجياڭعا ساياتىن ماسەلە استە ادامدىق ۇقىق، ۇلت، ءدىن ماسەلەسى ەمەس، قايتا زورلىقتى كۇش لاڭكەستەرىنە جانە بولشەكتەۋشىلىككە قارسى تۇرۋ ماسەلەسى. شينجياڭ كەزىندە ۇشقارىلىقتىڭ، زورلىقتى كۇش لاڭكەستىك بولشەكتەۋ ارەكەتىنىڭ زالالىنا ۇشىراپ، حالىقتىڭ ءومىرى مەن مال ـ مۇلكىنىڭ حاۋىپسىزدىگىنە اۋىر قاتەر ءتوندى. شينجياڭ ۇستىنەن وڭاۋ مەن تۇبىرىنەن وڭاۋدى ۇشتاستىرىپ، سوققى بەرۋ مەن الدىن الۋدى ۇشتاستىرىپ، قولدانعان ءبىرقىدىرۋ شارالارى جۇڭگونىڭ زاڭىنا ۇيلەسىپ قانا قويماي، جۇڭگونىڭ حالىقارالىق قوعامنىڭ لاڭكەستىككە قارسى تۇرۋ جانە ۇشقارىلىقتى الاستاۋ دارىپتەمەسىن تياناقتاندىرۋى بولىپ تابىلادى. بۇل «ب م ۇ - نىڭ الەمدىك لاڭكەستىككە قارسى تۇرۋ ستراتەگياسى» مەن «زورلىقتى كۇش، ۇشقارىلىقتان ساقتانۋ ارەكەت جوسپارىن» تياناقتاندىرۋدىڭ ناقتى قادامى مەن ايگىلەنۋىن قامتيدى.
شينجياڭدا ورىستەتىلگەن ءتۇرلى قىزمەتتەر زورلىقتى كۇش لاڭكەستىك قيمىلدارىنىڭ ءجيى تۋىلۋ جاعدايىن ءونىمدى تەجەدى، مەملەكەتتىڭ تۇتاستىعىن، حاۋىپسىزدىگىن ەڭ زور دارەجەدە قورعاپ، شينجياڭداعى ءار ۇلت حالقىنىڭ ءومىر ءسۇرۋ ۇقىعى، دەنساۋلىق ۇقىعى، دامۋ ۇقىعى سياقتى نەگىزگى ۇقىقتارىن قامتاماسىز ەتتى. وتكەن 3 جىلدان استام ۋاقىتتان بەرى شينجياڭدا زورلىقتى كۇش لاڭكەستىك دەلوسى تۋىلمادى، ۇلتتارى تەڭ جانە ىنتىماقتى، ءدىن بەرەكەلى دە جاراسىمدى، حالىق تۇرمىسى تىنىش تا بەرەكەلى جاعداي پايدا بولدى. حالىقارالىق قوعام جۇڭگو ۇكىمەتىنىڭ شينجياڭدى جونگە سالۋ ساياساتىنا جاپپاي بەلسەندى باعا بەردى.
لاڭكەستىك، ۇشقارىلىق − ادامزات قوعامىنىڭ ورتاق جاۋى. ءار ەلدىڭ لاڭكەستىككە قارسى تۇرۋ، ۇشقارىلىقتى الاستاۋ قۇلشىنىسىن ۇقساماعان ولشەممەن ولشەۋگە بولمايدى. حالىقارالىق ادامگەرشىلىككە جانە ادامزاتتىڭ ار - نامىسىنا قايشىلىق جاساپ، قاساقانا بۇرمالاۋعا ءتىپتى دە بولمايدى. ا ق ش - نىڭ جوعارىدا ايتىلعان زاڭ جوباسى شىندىققا جاناسپايدى، دۇرىس پەن بۇرىستى شاتاستىرادى. شينجياڭنىڭ لاڭكەستىككە قارسى تۇرۋ، بولشەكتەۋشىلىككە قارسى تۇرۋ جانە ۇشقارىلىقتى الاستاۋ شارالارىن قارالاپ، لاڭكەستىككە قارسى تۇرۋ ماسەلەسىندە اشىقتان - اشىق قوس ولشەم قولدانباقشى، ا ق ش ـ نىڭ جۇڭگونىڭ يەلىك ۇقىعىنا، حاۋىپسىزدىگىنە زيان جەتكىزگەندىگىن، جۇڭگونىڭ ۇلتتار قاتىناسىنا ىرتكى سالىپ، شينجياڭنىڭ گۇلدەنۋى مەن ورنىقتىلىعىن ءبۇلدىرىپ، جۇڭگونىڭ دامىپ زورايۋىن تەجەيتىن سۇرقيا نيەتىن ونان ارى اشكەرەلەدى.
ءبىز ا ق ش – نا شينجياڭ ىستەرى بۇكىلدەي جۇڭگونىڭ ىشكى ىسىنە ءتان ەكەندىگىن، ءارقانداي شەتەلدىڭ كيلىگۋىنە جول بەرىلمەيتىندىگىن حابارلايمىز. جۇڭگو ۇكىمەتى مەن حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەكىمى مىزعىمايدى. ءبىز ا ق ش ـ نىڭ شينجياڭعا ساياتىن جوعارىداعى زاڭ جوبادان پايدالانىپ، جۇڭگونىڭ مۇددەسىنە زيان جەتكىزۋدى، جۇڭگونىڭ ىشكى ىسىنە كيلىگۋدى توقتاتۋىن تاعى ءبىر رەت ەسكەرتەمىز. ويتپەگەندە، جۇڭگو ءسوزسىز باتىل قارسى تۇرادى، وسىدان تۋىلعان بارلىق زارداپتى بۇكىلدەي ا ق ش ۇستىنە الادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
