شي جينپيڭ جۇڭگو - اراب ەلدەرى ساياسي پارتيالار كەڭەسى ەرەكشە ماجىلىسىنە قۇتتىقتاۋ حات جولدادى
2020.06.24 13:41 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 22 - كۇنى بەيجيڭنەن بەرگەن حابارى. جۇڭگو - اراب ەلدەرى ساياسي پارتيالار كەڭەسى ەرەكشە ءماجىلىسى 6 - ايدىڭ 22 - كۇنى بەينەەكران ءماجىلىسى فورماسىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ماجىلىسكە قۇتتىقتاۋ حات جولدادى.
شي جينپيڭ مىنالاردى ءبىلدىردى: جۇڭگو - اراب ەلدەرى ساياسي پارتيالارى كەڭەسى ەرەكشە ءماجىلىسىنىڭ اشىلۋ ورايىندا، مەن جۇڭگو كوممۋنيستىك پارتياسى ورتالىق كوميتەتى اتىنان، سونداي - اق ءوز اتىمنان ءماجىلىستىڭ اشىلعاندىعىن قىزۋ قۇتتىقتايمىن، ماجىلىسكە قاتىناسقان اراب ەلدەرى ساياسي پارتيالارىنىڭ باسشىلارىنا شىن ىقىلاستى سالەم جولدايمىن.
شي جينپيڭ بىلاي دەپ اتاپ كورسەتتى: جۇڭگو مەن اراب ەلدەرى دوستىعى تەرەڭ تامىر العان، ارىدان جالعاسقان. جۇڭگو مەن اراب ەكى ۇلت بايىرعى جىبەك جولىندا بارىس - كەلىس جاساۋ بارىسىندا ءوزارا دوستاسىپ، ”ءبىر بەلدەۋ، ءبىر جولدى“ بىرگە قۇرۋدا قول ۇستاسىپ، ءبىر - بىرىنە سەرىك بولىپ، مەملەكەتتىڭ بايۋ، قۇدىرەتتەنۋ، ۇلتتىڭ گۇلدەنۋ ارمانىن جۇزەگە اسىرۋعا بىرگە قۇلشىندى. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، جۇڭگو مەن اراب ەلدەرى ءبىر - بىرىنە قارايلاسىپ، ءوزارا كومەكتەسىپ، ۋاقىتتىق قيىندىقتى بىلەك بىرىكتىرە جەڭىپ، جۇڭگو - اراب ەلدەرى تاعدىرلاس ورتاق تۇلعاسىن بىرگە قۇرۋدىڭ جاڭا تاراۋىن جازدى. شىنايى سۇيىسپەنشىلىك تاۋقىمەت پەن تارعالاڭدا سىنالادى. قول ۇستاسا وتىرىپ ىندەتكە قارسى اتتانۋدىڭ شىڭداۋىنان وتكەن جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىنىڭ نەگىزى اناعۇرلىم نىعايىپ، حالىقتار دوستىعى ونان ارى تەرەڭدەپ، سەلبەستىكتىڭ بولاشاعى ءتىپتى دە نۇرلانا ءتۇستى.
شي جينپيڭ بىلاي دەپ باسا دارىپتەدى: بۇل رەتكى ىندەت ادامزاتتىڭ بەينەت پەن زەينەتتى بىرگە وتكەرەتىن تاعدىرلاس ورتاق تۇلعا ەكەندىگىن تاعى ءبىر مارتە دالەلدەپ بەردى. جۇڭگو كوممۋنيستىك پارتياسى مەن جۇڭگو ۇكىمەتى قاشاندا حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بار كۇشىن سالىپ ەمدەپ، قۇتقارىپ، ىندەتتەن ساقتانۋ - تىزگىندەۋدە ماڭىزدى ستراتەگيالىق جەتىستىككە قول جەتكىزدى؛ قاشاندا اشىق، جاريا بولۋ، جاۋاپكەرلىك ارقالاۋ پوزيتسياسىن ۇستانا وتىرىپ، ىندەتكە قارسى اتتانۋدىڭ حالىقارالىق سەلبەستىگىنە بەلسەنە ارالاسىپ جانە ونى ىلگەرىلەتىپ، قاشاندا قولىنان كەلگەنشە حالىقارالىق قوعامنىڭ ىندەتكە قارسى اتتانۋ كۇرەسىنە قولداۋ جانە كومەك كورسەتتى. جۇڭگو جاق قالىڭ اراب ەلدەرىن قامتىعان حالىقارالىق قوعاممەن ىنتىماقتى، سەلبەستىكتى كۇشەيتۋدى، دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرۋىنە قولداۋ كورسەتۋدى، ادامزاتتىڭ دەنساۋلىق - سالاماتتىق ورتاق تۇلعاسىن ورناتۋدى بىرگە ىلگەرىلەتۋدى قالايدى.
شي جينپيڭ مىنالاردى ءبىلدىردى: جۇڭگو - اراب ەلدەرى ساياسي پارتيالار كەڭەسى − جۇڭگو كوممۋنيستىك پارتياسىنىڭ اراب ەلدەرىندەگى ساياسي پارتيالارمەن اۋىس - كۇيىس جاساۋىنىڭ، سەلبەسۋىنىڭ ماڭىزدى تۇعىرى. ىندەت اكەلگەن جاڭا جاعداي، جاڭا سىن - سايىس الدىندا، جۇڭگو كوممۋنيستىك پارتياسى اراب ەلدەرىندەگى ساياسي پارتيالارمەن بىرلەسە وتىرىپ، جۇڭگو - اراب ەلدەرى ساياسي پارتيالار كەڭەسىنىڭ تۇعىرلىق رولىن ويداعىداي ساۋلەلەندىرىپ، ستراتەگيالىق پىكىرلەسۋدى ۇزدىكسىز كۇشەيتىپ، ىندەتتەن ساقتانۋ - تىزگىندەۋدى ۇدايىلاندىرۋ جاعدايىنداعى ەل باسقارۋ تاجىريبەلەرى جونىندە اۋىس - كۇيىس جاساسۋدى تەرەڭدەتىپ، ءوزارا قۇرمەت ەتىپ، ءبىر - بىرىنەن ۇيرەنىپ، ۇلگى الىپ، جاڭا داۋىردەگى جۇڭگو - اراب ەلدەرى تاعدىرلاس ورتاق تۇلعاسىن ورناتۋ، جۇڭحۋا مەن اراب ەكى ۇلكەن ۇلتتىڭ ۇلى گۇلدەنۋىن جۇزەگە اسىرۋ ءۇشىن تىنباي قۇلشىنۋدى قالايدى. ءماجىلىستىڭ تولىق تابىستى بولۋىن تىلەيمىن.
جۇڭگو - اراب ەلدەرى ساياسي پارتيالار كەڭەسى ەرەكشە ءماجىلىسىن جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى باس بولىپ وتكىزدى. ءماجىلىس مەرزىمى 3 كۇن، ءماجىلىس تاقىرىبى: ”قول ۇستاسا وتىرىپ جاڭا داۋىردەگى جۇڭگو - اراب ەلدەرى تاعدىرلاس ورتاق تۇلعاسىن بىرگە قۇرايىق“. ماۆريتانيانىڭ زۇڭتۇڭى عازوۋاني، پالەستينا فاتاح ۇيىمىنىڭ ءتوراعاسى، زۇڭتۇڭ ابباس، سيريا گۇلدەنۋ پارتياسىنىڭ باس شۋجيى، زۇڭتۇڭ باشار، ماروككو ادىلەت جانە دامۋ پارتياسىنىڭ باس شۋجيى، باس ءۋازىر وسىماني قاتارلى اراب ەلدەرىنىڭ 6 باسشىسى ماجىلىستە ارناۋ ءسوز سويلەدى، اراب ەلدەرىندەگى ساياسي پارتيالاردىڭ 60تان استام باسشىسى ماجىلىسكە قاتىناستى. اراب ەلدەرى جاقتىڭ باسشىلارى مىنالاردى ءبىلدىردى: باس شۋجي شي جينپيڭنىڭ اراب ەلدەرى مەن جۇڭگونىڭ ستراتەگيالىق سەرىكتەستىك قارىم - قاتىناسى تۋرالى بەلسەندى باعاسىنا بۇكىلدەي قوسىلامىز؛ جۇڭگونىڭ پارتياسى مەن ۇكىمەتىنىڭ ىندەتكە قارسى اتتانۋ كۇرەسىندە قاشاندا ”حالىقتى بارىنەن جوعارى قوياتىن“ بيلىك جۇرگىزۋ ۇستانىمىنا تاباندى بولعاندىعىن، سونداي - اق ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، ىندەتكە قارسى اتتانۋدىڭ حالىقارالىق سەلبەستىگىنە بەلسەنە ارالاسقاندىعىن جانە ونى ىلگەرىلەتكەندىگىن ايرىقشا القايمىز؛ جۇڭگو جاقتىڭ اراب ەلدەرىنىڭ يەلىك ۇقىعىن جانە تاۋەلسىزدىگىن قورعاۋىنا ءاردايىم قولداۋ كورسەتىپ كەلە جاتقاندىعىنا العىس ايتامىز، شياڭگاڭ، شينجياڭ سياقتى ىستەر جۇڭگونىڭ ىشكى ءىسى دەپ قارايمىز، سىرتقى كۇشتەردىڭ جۇڭگونىڭ ىشكى ىسىنە كيلىگۋىنە قارسى تۇرامىز؛ جۇڭگو كوممۋنيستىك پارتياسىمەن بىرگە ستراتەگيالىق پىكىرلەسۋدى جانە ۇستانىمدا ءوزارا ۇلگى الۋدى كۇشەيتىپ، جاڭا داۋىردەگى اراب ەلدەرى - جۇڭگو تاعدىرلاس ورتاق تۇلعاسىن قول ۇستاسا بىرگە قۇرۋدى قالايمىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
