بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ گۇيجوۋدا قىزمەت تەكسەرگەندە مىنانى دارىپتەدى

ءتۇيىندى حالىق تۇرمىسى قىزمەتىن كورنەكتىلەندىرىپ ويداعىداي ىستەپ، رەفورمادا جاڭالىق اشۋدى ىلگەرىلەتىپ، دامۋدىڭ قوزعاۋشى كۇشىن نىعايتۋ كەرەك

2020.07.08 16:35     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 7 – كۇنى، گۇيياڭ (ءتىلشى ليۋ جىڭ). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ گۇيجوۋ ولكەلىك پارتكومنىڭ شۋجيى سۇن جىگاڭنىڭ، ولكە باستىعى چىن ي - چيننىڭ سەرىك بولۋىندا 7 – ايدىڭ 6 – كۇنىنەن 7 – كۇنىنە دەيىن تۇڭرىن، گۇيياڭدا تەكسەرۋ جۇرگىزدى.

  لي كىچياڭ ۇشاقتان تۇسە سالا اۋەجاي ماڭىنداعى بەي – ي - تۇڭ سەرىكتەستىگىندە قىزمەت تەكسەردى. ول كەدەيلەردى سۇيەمەلدەۋ وبيەكتىلەرىنە جانە شارۋا جۇمىسكەرلەردى جۇمىستاندىرۋعا ەرەكشە كوڭىل اۋداردى. كاسىپورىن جاۋاپتىسى بۇل ارادا كەدەيلەردى سۇيەمەلدەۋ وبيەكتىلەرىنەن جانە اۋىلعا قايتقان شارۋا جۇمىسكەرلەردەن مىڭنان ادام جۇمىسقا قابىلدانعانىن تانىستىردى. جۇمىسكەرلەر زۇڭليگە وزدەرىنىڭ ىندەت تارالۋ سەبەبىنەن سىرتقا شىعىپ جۇمىس ىستەۋگە شاراسىز قالعاندىقتارىن، قازىر ءوز مەكەندەرىندە جۇمىستانۋ ماسەلەسى شەشىلگەنىن باياندادى. لي كىچياڭ كاسىپورىندى ءوندىرىستى ۇلعايتىپ، كاسىپ سالاسى ارقىلى كەدەيلەردى سۇيەمەلدەۋدى ىلگەرىلەتىپ، شارۋا جۇمىسكەرلەرگە كوپتەپ جۇمىستانۋ ورايىن جاراتىپ بەرۋگە شابىتتاندىردى. ول بىلاي دەدى: جۇمىستاندىرۋ − ەكونوميكالىق ماسەلە ءارى حالىق تۇرمىسى ماسەلەسى، حالىق تۇرمىسىن نەگىز ەتە وتىرىپ، ءار دارەجەلى ۇكىمەتتەر بارلىق امالدى قولدانىپ جۇمىستاندىرۋدى كەپىلدەندىرۋى، جۇمىستاندىرۋ كولەمىن كەڭەيتۋگە كۇش سالۋى كەرەك. حالىق تۇرمىسى قاجىرلى ەڭبەكتى قاجەت ەتەدى، كوپشىلىكتىڭ قاجىرلىلىقپەن ەڭبەك ەتىپ، ونەر يگەرىپ، ءتىپتى دە تاماشا بولاشاققا قول جەتكىزۋىن ءۇمىت ەتەمىن.گۇيجوۋ ولكەسىندە بيىل تاسقىن اپاتى تۋىلعان جەرلەر كوپ، شارپىعان كولەمى كەڭ بولدى. 6 - ايدان بەرگى ورتاشا جاۋىن - شاشىن مولشەرى 60 جىلدان بەرگى ۇقساس مەزگىلدەگىدەن ەڭ كوپ بولدى. لي كىچياڭ تۇڭرىن قالاسىنىڭ جياحى قىستاعىنا كەلىپ، لاي تاسقىن قيراتقان كەدەي وتباسىلاردىڭ ۇيلەرىن كورىپ، جەرگىلىكتى ورىنداعى كادىرلارعا اپاتقا ۇشىراعان بۇقارانى ويداعىداي ورنالاستىرۋدى تاپسىردى. ول تۇرمىسىندا قيىنشىلىعى بار بىرنەشە تۇرعىننىڭ وتباسىلارىنا بارىپ، ولاردىڭ اپاتتان كەيىنگى تۇرمىستارىنىڭ قامتاماسىزداندىرىلۋ جاعدايىن كورىپ، اپاتتان كەيىن ىندەتتەن ساقتانۋ جانە بۇلىنگەن قۇرىلىستاردى جوندەۋ ىستەرىن ويداعىداي ىستەۋدى تاپسىردى. گۇيجوۋ ولكەسىنىڭ تاسقىننان ساقتانۋ، اپاتتان قۇتقارۋ جاعدايى جونىندەگى مالىمەتىن تىڭداعان كەزدە لي كچياڭ بىلاي دەدى: تاياۋ مەزگىلدە گۇيجوۋدا جانە وڭتۇستىك بولەكتە تاعى دا نوسەر جاۋادى، جەر - جەر باس شۋجي شي جينپيڭنىڭ تاياۋدا تاسقىننان ساقتانۋ، اپاتتان قۇتقارۋ قىزمەتىنە بەرگەن ماڭىزدى نۇسقاۋىنىڭ رۋحىن شىنايى تياناقتاندىرىپ، باقىلاۋ - ولشەۋ جانە ساقتىق ەسكەرتۋىن بەرۋدى ويداعىداي ىستەپ، تاسقىننان، گەولوگيالىق اپاتتان قورعانۋ جانە شۇعىل جاعدايعا توتەپ بەرۋ، جەدەل قۇتقارۋ، كومەكتەسۋ قىزمەتتەرىن كۇش سالا ويداعىداي ىستەۋى كەرەك. ول قاتىستى تاراۋلاردىڭ ءبىر تۇتاس قارجى ورنالاستىرىپ، جەرگىلىكتى ورىنداعى بۇلىنگەن ۇيلەر مەن قۇرىلىستاردى قايتا سالۋدى قولداۋىن، اسىرەسە، قيىنشىلىعى بۇقارا مەن اپات اۋىر بولعان رايوندارعا بەيىمدەلۋىن تالاپ ەتتى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار