شي جينپيڭ «ءبىر بەلدەۋ، ءبىر جول» حالىقارالىق سەلبەستىگىنىڭ جوعارى دارەجەلى بەينە ەكران ماجىلىسىندە جازباشا ارناۋ ءسوز جاريالادى
2020.06.19 16:17 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 18 - كۇنى، بەيجيڭ. «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى بەينە ەكران ءماجىلىسى 6 - ايدىڭ 18 - كۇنى بەيجيڭدە ءساتتى وتكىزىلدى. مەملەكەت ءتوراعاسى شي جينپيڭ ماجىلىستە جازباشا ارناۋ ءسوز جاريالادى.
شي جينپيڭ ارناۋ سوزىندە بىلاي دەپ اتاپ كورسەتتى: وسى رەتكى توسىننان تۋىلعان ىندەت ءار ەل حالقىنىڭ باس اماندىعىنا جانە دەنساۋلىعىنا اۋىر قاتەر ءتوندىردى، دۇنيە ءجۇزى ەكونوميكاسىنا اۋىر سوققى جاسادى، كەيبىر ەلدەردىڭ، اسىرەسە، دامۋ جولىنداعى ەلدەردىڭ ەكونوميكاسى مەن قوعامى اۋىر قيىنشىلىققا تاپ بولدى. ىندەتكە توتەپ بەرۋ ءۇشىن، ءار ەل ءوز مەملەكەت جاعدايىن تياناق ەتىپ، پارمەندى ساقتانۋ، تىزگىندەۋ شارالارىن قولدانىپ، بەلسەندى ونىمدىلىككە قول جەتكىزدى. كوپتەگەن ەل ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، ەكونوميكالىق، قوعامدىق دامۋدى كۇش سالا قالپىنا كەلتىرۋدە. جۇڭگو حالىقتى، ءومىردى الدىڭعى ورىنعا قويۋدان جازباي، دۇنيە ءجۇزىنىڭ ىندەتتى ەرتەرەك جەڭۋىنە، دۇنيە ءجۇزى ەكونوميكاسىنىڭ قالپىنا كەلۋىن جەبەۋگە ۇلەس قوسۋدى قالايدى.
شي جينپيڭ بىلاي دەپ اتاپ كورسەتتى: ىندەت ءبىزدى ءبىرسىپىرا تەرەڭ ويعا سالدى. ءار ەلدىڭ تاعدىرى وتە تىعىز بايلانىستى، ادامزات − ءبىر جاعادان باس، ءبىر جەڭنەن قول شىعاراتىن تاعدىرلاس ورتاق تۇلعا. مەيلى ىندەتكە توتەپ بەرۋدە بولسىن، الدە ەكونوميكانى قالپىنا كەلتىرۋدە بولسىن، بارىندە دە ىنتىماق جانە سەلبەستىك جولىمەن ءجۇرۋ، بارىندە دە كوپ جاقتىلىقتان جازباۋ كەرەك. بايلانىستىرۋ – تۇتاستىرۋدى جەبەۋ، اشىق ۇستاۋدان، سيىسىمدى بولۋدان جازباۋ − دۇنيە جۇزىلىك قاتەرگە توتەپ بەرىپ، باياندى دامۋدى ىسكە اسىرۋداعى قاجەتتى جول، «ءبىر بەلدەۋ، ءبىر جولدى» بىرگە قۇرۋدا حالىقارلىق سەلبەستىك ماڭىزدى رول اتقارا الادى.
شي جينپيڭ مىنالاردى دارىپتەدى: جۇڭگو باستان - اياق بەيبىت دامۋدا، ءوزارا تيىمدىلىك جاساپ، بىرگە يگىىكتەنۋدە تاباندى بولادى. ءبىز سەلبەستىك سەرىكتەرىمىزبەن بىرگە «ءبىر بەلدەۋ، ءبىر جولدى» سىن - سايىسقا ىنتىماقتاسا توتەپ بەرەتىن سەلبەستىك جولىنا، حالىقتىڭ سالاماتتىعىن، حاۋىپسىزدىگىن قورعاۋدىڭ اقاۋسىز جولىنا، ەكونوميكانىڭ، قوعامنىڭ قالپىنا كەلۋىن جەبەۋدىڭ قالپىنا كەلۋ جولىنا، دامۋدىڭ كومەسكى كۇشىن اشۋدىڭ ارتۋ جولىنا اينالدىرۋدى قالايمىز. «ءبىر بەلدەۋ، ءبىر جولدى» جوعارى ساپامەن بىرگە قۇرۋ ارقىلى ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋ كەرەك.
بۇل رەتكى ءماجىلىستى جۇڭگو سىرتقى ىستەر مينيسترلىگى، دامۋ - رەفورما كوميتەتى، ساۋدا مينيسترلىگى، دەنساۋلىق ساقتاۋ، سالاماتتىق كوميتەتى بىرگە وتكىزدى، نەگىزگى تاقىرىبى: «‹ءبىر بەلدەۋ، ءبىر جول› حالىقارالىق سەلبەستىگىن كۇشەيتىپ، جاڭا تيپتى ايدارشا ۆيرۋس وكپە قابىنۋىنا قول ۇستاسا وتىرىپ قارسى اتتانۋ» بولدى. 25 مەملەكەتتىڭ سىرتقى ىستەر مينيسترلەرى نەمەسە مينيستر دارەجەلى ءمانساپتىلارى جانە دۇنيە جۇزىلىك دەنساۋلىق ساقتاۋ ۇيىمىنىڭ باس قىزمەتكەرى تەدروس، ب م ۇ باس حاتشىسىنىڭ ورىنباسارى، قوسىمشا ب م ۇ دامۋ جانە جوسپار مەكەمەسىنىڭ باستىعى شتاينەر ماجىلىسكە قاتىناستى. ماجىلىستە بىرلەسكەن مالىمدەمە جاريالاندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
