مەملەكەتتىك كەڭەس كەڭسەسى «ەكسپورت ونىمدەرىنىڭ ىشكە ساتىلۋىنا قولداۋ كورسەتۋ جونىندەگى اتقارۋ پىكىرىن» باسىپ تاراتتى
2020.06.23 17:48 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 22 - كۇنى، بەيجيڭ. مەملەكەتتىك كەڭەس كەڭسەسى بىرنەشە كۇننىڭ الدىندا «ەكسپورت ونىمدەرىنىڭ ىشكە ساتىلۋىنا قولداۋ كورسەتۋ جونىندەگى اتقارۋ پىكىرىن» باسىپ تاراتتى.
«پىكىردە» مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكانى، قوعامدى دامىتۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى شەشىم، ورنالاستىرۋلارىن ىشكەرىلەي دايەكتى تياناقتاندىرىپ، «التىنى ورنىقتىرۋ» قىزمەتىن جاقسى ىستەپ، «التىنى كەپىلدەندىرۋ» مىندەتىن تياناقتاندىرۋ ءۇشىن، كاسىپورىنداردى حالىقارالىق بازاردى كەڭەيتۋگە شابىتتاندىرۋمەن بىرگە، ءوتىمدى ەكسپورت ونىمدەرىنىڭ ەل ءىشى بازارىن اشۋىن قولداپ، سىرتقى ساۋدا كاسىپورىندارىنىڭ قيىنشىلىق قىسپاعىنان وتۋىنە كۇش سالا كومەكتەسۋ، سىرتقى ساۋدانىڭ نەگىزىنەن ورنىقتى بولۋىن جەبەۋ كەرەك.
«پىكىردە» مىنالار دارىپتەلدى: ۇكىمەتتىڭ جەتەكشىلىك رولىن ساۋلەلەندىرىپ، ەكسپورت ونىمدەرىنىڭ ىشكە ساتىلۋىنا مەدەت بەرىپ، سىرتقى ساۋدا كاسىپورىندارىنىڭ قيىنشىلىق قىسپاعىنان ارىلۋىنا كومەكتەسىپ، كاسىپ تىزبەگى مەن قامداۋ تىزبەگىنىڭ ىركىلىسسىز اينالىمىنا كەپىلدىك ەتىپ، سىرتقى ساۋدانىڭ، شەتەل قارجىسىنىڭ نەگىزگى جاعدايىن ورنىقتىرۋ كەرەك. كاسىپورىنداردىڭ تۇلعالىق رولىن ساۋلەلەندىرىپ، بازارلانعان اينالىمدا تاباندى بولىپ، سىرتقى ساۋدا كاسىپورىندارىنىڭ ساتۋ ارناسىن كەڭەيتۋىنە دەم بەرىپ، ىشكى تۇتىنۋدىڭ ساپاسىن، دارەجەسىن جوعارىلاتۋدى جەبەۋ كەرەك. جەرگىلىكتى ورىننىڭ قاراستى جەر جاۋاپكەرلىگىن تياناقتاندىرىپ، جەرگىلىكتى جاعدايعا قاراي ەكسپورت ونىمدەرىن ىشكە ساتۋ قىزمەتىن ىلگەرىلەتىپ، ءوز وڭىرىندەگى ماڭىزدى كاسىپ تىزبەگى مەن قامداۋ تىزبەگىندەگى سىرتقى ساۋدا كاسىپورىندارى مەن ورتا، شاعىن، ۇساق سىرتقى ساۋدا كاسىپورىندارىنا ءتۇيىندى تۇردە كومەكتەسۋ كەرەك.
«پىكىردە» مىناداي ءۇش جاقتاعى شارا ورتاعا قويىلدى: ءبىرىنشى، ەكسپورت ونىمدەرىنىڭ ەل ءىشى بازارىنا كىرۋىن قولداۋ. ىشكى بازاردا بازارعا كىرۋ رۇقساتىن تەزدەتىپ، ەكسپورت ارقىلى ىشكى بازاردا ساتىلاتىن ونىمدەردى كۋالاندىرۋ ءتارتىبىن وڭايلاندىرىپ، كاسىپورىنداردىڭ باجى الۋ ءتارتىبىن وڭايلاندىرۋ كەرەك. «ۇقساس جەلى، ۇقساس ماركا، ۇقساس ساپا» بويىنشا دامۋدى جەبەپ، قولدانىس كولەمىن ادەتتەگى تۇتىنۋ بۇيىمدارى، ونەركاسىپ ونىمدەرى سالاسىنا دەيىن كەڭەيتۋ، ءبىلىم مەنشىگى ۇقىعىن قامتاماسىزداندىرۋدى كۇشەيتۋ كەرەك. ەكىنشى، كوپ ارنامەن ىشكى بازاردا ساتۋدى قولداۋ. ىشكى جاقتا ساتۋ تەكشەسىن قۇرىپ، سىرتقى ساۋدا كاسىپورىندارىنىڭ ەلەكتروندى ساۋدا تەكشەسىمەن ۇشتاسۋىنا شابىت بەرىپ، نەگىزگى جاياۋلار كوشەلەرىندە ەكسپورت ونىمدەرىن ىشكە ساتۋ ارناۋلى تاقىرىپتىق قيمىلىن ورىستەتۋگە جەتەكشىلىك ەتىپ، ءىرى ساۋدا كاسىپورىندارىن تاپسىرىستى تىكە الۋعا ۇيىمداستىرۋ كەرەك. ۇتىمدى قارجىلاندىرۋدىڭ جەتەكتەۋ رولىن ساۋلەلەندىرىپ، جەر - جەردەگى جاڭاشا نەگىزدىك قۇرىلعىلاردىڭ، جاڭاشا قالا - قالاشىقتانۋدىڭ جانە كەلەلى ينجەنەريالىق قۇرىلىستىڭ قاجەتىمەن ءتۇيىندى تۇردە ۇشتاستىرىپ، شارتقا ۇيلەسەتىن ءبىر توپ ەكسپورت ءونىمىن ىشكە ساتۋعا ۇيىمداستىرۋ كەرەك. تۇتىنۋ قاجەتىمەن دالمە - ءدال ۇشتاسىپ، سىرتقى ساۋدا كاسىپورىندارىن ىشكى بازاردا ءوتىمدى بولاتىن ونىمدەردى زەرتتەپ اشۋعا جەتەكتەپ، ءوز ماركاسىن جاراتۋ كەرەك. جاڭا كاسىپ كۇيىنەن، جاڭا ۇلگىدەن تولىق پايدالانىپ، جەلىدە، جەلى سىرتىندا توعىسا دامۋدى جەبەۋ كەرەك. ءۇشىنشى، امانات - قارىز قامسىزداندىرۋى مەن قارجىلاي قولداۋدى كۇشەيتۋ. ىشكە وتكەرمەلەپ ساتۋدى قولايلىلاندىرۋ دەڭگەيى جوعارىلاتۋ كەرەك. قارجى قۇراۋ جونىنەن قىزمەت وتەۋ مەن قولداۋدى ويداعىداي ىستەپ، ءتۇرلى فينانس قۇرىلىمدارىنىڭ فينانستىق قولداۋ كورسەتۋىنە دەم بەرىپ، جيىپ الۋعا ءتيىستى سوما، زات ساقتاۋ، تاپسىرىس سياقتى قارجى قۇراۋ ىستەرىن ورىستەتىپ، ءىرى ەلەكتروندىق ساۋدا تەكشەسىنە سۇيەنىپ، ورتا، شاعىن، ۇساق سىرتقى ساۋدا كاسىپورىندارىنا تىكە قارىز بەرۋ كاسىبىن نىعايتۋ كەرەك. قامسىزداندىرۋدى قولداۋ تەبىنىن ارتتىرىپ، قامسىزداندىرۋ سەرىكتەستىكتەرىنىڭ كوپ نەگىزدى قامسىزداندىرۋ جونىنەن قىزمەت وتەۋىنە قولداۋ كورسەتۋ كەرەك. قارجىلىق قولداۋدى كۇشەيتىپ، سىرتقى ەكونوميكا - ساۋدانى دامىتۋ ارناۋلى قارجىسىنان جەتكىلىكتى، ويداعىداي پايدالاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
