شينجياڭ ءبيداي وندىرىسىندە باسىمدىققا يە 42 ءوڭىر ورنالاستىرادى
2020.07.08 16:24 كەلۋ قاينارى : حالىق تورابى
شينجياڭ گازەتىنىڭ 7 – ايدىڭ 6 – كۇنى ۇرىمجىدەن بەرگەن حابارى. ”بيىل شيندۇڭ 60 - ءنومىرلى ءبيداي ەكتىم، مۋ باسىندىق ءونىم مولشەرى 500 كيلوگرامنان اسادى، ءار مۋىنان كونە سورتپەن سالىستىرعاندا 87 كيلوگرام ارتىق ءونىم الامىن، مۋ باسىندىق كىرىسىم 230 نەشە يۋان جوعارىلايدى“. 7 - ايدىڭ 6 - كۇنى جاڭاءشار اۋدانى ياندۇما اۋىلى جوعارعى جايلاۋ قىستاعىنىڭ تۇرعىنى ابدۇروسىل يبىرايىم بىلاي دەدى: قازىر ساياسات جاقسى، تۇقىم شارۋاشىلىعى كاسىپورىندارى تاعى تۇتاس بارىستىق تەحنيكالىق قىزمەت وتەيدى، ءبيداي ەگۋدەن تاباتىن كىرىسىمىز جىلدان - جىلعا جوعارىلاپ، سەنىمىمىز جىل سايىن نىعايىپ كەلەدى.
شينجياڭ قۋاڭ، جارتىلاي قۋاڭ شولەيتتى، جاسىل القاپتى، سۋارمالى اۋىل شارۋاشىلىعى ەكولوگيالىق وڭىرىنە جاتادى، جوعارى ۇلپالىلىقتان ورتاشا، ءالسىز ۇلپالىلىققا دەيىنگى ءتۇرلى ساپالى ءبيداي ەگۋگە ۇيلەسەدى، دۇنيە جۇزىندە سيرەك كەزدەسەتىن ساپالى ءبيداي ءوندىرۋ ءوڭىرى. ساياحات كاسىبىنىڭ جىلدام دامۋىنا ىلەسە، نان، لاعمان سياقتى ەرەكشە ازىق - تۇلىكتەر شينجياڭنىڭ ءىشى - سىرتىنداعى بۇقارانى قاتتى قىزىقتىردى، شينجياڭنىڭ ۇن تۇتىنۋىنىڭ تۇراقتى قاجەتتىلىگى ارتتى، ساپالى ءبيدايدى ورنىقتى دامىتۋدى، ءسوزسىز، اتقارۋ كەرەك.
ءتىلشىنىڭ شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنشا، الداعى ءبىر مەزگىلدە، شينجياڭ جوڭعار ويپاتىنىڭ وڭتۇستىك جيەگى، قۇلىستاي ويپاتى، تارىم ويپاتى قاتارلى 7 ءبيداي ءوندىرىس وڭىرىنە جايعاسقان 11 ايماق، وبلىس، قالانىڭ باسىمدىققا يە 42 وڭىرىندەگى نەگىزگى ءوندىرىس اۋدان، قالالارىندا ءبيداي وندىرىسىندە باسىمدىققا يە ءوڭىر ورنالاستىرىپ، ءبيداي ءوندىرىسىنىڭ باسىمدىققا يە وڭىرگە شوعىرلانۋىن ۇزدىكسىز ىلگەرىلەتىپ، بيدايمەن قامداۋ جۇيەسىنىڭ ساپاسى مەن ونىمدىلىگىن جوعارىلاتادى.
وسى بارىستا، شينجياڭ استىق وندىرىسىندەگى ”شينجياڭ ىشىندە تەپە - تەڭ بولۋ، ءسال ىركىندى قالۋ“ نەگىزگى پرينسيبىنە ۇزدىكسىز تاباندى بولىپ، ”استىقتى جەرمەن بايلانىستىرۋ، استىقتى تەحنيكامەن بايلانىستىرۋ“ ستراتەگياسىن اتقارىپ، استىقپەن قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، ءبيدايدى جەتەكشى سيپاتتى ەگۋ جوسپارىن ۇزدىكسىز ءتۇسىرىپ، ءبيداي سياقتى استىقتاردىڭ ءوندىرىس كولەمىن ۇزدىكسىز ارتتىرادى. استىق حاۋىپسىزدىگىنە شىنايى كەپىلدىك ەتۋ العى شارتىندا، سولتۇستىك شينجياڭ جوعارى ۇلپالى، ورگانيكالى، سەلەندى سياقتى ساپالى ارناۋلى ءبيدايدى ءتۇيىندى تۇردە دامىتىپ، ءبيداي ءوندىرىسى مەن قاجەتسىنۋدىڭ ءونىمدى ۇشتاسۋىن جەبەيدى؛ وڭتۇستىك شينجياڭ ءوڭىرى استىقتىڭ تۇبەگەيلى حاۋىپسىزدىگىن تياناق ەتىپ، ساپالى دا جوعارى ءونىمدى، جەمىس اعاشىنىڭ اراسىنا استىقتى كىرىكتىرىپ ەگۋ ۇلگىسىنە ۇيلەسەتىن ءبيدايدىڭ جاڭا سورتتارىن تاڭداپ جەتىلدىرۋدى، جالپىلاستىرۋدى جەدەلدەتىپ، ءبيداي ءوندىرىسىنىڭ ساندىق ارتۋدان سان مەن ساپادا بىردەي جوعارىلاۋعا بۇرىلىس جاساۋىن ىلگەرىلەتەدى. شينجياڭ ەگىستىك جەردىڭ ساپالىق دەڭگەيىن ۇزدىكسىز جوعارىلاتىپ، جوعارى ولشەمدى استىق ەگىنجايىن قۇرىپ، ساپالى تۇقىم جەتىلدىرۋ بازاسى قۇرىلىسىن جەدەل ىلگەرىلەتىپ، استىقتىڭ امبەباپ ءوندىرىس قۋاتىن ۇزدىكسىز جوعارىلاتىپ، استىقتىڭ ورنىقتى ءوندىرىسىنىڭ جانە مول ءونىم نەگىزىن بەكەمدەيدى. سونىمەن بىرگە، شينجياڭ تاعى ەرەكشەلىگى ايقىن، ونىمدىلىگى كورنەكتى باسىمدىققا يە كاسىپ ءوڭىرىن تۇلعالاپ، ءوندىرۋ مەن اينالىسقا ءتۇسىرۋدىڭ سايكەستى دامۋىن جەبەيدى.
2022 - جىلعا بارعاندا، شينجياڭ ساپالى، جاسىل، ورگانيكالى ءبيداي ەگىلەتىن جەر اۋماعىنىڭ 3 ميلليون 500 مىڭ مۋدان كەم بولماۋىنا كۇش سالىپ، ءبيدايدى ءتۇيىن ەتكەن استىقتىڭ بازارلانعان، كاسىپ سالالانعان دامۋىنىڭ جاڭا جۇلگەسىن بىرتىندەپ ورناتادى. 2025 - جىلعا بارعاندا، شينجياڭداعى ساپالى، جاسىل، ورگانيكالى ءبيداي ەگىلەتىن جەر اۋماعى 4 ميلليون مۋدان كەم بولمايدى، قامتاماسىزداندىرىلۋى اناعۇرلىم پارمەندى، قولدانىلىمى اناعۇرلىم كوپ نەگىزدى، ۇيلەسۋى اناعۇرلىم كەڭ، قۇرىلىمى اناعۇرلىم ۇيلەسىمدى بولعان استىقپەن قامداۋ جۇيەسى نەگىزىنەن ورناتىلىپ، ءبيداي كاسىپ سالاسى جوعارى ءتۇسىمدى، ساپالى، جوعارى ءونىمدى، ارناۋلى، جاسىل بولعان ورتا جوعارى دامۋ جولىنا قادام تاستايدى.
سوڭعى جىلدارى، شينجياڭ ءبيدايدى جيناپ ساقتاۋ ءتۇزىمى رەفورماسىن ىشكەرىلەي اتقارىپ، دۇمبە ءبيداي ەگىستىك جەرىنىڭ قۇنارلىلىعىن قورعاۋ قوسىمشا قاراجاتى ولشەمىن جوعارىلاتىپ، ءبيدايدىڭ جاڭا سورتىن جالپىلاستىرۋدان ۇلگى كورسەتۋ سەرپىنىن ارتتىردى، ءبىرقىدىرۋ ساياسات - شارالاردىڭ اتقارىلۋى ءبيدايدىڭ ءداستۇرلى ءوندىرىس كوزقاراسى مەن ءادىسىن وزگەرتىپ، امبەباپ ءوندىرىس ونىمدىلىگىن جوعارىلاتىپ، استىق ەگەتىن شارۋالاردىڭ بەلسەندىلىگىن قورعادى، سونداي - اق بۇكىل رايوننىڭ ءبيداي كاسىپ سالاسىنىڭ تيپىن وزگەرتىپ، دارەجەسىن جوعارىلاتۋعا دا بەرىك نەگىز قالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
